¹ L puol pa , k n gbat yennu tant a , nakint man , yinm nba saa biil duo na , sua kul n nyi u kunkɔntiɔk ki dia! ² K jab banluob nyi yanbɔnŋ po tanmɔb ni k sonm k suakul dia u kunkɔn jatiɔk . k suo be be sinsukni k lia tapieni , k gbann buob siak ni k dianii be lipaak k b bal set kpian malunŋ binbintil . ³ K Islael yennu yabint yaabint jii yennu malaka nba k u yabint be u paak na k u saan set ŋaak na tanmɔb ni , ŋaan yiin jua nba lia tapieni , k buob dianii gbann na . ⁴ k kaagbennu yetua : kuan Selusalem duo ni , k saa faajabit nib nba mɔ k jiin bonkob tuona nba kul tuu paak . ⁵ K n tubil bia gbat ku paak lieb a : Ii waa u puol man duonani , ii ninbin nba lat linba i daa tiiin nibauk . ⁶ Ii kpiman nikpela , ja na sinm , sapanmuna i waat nan puob , ŋan i daa naki wunba kul mɔk jabit u paak , ii piin yennu ŋaak ni ŋant buol ! b din piin nikpela nba be yenjiantu diuk ninŋ nae . ⁷ k yennu yetb a ,: Ii biil jianti ŋaasakak na man , k gbien li dindonŋ nan nikpien a , piint tuon man . ŋanne k b piin k kpi niib nba be duona ni . ⁸ Baa kpi niib na yuo nba , k n bial n kuukua , k baa fabin tinŋ ni , ŋaan yikin k yet a , " yabint yennu , a mantik donn wutuol Selusalem tieb paak , a fan kpi sua kul nba bial be Islael tinŋ ni nae e ? ⁹ K u jiinin , Islael nan suda nib biit yabta , l mantik paak e , duo na gbie nan kukpiilae , nan biit danm , k man bi yien a , kaagbenu nyik duo naa , kaagbenuu k laat sial . ¹⁰ N mun , n k mɔk ninbauk nan ninbatinnu , n saa tuan bi tuonbiit b yulaapaake . ¹¹ K jua nba bo lia tapienii k buob gbann k dianni be li paak paak a , n tun fa yaa min tuun linba wa .