1 Kpanbal Salomon din tie Islael tieb kul kpanbal. 2 K binba na u tuontunna saakab, Asalia nba tie manntɔa Tsadok bija na, 3 Elitolef nan Asiya,k b tie Sisiba waas k tie u gbondiala, Sosafaat nba tie Asilud bija na din tie wunba boali u bona. 4 Benayo nba tie Yesoyad bija na mun tie qaajenm saakɔ, Tsadok nan Abiatol mun tie mantieb. 5 Asalia nba tie Natan bija na mun tie Saakab yudannɔ; Saabud nba tie Natan bija tie yuudanm kul saakɔ, k bia tie bet sonmtɔ. 6 Asiskal din tie kpanbal ŋaak tuontunna saakɔ k Adomilam nba tie Abda bija na tie lampo galtɔ saakɔ. 7 Salomon din mɔk yudanm piik nan banlee Islael tieb buol. ŋanme din goli k ŋanmi kpanbal ŋaak, k bia tienm jiet ŋmaalk kul binn ninŋ. 8 B saanae na, Uul bija nba be Eflaim jual paak, 9 Dekel bija k u dia Makat, Saalbim, nan Sememest, nan Elon, nan Bet Anan. 10 Eset bija k u dia allubot, nan duoi nba kul be Efel yent ni. 11 Abinadab bija mun din yen Dol yent kul Tapfat nba din tie Salomon bipuo na din tie u ŋaapuo. 12 Asilut bija Baana din dia Taanak nan Migido, nan yent nba kul be Bet sean k k fɔk nan Saltan nba be Sisloel paapo, laa nyi Bet sean k saa dian Abel Meol k saa gaal Sokmean. 13 Gebel bija dia lamot k l be Galaad, k Yail buolu tie be yent manŋ ni, k tie Manase yaabuonna nba be Galaat k l be Algob Basan yent ni kul, lin din digbangbenŋa piinluob k l ma l juonna nan jaalit. 14 Asinadab, nba tie Ido bija na dia Mahanaim. 15 Asimat jen Neftali, u din kuan u puo Basmat k u tie Salomon bipuo. 16 Baana Usai bija k u dia Asel nan Bealot. 17 Sosafat Paluas bija k u dia Isakal. 18 Si mei, Ela bija mun dia Bansamin. 19 Gebel , Uli bija k u dia Gallat duo; u din yen Sinon yent nan Amolian nba kpanbal nan Og Basan kpanbal yent yuudanɔ yennɔ kuae din dia duo manŋ . 20 Suuda nan Islael tiieb din yaab bonciann, k b yaabint din tie nan mɔkl paak tan biini nae. bi din di, k nyun, k bia be palmann ni. 21 Salomon yent din nyi mɔkl na k saa dian filistine nba tieb duo nan espit; B din baat nan piinii k tienɔ; k u mɔk yiikuo b paak u manfuol ninŋ kul. 22 Daal nuakin ninŋ, yon onkola piinta, nan dii yon ankola piinluob, 23 Naaja kpanma piik, nan naajai piinle nba k b kpaalib, nan pei kobik, nan piali, nan koli,nan bona nba juuk k tie bonkpanma. 24 Salomon din dia yent nba be mɔkl na po, laa nyii Tipsask k sa dian Gasa, nan kpanbala nba kul be mɔkl na puotl po. ŋɔa nan digbaana nba lint na kul din be nan palpienn. 25 Suda nan islael, laa nyi a Dan k saa dian Bel seba, b din be k jaŋmaani ka, sɔ kul nan u kpaab nan u tiini kpanbal Salomon yuo. 26 Salomon din mɔk taatolit tusa piina e k u taani daal, nan taanjaak kola tusa piik nan ŋanle. 27 U yent saakab na kul din baat nan kpanbal Salomon ŋaak tieb kul, sɔa kul nan u ŋmaalk k sial din k puali. 28 Sɔ kul din tuu baal nan dinduani, nan muat k tan tien u tuaona nan u ŋaak bonkobit nba tuun tuona nan kpanbal nba senn biaŋnba. 29 Yennu din tul Salomon yaan fuon , nan nan bannu bonciann nan miinu k l puuki nan mɔkl paak tanbiini nae. 30 Kpanbal Salomon yan fuon din yaab k gal yaan danm nba din nyi yendopo nawa nan Espit yaanfuondanm kula. 31 ŋɔe din mɔk yaanfuon k gal nisaali kul, k mɔk gal Etan, Eslasit na, k bia mɔk gal Eman nan kolcol Dalda Makol waas na, k u sann tant k kua digbana nba kul kpiab na. 32 Salomon din bu buut tusa piinta, k bia dian yaani tusl nan ŋanŋmu. 33 U din pak tiini po, laa nyi Liban kpeeki k sa tu Lisop nba be juonn na buol, u bia din pak bonkobit po, nan nuani po, nan bonbubokit po, nan jaami po. 34 Niib din nyi buolu kul ninŋ k baat k tan gbiintl Salomon yaanfuon, tingbonŋ na kpanbala nba kul be din gbat u yaanfuon manŋ po.