¹ saanpaak nan tinŋ gbintl n maan. ² kpaamii nba nan saak na, n maan nba na maat na, nan wunba tun baa muat paak, nan nyun luat nba tuuba muat paak nna! ³ K l maa n saa muat kaagbenu saan; k b dot tien yennu. ⁴ wuu tie taanpiuko; u tuona ŋaan, u sɔnni kul ŋaan; u tie kasii Yennu k kii mɔk biit, u ŋaan k bia tuak. ⁵ Bii ki be fanu u buol kaa biit; fei tie wuu waas yaale buol bik nan tondam na. ⁶ Jatit nan yankalin damm na yiimali nan kaagbennu tieni? ŋua tie a namidanua? jua namaa nii k bia gotanii? ⁷ A tiat daana nan binaa nba gaal, buolu n tuu buolu, boii a baa saa waanna a nikpela saa pakaa. ⁸ Yuonba Yennu saatul faal digbaana na, k bɔkt niib waas u tul Islael tieb yent naan baa jan biaŋinba. ⁹ K imaan kaagbennu yaal tie u buolu, k yaakob tie u tennimme. ¹⁰ U lau muuk ninŋ sianinba tie kunkuok k jaaŋmami beleŋ; kuu lint'ɔ, k goliyɔ fanu; k guu na wunu gba kobik na. ¹¹ nan konbiok nba tuu want u waas yukulu biaŋinba na , k golib, k jiiktib u kpinkpet paak. ¹² Kaagbennu kuue kpaal u buolu, siala yennu saann bo k be nan'ɔ. ¹³ Ku donɔ duona paapo, k Islael tieb dii kpant luana, k dii tanpiuk paak siat nan kpan nba nyii tanpiik nba waaki paak nae. ¹⁴ Nanɔŋ kpan penɔ biin nan penɔ kpan, Basan pejai nan bujai, nan tiik puuk; kaa nyuu gbilik nan daamuŋ. ¹⁵ K Islael tieb tan kpaat, k bia mɔkt k gbeŋ nan jiet, kuu tamm yennu u namidaaua k yiit u tinnu tanpiuk, ¹⁶ B fiin u finfinn yennii paak, b biit na donn u wuutuol; ¹⁷ B yiit saalii pataa nba k tie yennu, nan yennii nba b ki ban, yenpanii nba nyii kii baa nba din ki ŋmaan. ¹⁸ A nyik taanpiik nba namaa, k bia tamm yennu nba nanmaa. ¹⁹ Kaagbennu lauwaa kuu u tuol duo, u kɔn nan u bonjai nan u bonpoi. ²⁰ U yet a: n saa bɔlb n nunŋ po, n saa laan b juotuu; kimaan b tie niibiit buolue, b tie waayanaa. ²¹ B fin n finfinn nan pata nba k tie yennu, k fiin n wuutuol k jii patyanaa na po; k muu saa fiin b finfinn k jiin binba k tie niib paak, k don b wuutuol k jiin buolu yann paak. ²² Kimaan n wuu tuol muu yiinn k dii nan kpientinŋ ; k dii dinŋ naa l luana, k bia dii juat. ²³ Ki n saa te bonbiil n baalib, k saa yek n kpana b paak. ²⁴ Koniie saa te bin kuole, fiat nan yial jaana kpib, n saa biil b buolu bonkobit nyannaa nan waii labt ²⁵ L piolpo juk banjiak saa kpiit, l ninŋ nan faala: li si tie nna bonjai nan bonpoi kul, waas nan saanpaantik nan nikpela kul. ²⁶ N bo luon min yet a: n saa nyin b maafuol k belib niib ninŋ. ²⁷ ŋaan ŋmaan daa taaksukte, m ŋmaan b daataak n suolme , kb daa yaa a tinnu paal, k kaagbennu kaa tie bonna na kuul. ²⁸ L tie buolu nba buo niime, siala subnii k b bininŋ , ²⁹ L sua bi bo mɔk yaan , baa bo sii banil maa na, b bo saa maali k laan b saabaalibi ³⁰ Niyenɔ kunkua bo saa wenn niib tuutl, niib banle nbel niib tuutaa piik, b tanpiuk b daan ki kuatib k lii sua kaagbennu daan nyiikibii? ³¹ B tanpiuk k taa nan tiyaal, tin daatai tie b buubula. ³² ŋaan b daan muŋ tiini sodome nan Gomol yent ninŋ k tie nan tilotii nba tuu lon luona k l ton na. ³³ ŋaan b muŋ tie wei lɔbte l tie janŋgbenŋaa lɔbte ³⁴ l k bɔl buoli, l k be n faal niŋii? ³⁵ Min na tie ŋaant k bia ŋmaatl, yuo nba b taa jii lanŋ b yuu bɔnn daal pelena, l maabo baatib na jii kan wei. ³⁶ Kaagbennu saa buu wuu buolu; ŋaan wuu sii mɔk nibatinuu nan wun tuon sunna, k laa nan b paaŋ gbenna, k siala daabl siikaa nan nua nba b be uyaamaninŋ. ³⁷ u saa yet a: b yennii na bele, taanpiuk nba b bo bɔlii leŋ na bele, ³⁸ Yennii nba din b niib kpan, k nyuu b niib daan muut kaa? b fiil, k somi, k bia guuli! ³⁹ Yii bann nan min na tie yennu, k siala yennu k pukin n po; n tie manfuol k bia tkpin, n jaamis k bia tieb, k sua kan fit k fat n nuŋ ninŋ. ⁴⁰ Kimaan n donn n nuŋ saanpaapo, ŋaan maat a: n sii fuoe kakaa! ⁴¹ Lii sua ki ŋaat n jukbanjiak k nuu suol baal mɔnii, n saa fiil n daatai paak k saa maaben binba yiitmin; ⁴² N juk banjiak saa kɔt b gbaanante, kin kpanna saa gbuo sɔn, kpienm nan binba jamm sɔn, daatak saakaab yuula. ⁴³ Duo, yinniman u buolu yaanii! kimaan kaagbennu: _ kɔn u tuon tunna sɔn paak, u kɔn nan u daatai, _ u saa ŋamm u duo nan u niib . ⁴⁴ K Moyis baal k maat l yaŋ laabal Islael tieb buol; Yosue Nunŋ ija bo b nanɔ. ⁴⁵ Yuo nba Moyis pak l maan Islael tieb buol k gbenn, ⁴⁶ K u maatib a: yii dia man maan nba kin yet'i dinna na yii palaninŋ k maat yii waas, k fit bin dial tun naann tuonn l sennu momaan. ⁴⁷ Kimaan l k tie i maa k mɔ kaa yii buol; l tie yii maafuole l paake kii miel sanfɔkt digbann nba kii saa gaal na yuo nba ki puot yuuldin. ⁴⁸ L daal manŋ kaagbennu paak nan Moyis k yet a: ⁴⁹ Donn Abalim jua paak, nebo yual paak, Nebo yuul paak, muab duo, yeliko nuŋ ninŋ; ŋan got kaanaa duo nba kin tien Islael tieb yent. ⁵⁰ A saa kpo jualinba paak kaa saa do nae, kaa buolue saa gaala nan bannu nba kaa yual Aalɔnn din kpo hol jual paak kuu buolu din gaal'ɔ bin buol na. ⁵¹ Kimaan yii din biil nann Islael tieb sunsuk, kades duo meliba bunŋ buol sin fɔpiennu, kii din k wunn Islael tieb sinsuk ni. ⁵² A saa laa l duo a nunŋ; ŋaan a kan kua duo nba k tuul Islael tieb na.