¹ Gotl maan nba k moyis din dian k tul islael tieb, ba din be sulden mɔkpuotl tintuok ninŋ paanu ni k l k tol nan suuf k be palan, tofel, lab, hatserot nan jasiab na. ² L din daa piik nan yenn bo nyi oleb, k tɔkin sanjok nba sa nyi seil jual paak, k sa tu kades balnea na. ³ L din tie bina piina ninŋe, l ŋmaaali piik nan jenn daa sinsinn daal, k moyis pak nan islael waas nan kagbennu nba din pakua a wuun paakib biaŋinba na. ⁴ L din tie ba din kɔn nyann sihon, Amoleen tieb kpanbal nba din be Hesbonn nan Oc basan kpanbal nba din be Ashtarot nan Edlei na. ⁵ Ba din be sulben mɔkpuotl po na, Muab duo ni, k Moyis piin k wantib senni niin ninŋ, k yet a: ⁶ Kagbennu nba tie t kpanbal na din pak tinm Oleb jual buol yet a: i kua jual na paak k l wei baonciann. ⁷ ŋmaatl man ki saa, i saa Amoleen nba jual buol nan l kunkoka kul po, l paanu ninŋ, nan l jual paak, nan l baauk ni, l sinsuuk ni nan mɔkl kpianu, Cananeen nba duo nan liban, k saa tu Eflate kpengbenŋl. ⁸ Gotl man, n jii duo na k bil i tuann po, i saa man, k yent duo nba k kagbenu din pol a u sa tul i yiejanm Ablahanm, Isaac nan Sacob nan b yabuona na. ⁹ L yuo na, k n bieli a: i kpiasu yab't nan man jii n kunkua. ¹⁰ Kagbennu nba tie i yennu na tie k i pɔt k muun jii dinna nan ŋmaabila nba be sanpapo na. ¹¹ Kagbennu nba tie i yiejanm yennu na, n te k yiin pukin fuunu tusl, k bia tuli piisin nan waa puoni biaŋnba na! ¹² N sa tien nle k jii min kuunkua ijiik i k waahala nan i mɔŋctuk na n kuunkua? ¹³ Luktl nan i buol ni jab nba mɔk yanfuon, k mɔk bannu k i banm, k n saa jiib k tienm i tuann danm. ¹⁴ K i din jiin k yeta a linba k n dukin k yaa tin tien na tie bonŋazne. ¹⁵ L yuo na k n jii i buol saakab, jaab nba mɔk yanfuon k i banm, piinŋmo saakob nan piik saakab k b jii tie danm nba mɔk yiikuo i buolu ni. ¹⁶ L yuo na k n bia tul sennu nba na i mɔni suakul maan nan ninja kuo li tie saonu. ¹⁷ I daa mɔk ninŋanni nan suo i baal bunu ni, i tuu gbiint bik nan saakua na, i daa ŋmaan sua, k maan k l paal i po, i tuu baal i po, na n buol k nan mun gbaat. ¹⁸ N nae k n din wanni l yuo na linba kul tie i tuonn. ¹⁹ T din siet saan Oleb, k din sonm k lint tintuok gbenŋle nba k i goli na, t din tɔnkin saa Amoleen nba jual buol nan kagbennu, t yennu nba daan yet'b na, k t din baal kodes Balnea na. ²⁰ N piakie: ibaal Amoleen nba jual buol nba k kagbennu t yennu tient nae na. ²¹ Gotl, kagbennu nba tie a yennu na bil duo a numpo, i do k gaal yent, nan kagbennu nba paak bianŋnba na, i jiejanm yennu; daa ŋmaami, bia daa jie. ²² K i kul daan nakin n buol k yeta: t tun jaab t tuan po, k bin got duo manŋ k jen tan want sanjɔk nba k t saa tɔkin k do k baal digbana nba. ²³ L dudukt daan ŋan n po,k n lukt jaab piik nan banle; sinsuk ni, niyenɔ buolu kul ni. ²⁴ B din siet saan, k gaal jual na, k baal Eskol buol ni k got. ²⁵ B din jii nan b nii tiini luona nba be duo manŋ ni k tan want, k b din paakit k yeta: l tie duo nba ŋanne k kagbennu nba tie t yennu na tient. ²⁶ ŋan i din k luon yiin do ,k yet kagbennu nba tie i yennu sennu. ²⁷ I din bulin i lanbont ni k yiena: kagbennu nyɔlte ŋanne tien k u nyinnit Esipt duo ni, a wun tan kuant Amoleen nba nuu ni k bin biilit. ²⁸ T sa do lee? t ninyanm waat t pala k yiena: b tie niib nba yaab k bia fɔk tinm bonciann; b digbana na yaalin k joona nba k b ma k luon duo na mɔk panŋ k ba fɔk sanpaapo, k t bia la nan t ninbina anak waas na. ²⁹ k n betb a: i daa te k igbanant jekl i, i bia daa ŋmaami. ³⁰ Kagbennu nba tie i jennu k be i tuann na sa kon u mɔnŋ i paak, nan waa daan tien biaŋnba kul k tuli i ninbina minŋ Esipt na. ³¹ K tinkuaok minŋ, l buol a la kagbennu, a yennu k u diaa nan nib nba tu dia u bik na,sanjofuok nba k i sonm k tan baal taa be siamba na. ³² Nan lin kul, ŋan i din ki mɔk dinduun kagbennu nba tie i yennu ni, ³³ ŋua nba din gaal i nunpo sanjok ninŋ k kpaan siamba k i saa kaal, nyiɔk k u tie muu a wuu waanti sanjok siamba k i sii sonm, k jennu ni k u tie nan muunyuk na. ³⁴ Kagbennu din gbat i fuut pinpauk manŋa. k u wutuol duo k u pol k yeta: ³⁵ Nitont na yaa paabu ni sua kan ban la duo ŋann nba k pol maa n tul b yiejann na, ³⁶ ŋan kaleb Yefenne bija na kuunkua sa la duo manŋ, k n sa tul ɔɔ nan u waas duo nba ni k u sonm na, k maan u cɔln kagbennu mɔb a. ³⁷ Kagbennu paal bia daan biil n paak, i paak k u yeta: a bia mun kan kua duo manŋ ni. ³⁸ Sosue nun bija a tuontun nua nae sa kua, moont u paal k maan ɔɔe saa dia Islael tieb k bin kua duo manŋ ni. ³⁹ K i yaabuoona nba k i yet a: b tan sii tie daaba e! k i waas nba daa k ban bonŋann nan bonbil diina na, ŋanme tan saa kua duo manŋ ni, ⁴⁰ ŋanme k n tan saa jii duo k manŋ k tulb k bin yent. ŋaan yinm ŋaarin, ŋmaatl man ki saa man tinkuok po ki tuok mɔk muunŋ. ⁴¹ K i jiin k yet ma: t biil kagbennu wa; t sa do k kɔn konn manŋa, nan kagbennu t yennu nba wannit biaŋnba na. k sua kul tien siil k jii b tɔb tiat ki k bobin faanu ŋaan luon bin do jual manŋ paak. ⁴² K kagbennu jet ma: paakin maa: i daa do k kɔn kɔnn manŋi, k maan n k be i sinsuk ni, i daa te k i daatai ta sa nyanni ni. ⁴³ K n yeti ŋaan k i k gbaati; k yet kagbennu mɔb, ŋaan duo jual na paak i yaamani. ⁴⁴ L yuo manŋ k Amoleen nba kua jual manŋ paak na nyi k ceti, k piikni nan soi na, k kpii seil duoni k sa tu Holma. ⁴⁵ Yaa ŋmaat jen juonba, k i bui kagbennu tuann; ŋaan k kagbennu k gbiint i mɔni k bia k gbat i kuunkɔla. ⁴⁶ L puolpo i din kaal Kadese , l buole k i wei bonciann.