¹ Abaakuk Yennu sɔkini mialu.K jiin fabinn po. ² Kaagbennu n gbat faa wann lin nba waa k jaŋmaani suolin . _Tumin a tuonn bina na ni, o kaagbennu, bina na ni yabt l paak ŋaan _A wutuol ni i mɔk nibatinu. ³ Yennu baat teman, ŋanɔ nyii palan jual paak e... U ni mont gbie sanpaapo, ku yudant gbie tinŋ. ⁴ L tie nan muyieunŋ ne ; mukpana nyi u nuu ni, u panŋ be lenŋ e. ⁵ Yialu bia be u fuuna paak. ⁶ U set k got ninbin k bikin tinŋ ; u got k te k digbana jekl; jɔkpela yiel bubut, kunkon kpela jinŋ jinŋ, sɔni nba bobe luot u tuann. ⁷ N laat Etiopi lanbont ta lat binbenŋ, nan Madian duo ni yal nba tie bianŋ nba. ⁸ Kaagbennu wutuol duo mɔka na paak ee? A pal mantik bie mɔk gbenŋa paak, ŋann ni saa te fan jake a tanni, k bia do a panŋ telit paak-i? ⁹ B got a talbann na; mɔpola nyii a pinpakt ni e... (fuoin) a yaktl tinŋ e k tien mɔka soni. ¹⁰ A binbenŋ ni, juat jekl, jatont puub yian yian, jɔlɔnŋni nyun fu, u dont u ni saapaapo. ¹¹ Yennu nan ŋmaalik set b ŋaak ni, pieni nan kpana muyiounŋ ni. ¹² A ninmonn ni e ka luantinŋ kul po, a jii wutuol k buont digbana kul. ¹³ A nŋii a fan tinn a niib, k bia tinn a kpanbal, a bet nitonŋ ŋaak kpina, a biil nan l nuakin kul. ¹⁴ A pieni na ŋmuu luot u saakab yula wa, k kaki nan wonpaa luk na a bin yati't, k laa kpanm nan b nak nibiuk na. ¹⁵ Fin nan a taani ŋmaan mɔk gbenŋl paak, nan bakl ni. ¹⁶ N gbat li kul na k n gbanant jekl, k n mɔgbana jekl nan jaŋmani k n duna bot : N siin ŋmine ŋaan ki guu talat daal, daal nba k mabl danm tan saa dat niib tubaa. ¹⁷ K maan tiik nba k byii fiigie na k yiin puuk, ba yii tiik nba fiigie na ka lon sial, ba yii yiik nba Olifie sii ka, kpaant ki mɔk jiet, pei saa bot muuk ni, nei ji sii ka naagɔtit ni. ¹⁸ Yuo kul n pal sii man kaagbennu paak, n pal sii man nan Yennu fielu paak. ¹⁹ Yomdanɔ kaagbennu i ite n panŋ; u te k n taa naan piali taa, k bia te k n sonm sian nba ŋan. Yanyinna saakab nan biat.