1 Tyonmdaanɔ nba jiin Abakuk bianŋinba e na. 2 Nan bia yuo o'o! kaagbennu? K n yikin, ŋaan k a k gbiin i? N yikin ninmɔn yikini k tul'a, ŋaan k a k sonm! 3 Bee ka te k n laat lin nba k ŋaan, k a bia goli lin nba k tuok i? Bee ye k n laat mabl nan ninmɔnni? Kunkɔna be k mɔyatuk yabtl puki. 4 K bia jen a senni ji kpo, k balmɔni ji k mɔk panŋ k maan tondaanɔ mɔk panŋ balmɔni paak, k b bu tanpant buut. 5 Lun man nibinn doi ni, gotl man ki lin yaal lit'i k jaŋaani n suol'i. K man n saa tun sial, k lii tie k b yet'i, i kan tuo. 6 Mɔtaana , n saa tee nibuolu nba k b yi'b Saalden nba, buolu nba mɔk wutuok, k bia mɔk panŋ, k ŋaman lin lin doi kul po, k bin fat ŋai nba k tie b yal na. 7 B mɔk jaŋmani, k yab k bia mɔk panŋ. B panŋ nan b yabnt manŋ nyi b tiaɔnŋ buol e. 8 B taani kaki gal naamuut, k bia paal nantaal nan laajuouk kinkata na, k b tanjakla baat nan japaat, b tanjakla manŋ nyi banfokl e waa k yuuk nan konbiaɔk nba tuu yaa wun suol u nant na. 9 L nibuolu kul baat a bin tan fat e, k b goli k suman man k baal'a, k tan suol dansali nan tanbiini na. 10 L nibuolu laa kpanbaala e, k salkt kpanbaala waas, k sejemm kani mɔk'b laat, b tuu puon tankpeka, k do l paak k pik'm. 11 ŋanne k b panŋ ji puki, k b ŋanmt saa, k biil Yennu, b panŋ tie b Yennu. 12 Kaagbennu, n Yennu, n ŋanɔ , a b be yuo nba kaagbennu kaa aa? T kan kpo! Oo kaagbennu, a te niib manŋ be a: A tuu jii'b k bu a buut e . Oo! tanpiuuk, a k te k b fiil a bin daat niib tuba e. 13 A ninbina tie ninbinŋana e, k k ŋan lin la bonbiil, a kan fit got linba k ŋan, bee k a sii goli nibiit i? A sii ŋmine yuo nba k nitɔunŋ niŋanɔ ɔɔ? 14 A saa te k nilɔ ii tie nan mɔkl ninŋ jani kù bia ki tie nan bonfulkal na, k k mɔk daanɔ ɔɔ? 15 Nitounŋ tuu suol b kul nan janpienu ek donn'b, u tuu tikl'b u janlaaɔnŋ ninŋ e, k suol'b, k ji be palpienn na kpinkpanmuk ni. 16 L paak e ku man malunŋ k tien li janlaaunŋ, k jiikit bon nu nubt k yit u janlaaunŋ lona salk ; B paak k u laat nyuat, k u jiet man. 17 Nitounŋ sii nyint jani u janlaunŋ ni, k bia kɔli doi ninŋ niib k k tiin ninbaaɔk uu?