1 Tingbounŋ nani mabuolyenŋ kua e din be k mɔbona tie yenm. 2 Niib nba din nyii yendopo na, k tan baal siineal duo ni, k l baaɔk ŋan, k kua lenŋ. 3 B din yet b lieb a: ŋaant k t pua bliki, k pul muuni. B din jii bliki nba k b pua na, k senn tana yial, k kpabounn mun sie simint yial ni. 4 B bia din yet a: ŋaant man tin maa duo, k duo manŋ ni, tin maa dituatuk, k lin saa tuu sanpaak, k l paak ti mɔk sanu, k bia ji daa ji daa yat saa tingbounŋ na kul po. 5 K kaagbennu din sik a wun got duo, nan dituat nba k nisaali waas din maa na. 6 K yet a: b tie nibuolyeng, k pak mabuolyenŋ, I paak e, k b tuun lin nba na, mɔtaana, sial kan fit gual baa yaa bin tun lin nba na tumu. 7 Fiit man, t sik, k ŋmat b maan, k b daa gbia lieb maan. 8 Nna e, k kaagbennu din yat'b, tingbouny na kul po, k b fɔkt nan lieb, k ji gbal duo many maanu. 9 L paak e k b din yi duo manŋ Baabel, k maan lanŋe k kaagbennu dinŋmat tingbounŋ na kul maan, k l buol e biak k kaagbennu din yat'b tingbounŋ na kul po. 10 Senm yaabuona sana e na: Sem din mɔk bina kobk e k mal Alpaksat, nyungbiebiiuk bina ŋale puolpo e, k u din mal'ɔ. 11 Alpaksat matuk puolpo, Senm bia din la bina kobi ŋanmu, k mal bonjai nan bonpoi. 12 Alpaksat din mɔk bina piinta nan ŋanmu e, k mal Selak. 13 Selak maduk puolpo, Alpaksat din la biina kobi ŋanna, k mal bonjai nan bonpoi. 14 Selak din mɔk bina piinta a, k mal Hebel. 15 Hebel matuk puolpo, selek din la bina kobi ŋanna nan bina ŋanta, k mal bonjai nan bonpoi. 16 Hebel din mɔk bina piinta nan ŋanna, k mal Pelek. 17 Hebel nba din mal pelek puolpo, k u bia tien bina kobi ŋanna nan pinta, k bia mal bonjai nan bonpoi. 18 Pelek din mɔk bina piinta e, k mal Leu. 19 Pelek bia din tien bina kobi ŋanlee, Leu matuk puolpo. 20 Leu din mɔk bina piinta e, k mal Seluk. 21 Leu bia din tien bina kobi ŋanle nan ŋanlole, k bi mal bonjai nan bonpoi. 22 Seluk din mɔk bina piinta e, k mal Nakɔl. 23 Seluk bia tien bina kobi ŋanle nan ŋanlole, k bi mal bonjai nan bonpoi. 24 Nakɔl din mɔk bina piinle nan ŋan-yia e k mal Tela. 25 Nakɔl bia din tien bina kob k nan bina piik nan ŋan-yia e, Tela matuk puolpo, k bia mal bonjai nan bonpoi. 26 Tela din mok bina piinlole e, k mal Ablahaanm, Nakɔl nan Alan. 27 Tela yabuona Sana e na. Tela din mal Ablaahaanm, Nakɔl nan Alan. K Alan din mal Lot. 28 Alan kpo din salde duo nie, k sua u baa Tela daa be. 29 K ablaahaann nan Nakɔl din kuan puob. Ablaahaann ŋaapuo sann din tie Salai, k Nakɔl ŋaapuo sann tie Milka, k Mika baa tie Alan. Alan manne din mal Milka nan Jisa. 30 Salai din tie puokanmatle e, u din k mal bik. 31 Tela din jii Ablaahaanm, u bija,nan u yabuonn Lot nba tie Alan bija; nan u spuok Salai, Ablaahaann Naapuo. B din nyii ul digbann nba be salde duo ni na, k saan kaanaan duo ni. B din saa baal salan e, k kal lenŋ. 32 Tela din tien bina kobi ŋanle e, k kpo Salan duo ni.