¹ Kaagbennu pakin nna: ² Puan maa kpanjan k tul Islaael tieb ! ³ A saa pak a: nne kaagbennu yomdanɔ na pak: baakl din mɔk kpinkpen fɔkt nyakl. ⁴ K pat u yit fuok, k saan nann digbannba b tie kpunkpo, k saa bilɔ digban piinu nba b daa bona. ⁵ K jii l duo tiik yiitu k wuknɔ sianinba mɔk laali k kpianɔ nyuu saa kal kuu waknɔ nan saule na. ⁶ K yiitu na fil, k taa tɔ daanuŋ tisaakaak ŋan k ŋan k fɔk, kuu yiiti tant baakl na po, kuu jina sik tiŋ po, kuu tɔ daanuŋ tiik, k mɔk yiiti. ⁷ K baakl liel bo be k yab k kpinkpet fɔk k kpei . Gotl u bo b tiŋe, k tiik na jiina b u po, nan u yiiti, k fit wu maatɔ. ⁸ U bo wukinɔ siannba mɔk luli, k kpia nan nyuu ciɔŋ, k fit wu tien yuuti k lo luona, k tie tiik nba ŋan. ⁹ Nne yɔmdanɔ kaagbennu pak: u saa fit k kpaati? Cincin baakl na kan pual u luana, kan ŋanbl u yitu, k fit faat nba ku mɔk na n kolii ? L k buol niib jaamina, kaa n bɔktɔ nan jiina. ¹⁰ Gotl u wukna: u saa kpaatii ? Liisua puol woŋ na siu u kan kolii ? U saa kol tiŋ nba paak ku wukina. ¹¹ Kaagbennu maan pakin n na: ¹² Maat moyetuk ŋaak na a : ii k ban laa waat linbaa ? Gotl babylone kpanbal saan jerusalem, u jii bet nba nan kpanbala k saan nam babylone. ¹³ U jii kpanbal buolu niŋ yenɔ k mɔk lɔk nuu nanɔ, k pol u buol na u saa baal nan u duo saakaab, ¹⁴ K l fit u naan nii ŋan, ku daa fin, k u dia b dɔntaanu na kib ŋantin. ¹⁵ Ŋan kuu kɔ nanɔ, k tuu niib egipt, a wuntulɔ taami nan niib. U nba tien nna saa laa nyaanu, u saa faatii ? K u jial b dɔntaanu na, ŋan cial ! ¹⁶ N fuo yɔmdanɔ kaagbennue pak, kpanbal duo niŋe k din be, siannba k u din kuat kual na, jial dɔntaanu na, u buol e, Babylone duo e k u saa kpo. ¹⁷ Pharaon kan saan nan siijem nan niib jaamina k somɔ kunkɔn yuon b saa bit binbintl na k kpin niib boncian. ¹⁸ U k cɔl mopol na, k jial b dɔtaanu na. K u daan tul u nuu, k tien l kul, u kaa fit ¹⁹ L paak yomdanɔ, kaag bennu pak a: n mopol nba kn daan pol n sann paak nae k u yiitin, n dɔntaanue ku jial, n saa te lintun k baa u yulpaak. ²⁰ N saa pii baaluko k suolɔ, k tuun nanɔ babylone wun be n buol nii goliŋɔ. ²¹ B niŋ na binba cial n saa kpib na jukbanjiak, binba ten n cial k yat yial kul po. K ii saan bann nan min kaagbennue pak. ²² Nne yomdanɔ kaagbennu pak: min n sa nyiin kpek saakaak nyaakl, n saa wuknɔ, k jii u paak yiitibik, k wuknɔ jual nba fɔk paak. ²³ N saa wuknɔ Islaael jɔ saakaal paake. K u saa tant yiini k lo luona, u tan sii tie kpek ŋanne. K uan buolu kul sii jaak u paak, kul mɔk kpinkpet sii jaak u yiiti paak. ²⁴ K tiini kul saa bann na min kaagbennu dot tiik nba sii kin n mɔŋ, k siikint tiik nba don u mɔŋ. Kin tuu ten tiik nba mei n kol, k u nba kol n yiet