¹ K u yet a: nisaalik bik, n luon fan fiil set sanpaapo, k gbat n maan. ² Waa yet nna yuo nba, k u siek kua n ni kin fiil k set sanpaapo; k jii gbia kuu yien. ³ K yet'a nisaalik bik, n tuuma Islael tieb buol, b niib nba tie jaat danm na, k yet n maan; ŋanm a yejanm tuun biit k tuul'n l yuo nan mɔtaane. ⁴ B tie tubkangbata k bia k gbia n maan paak ; ŋan minni tuuma b buol k a saan yet'b: A yomdaanɔ, kaagbennu yet'a. ⁵ Bi gbat a nanmi, a mi bi gbat a maan mi k maan nba tie mɔyedanm na, ŋan bi saa bann nan n sɔkini be b sinsuk ni. ⁶ Fin nisaalik bik, daa tin jaŋmani k bia daa din jaŋmani baa yet linba na, linba a buol tuona kunkuni, fini leki be nan nani, ŋaan fin daa tiin jaŋmani b moman na paak a daa jie b nuuni po, b leki tie mɔet danm. ⁷ A paak mo maan nba kul n saa wanna na baa saa gbint tul a ni a mi b k gbint tula ni, k maan b tie mɔyetdanm e. ⁸ ŋaan fin nisaalik bik, gbintl yaa min paak a linba. a daa mɔk mɔyet nan ŋanm. yaatl a mɔb k dii linba kin saa tuula. ⁹ L yuo na k n got k laa nuu k a tant n paak k dian gbounpɔbl. ¹⁰ Kuu pɔbt gbouŋ, k diani be nunŋ nan l puolpo; fabini, nan gbianti nan kukula k l dian gbauŋ na ni.