¹ Ŋanne k kaagbennu panŋ yentin, ku siek na jiin, k sik nannin baalik nba gbie nan kpaba ni. ² K lin nannin baauk na kul po, k n la nan kpaba bonciann be lenŋ, k tie kpab kuona. ³ Ku boin a " Nisaalik, kpaba na saa fit jen manfuol ninnaa? K nj jii a: "yabint yennu, fin kuuku a e mi." ⁴ K u yet a "pakin tul kpaba na. Yetil kpab kuo na na k bin gbiint min kaagbennu maan. ⁵ Betilib nan min yabint yennu e yien a: n saa kuan fuon ini, k yii mɔk manfuol. ⁶ N saa tuli jiina nan nanbɔna, k bia dɔkin gbananbɔŋ i paak. N saa kuan fuon i ni, k yii mɔk manfuol, k i saa bann nan mine tie tie kaagbennu. ⁷ Ŋanne kn sɔkin maan na, nan yennu nba wannin bianŋinba na, Maa piak yuo baa e, k n gbat fuul kpaba nani kl piin k tukint. ⁸ K n la jiina nan nanbɔna nan gba nanbɔnŋ na tab kpaba na paak; ŋaan k fuon kaa gbanant na ni. ⁹ K yennu betin a: "nisaalik, pakin tul wouŋ betil wouŋ na nan yabint yennu e yet a wun nyi lakil kul po, k tan kua gbanan kpienna na ni, k te bin jen b manfuol ni. ¹⁰ Ŋanne k n sɔkin maan na, nan yennu nba wannin bianŋinba na, k fuon kua gbanant na ni, k b jen b manfuon ni k fül set k yab bonciann. ¹¹ K yennu ŋanm betin a: "nisaalik Islael tieb tie nan kpab kuona na nae. b yien a b mantik kuola, k jik mɔk dindann manfuol po. ¹² L paak, a pak tul n niib Islael tieb, k yetib nan min yabint yennu yaa man luot b kaate k nyinnib, k te bin ŋmat jen Islael tinŋ ni. ¹³ lii tie k n luot kaat nba k n niib be l ni na, k nyinnib, b saa bann nan mine tie yennu. ¹⁴ N saa kuan n fuon b ni, k te binjen manfuol ni, k kal b tiɔnŋ tinŋ ni, k b ji saa bann nan mine tie yennu. N senn mosonn nan n saa jen nan n niib manŋ b tinŋ ni. N set saa tun nnawa, min yennue pak na. ¹⁵ K yennu ŋanm pa nannin: ¹⁶ K yet a "Nisaalik, jiin dakuonn k dian l paak mobona nba na a: Suuda naan yent; k bia jii dalieuk k dian l paak a: Islael naan yent. ¹⁷ K ji suol daat ŋanlee na nan a nii, k tukin, k lii tie nan dayeuŋo na. ¹⁸ Lii tie k a niib na boi a fan wannib l paak nba tie linba. ¹⁹ Fan yetib nan min yabint yennu saa jii daaok nba sie Islael tieb paak na, nan daauk nba sie suuda tieb paak na k tukin, k jii daat ŋanlee manŋ k tiennil dayenuŋ k dial n nuu ni. ²⁰ Suot daa ŋanlee na nan a nii, k te niib n lal. ²¹ K a ji yetib nan min yabint yennue yaa man nyinn n iib digbana nba k b saan be l ni na k tanm, k te bin ŋmaat jen b tiɔnŋ tinŋ ni. ²² N saa tulib mɔtaaɔk, k b sii tie nibuol yenŋ be Islael tinŋ ta ni, k b sii mɔk kpanbal yennuakua, k u siitie diab, k b ji kan ban bɔkit k tie digbana ŋanlee, koo k bɔkit k tie naangbant ŋanlee. ²³ K bji kan ban biil b mɔnŋ nan patmannu, koo k ŋmat b mɔnŋ nan tuonbiit, k n saa nyinnib tuonbiit nba k b tun bülin na ni. N saa wuulib k ŋanmib, k b sii tie n niib, k n tie b yennu. ²⁴ K b kpanbal sii tie nan ntuontunnua David na, ku sii diab, k b kul saa taan mɔb, k be kpanbal yennuakua nuuni, k sii mosaku nan n sennii fanu. ²⁵ K b saa kal tinŋ nba k n tul ntuontunnua Sakɔb k l tie tinŋ nba k b yaajanm din kal na ni k b saa kal lenŋ nan yuo nba kaa paak nnae mun k b waat nan b yaabuona kul saa kal k b kpaabal sii tie nan n tuontunnua David na, k diab nan yuo nba kaagbennu. ²⁶ N saa lol nanm mɔlol nba sii guu b binbenn mɔk mɔk nan mɔk mɔk. N sii guu b, k pukinm ni pɔtuk, k te n jiantu ŋaasaakak na ii be b tinŋ ni nan yuo nba kaagbennu. ²⁷ Lenŋe k n sii be nanm, k tie b yennu, k b mun tie n niib. ²⁸ Lii tie kn senn n jiantu ŋaasaakak na b ni k saa tuu yuo nba kaagbennu, digbana niib na ji saa bann nan min yennue gann Islael tieb, k b tie n tionŋ niib.