1 I sa cɔln k bia jii k tun nan tun n yiikot na k tuli din na ,l t k i mɔk manfol k yin bia pɔt ,k yin kua k kal tinŋnba k kaagbennu poun a usaa tul i baa nba na . 2 Tiatl sɔni nba kul k kaagbennu a yennu t k ka tien bin na pinna tinŋ koŋ ni, a wun sikne k bia bikna , k bann a pal yan tie k bia lani a dia u yiikoti. 3 U sikna , k bia di fala nan kun , ka dina nan man nba ka din ban k a baa nba mun bia din k ban a l fit wana nan nilɔ k fo panu kukua pak ka ŋaan nilɔ fo na lin nba nyii kaagbennu mɔb ni e . 4 A tiat k bat a pak, k tal bia k mɔl l bina a pinna sunsuni. 5 A bann a pal ni nan kaagbennu a yennu, dat i tuba nan nilɔ nba dalu bik tu k bian nba na . 6 I cɔln kaagbennu yiikot, a yennu, k som u sɔni ki bia ki ŋmamɔ 7 k man kaagbennu a yennu, saa t ka kua tinŋ ŋann ni tinŋ,tinŋ nba k nyun be , nyu nba nyi tana ni nan mɔk bit ,k yat bat ni nan juani: 8 Tinŋ nba mɔk jiet nan finy nba, nan fikie nan k l na die ; olifie nan siat duo . 9 Tinŋ nba ka saa dii panu nba yab, siaba ka kan kɔŋ sial; duo nba k tana tie kut nan jual nba pak ka sa nyinn kuk mɔkpiala . 10 Yuo nba kaa dii k gbo ,ka tul yennu nipuok kaagbennu, a yennu, duo nyan nba ku tula na pak 11 I ban kaa saa tam kagbennuuk po, k tan daa cɔlinŋ u sennii nba k n da k tiena dinne na. 12 A dii k gbo yuo nba k ma k kua ŋaa ŋanna ni. 13 Yuo nba k laat k a bo kogbeŋa na a bokobiit pɔt, a likli nan a liktana puki, k lin nba tie a bona kul kpatil. 14 Sinkt a mɔŋ k da fa pal, k tan sa tanm kaagbennua yennu, nba nyin na Egibt tinŋ tuon ŋaak ni na . 15 K t ka som tinkoŋ nba k man ni, k wai nan nanni, sian nba kol k nyun ka , k u t k ayun yat k tul a tanpuk nba waki na nyun. 16 K t ka dii kinkoŋ ni jiet nba k baa k ban a wun sikna k bia bikna, k tie na ŋant l po. 17 A ni fan yetna pal ni: A n panŋ nan n nun paalu e tul mɔkt 18 A tiat kaagbennu a yennu, k man ŋɔe sa tul panŋ ka pakib ŋanne saa te l wann , wa tie bannu nba dinn a u motuol nba ku puon k tul bin ba na. 19 A i tanm kaagbennu, a yennu i san yeti bol k jiatib k bia gbat b mun ni, i yena e nan mɔni dinne a saa kpo. 20 I sa kpo nan bolu nba k kaagbennu t k b kpo i jii kan gbat kaagbennu yennu ku kɔl.