1 k Moise nan Islael saakab pak k tul niib na k yet a : saknin man sennii nba k n tienii dinna na. 2 yuo nba k a tan puot suuldann kpennu kuo duo nba k kaagbennu ,a yennu tiena na, a caan tangbenŋa ,k bia taan tintaaɔk . 3 Adia sennu nan maan na kul tana na paak ,yuo nba k a puot suuldann kpenu k kua duo nba k kaagbennu ,yennu tula ,na ,duo nba k siat nan naabiin puub l ni na ,nan kaagbennu ,a baaanba yennu nba yet bianŋnba na . 4 yuo nba k ii puot suuldann kpenu yin caan tana manŋ Ebal jual paak ,nan maa wantii dinna na, a bia pent tana na. 5 ŋann amii,a maa kaagbennu ,a yennu binbintl nan tana ,ŋaan da jikt kut k yaktl tana manŋ. 6 A daa jikt tanjablka k maa kaagbennu ,a yennu binbintl ,Asii mann a mujuonu malunŋkaagbennu ,a yennu binbintl manŋ paake . 7 A mann niipotulu malunŋ,k a saa di lenŋkii bia kii mɔk palpienn kaagbennu ,a yennu tuann . 8 A dian sennu mobona na kul ,tana nba k a pent na paak . 9 k moise nan mann tieb nan Lefitnba pak Islael tieb kul ,k yet a: Islael ŋminin suonna ,ŋaan gbiint ,laa nyii dinna a ji tie kaagbennu a yennu buolue . 10 Acɔln kaagbennu ,a yennu mob ,k tun tuonn nan sennu nba k u tiena dinna na nba want bannu nba . 11 L daal manŋe , k moise pak k tul u buolu a: 12 yuo nba k ii puot suuldann kpenu simeon buolu ,josef buolu nan bensamin buolu ,n set Galisimm jual paak ,k yat yetŋanm niib na paak. 13 k Luben buolu ,Gad buolu ,ASel buolu sabulon buolu ,Dan buolu ,nan Neftali buolu saa set Ebal jual paak ŋaan sat mɔtont . 14 k Lefit nba n tan gaal maan ,k pak nan kunkɔsaakal ,a Islael tieb kul n gbat a: 15 Mɔtont ii be daanua nba nan bonninant ,kuo k kpiel bonninanŋ k bɔli k jiantl na paak .Ltie jaknt tuonna e k tul kaagbennu ,nan nilɔ n jii u nuu k nan bonninaonŋ k jiantlɔ wuonin ni k niib na kul ,saa jiin k yet a;lii tie n na ! 16 Mɔtont ii be daanua nba k baakt u naa nan u baa paak ! k niib na kul saa yet a :Lii tie n na ! 7 Mɔtont ii be daanua nba nyat u lua kpatelk tann na paak ,k niib na saa yet a :Lii tie n na ! 18 Mɔtont ii be daanua nba ŋmant juanŋ k tɔknua sɔnganu paak ,k niib na kul saa yet a ; Lii tie n na . 19 Mɔtont ii be daanua nba ŋmab saanm nan kpiebii nan pakɔii,b mɔnii paak na,k niib na kul saa yeta ;Lii tie n na ! 20 Mɔtont ii be daanua nba dua nan u baa ŋaapuopaak , k maan u dinn u baa feie; k niib na kul saa yet a: Lii tie n na ! 21 Mɔtont ii be daanua nba dua nan bonkobuk paak,k niib na kul saa yet a: Lii tie n na ! 22 Mɔtont ii be daanua nba dua nan u niipuo ,u naabik kuo u baabik paak; k niib na kul saa yet a:Lii tie n na ! 23 Mɔtont ii be daanua nba dua nan u dianpuok paak ;k niib na kul saa yet a: Lii tie n na ! 24 Mɔtont ii be daanua nba bɔl k faa kpii u lua paak ;k niib na kul saa yet a :Lii tie n na ! 25 Mɔtont ii be daanua nba sak k gaal sial ŋaan faal tabin wunba k biil sial k b kpiiupaak;kniib na kul saa yet a: Lii tie n na ! 6Mɔtont ii be daanua nba k tuun ,sennii nba wann bianŋnba na paak ;k niib na kulm saa yet a; Lii tie n na !