¹ Gotl motaɔk taanu maan nba k kaagbennu tuul Moyis a wun wann Islael tieb moab duo ni, motaɔk liok nba kuu din tunn namm Holeb duo ni. ² Moyis yiin Islael tieb, kul ŋaan yet'b a : yii la kaagbennu nba tien linba kul yii ninbina ninŋ Ejipt duo ninŋ,nan Faalaon nan u tuonn tunna nan u duo kul, ³ Bikinjana nba kul ka ninbina la, l baktnɔŋ nan l yaalituk. ⁴ Laanyii l daal nan dinn na kaagbennu k tuli yan nba kii saa bann nan ninbina nba ki saa la nan tuuba nba ki saa ŋmaat. ⁵ N kpaa kunkok paak bina piina a tiat kii nyii a paak kaa caacat ki nyii a taniŋ, ⁶ Yii k ŋmaan siala kpanu, yii biak nyuu siala daan munŋ nan siala daan paal, k fit yin bann nan mine tie kaagbennu yi yennu. ⁷ Yii baal yial na buol Sion, Hesbon kpanbal, nan Og, Basan kpanbal, b nyii k cetin a b kɔnnaant, k tin kɔn k paakib, ⁸ Tin gaal b duo k tul Ruben tieb nan Gaadite tieb nan Manase tieb bɔktin ⁹ Yii gaal motaɔk maan na, k tun nann tuonn k fit la nyuat l maan kul ki saa tun. ¹⁰ Din na yii saan wann yii mɔn kaagbennu yii kul, yii ŋaak niikpelaa, yii saakab, yii siijem, nan Islael tieb kul baal dinna kaagbennu yii yennu buol. ¹¹ Yii waas nan yii puob nan saam nba be a duo ni, k cuan a daat k luu a nyuu. ¹² A luo fin kua kaagbennu a yennu motaɔk ninŋ, li ya motaɔk lɔl nba kaagbennu a yennu tun nana l daal, ¹³ K fit wuu tiena u buolu u mɔnŋ tie a yennu nan waa daan maata na, k bia puol nan a baa nba, Ablaham, Isaak nan yakoob na. ¹⁴ N k lɔl motaɔk lol na nan yii kunkia kaa motaɔk lol nba tie balmonni. ¹⁵ ŋaan l tie timm nan binba be na buol nae dinna kaagbennu tin yennu buol, nan binba timm nan ŋamm k b na buol na dinna. ¹⁶ Yii baan biaŋinba tin daan b Ejipt duo ninŋ nan biaŋinba tin daan gaal digbaana na sunsukin. ¹⁷ Yii laat linba b tie l k mɔk nyuatnan b paataa, daaat nan taana, likli nan salin mɔnna nba kul be b buol na. ¹⁸ Yii mii man kii ninŋ na jua ko puo. ko yii ŋaak sua ko yii buolu sua pal yeet wun dot kaagbennu tin yennu.ŋaan saan dot li dingbanna yennii. yii daa te ki ninŋ lɔbtiik be k luo lɔbinan. ¹⁹ K baa sua daa dot wu mɔnŋ yuonba kuu gbat motaɔk na maan ki yenna: n sii mɔk palmann nan yanduan, li leki sua yuonba k waa n paal maale k jiit daan k gbenn nyunyukulu. ²⁰ Kaagbennu b k luo wun caab'ɔ wuu biit. ŋaan kaagbennu wutuol nan wuu finfinn duo l daanɔ paak bonbiin nba kul bo dian kaadɔk na jii baaa wuu paak, k kaagbennu piin wuu saan yedɔnŋ ninŋ. ²¹ Wuu biit paak k kaagbennu nyinua Islael buolu kul , k tɔk bonbiil nba mmtaɔk lol kaadɔk na. ²² Nipaauŋ nba saa baal, yii waas nba saa maal ii puolpo nan saamua nba saa nyii banfɔkl, naala nan yiali nba k Kaagbennu lu duo na paak, cincakin nan falaa kimaan b tinni saat. ²³ K ii saawaat saa saat, k siala bult kii be, siala bonsial ki be, siala muukk kan kpant, k lii tie nan sodome, Gomolle, Adma nan Seboim, nba k Kaagbennu biil u wuutuol din duo kuu biil na. ²⁴ K dulyaa kul saa yet: Bee Kaagbennu tie l duo nna? Bee wuton ciɔŋo? ²⁵ K saa jii a: kimaan b nyiik motaɔk lol nba Kaagbennu bo tulib nae, be baa n be yennu yuonba kuu daan nyiinib Ejipt; ²⁶ Kimaan b saa dot yenganu k gbaant b nuŋ ninŋ, yennii nba k b baa k ban, k kaagbennu daan k wannib. ²⁷ K Kaagbennu wutuol duo l duo paak ku tunn yubɔnn kul nba bo dian kaadaɔk baal u paak. ²⁸ Kaagbennu wutuol duo bonciann ku nyinnib b duo ninŋ k biil b digbafan ninŋ sianinnba b be muatana. ²⁹ Linba bɔl be Kaagbennu tin yennu buole ŋaan linba k bɔl b tin buole nan tin waas k jii saa, k fit tin tunn nann tuon Sennu mɔmana.