¹ K siili kpanbal nba k b yiu Ben hadad ne taan u ja kunkɔnna, k digbana piinta nan ŋanle batinba nan b taami nan l taantolit sommɔ, k b saan k set k kaan k lint duo nba k b yi Saamali ne k lek l duo. ² U lin tun tuomiie k b saan duo manŋ ni k saa pak Islael tieb kpanbal nba k b yiu Asab nea. ³ Siili kpanbal nba k b yiu ben hadad ne yaa tin maata nan fan jii a salinpiena nan a salinmona nan a puob nan waŋani ne kul k tulɔ. ⁴ K Islael kpanbal ne jiin a: tunt k pak n canba Ben hadad nan n tuo waa a n be u nuu nie nan linba kul k n mɔk kul. ⁵ L puolpo k kpanbal Ben hadad bia ŋanm k tun tuomii Hsab buol k bia yetɔ a, n maata nan fan tulin a salinpiena nan a salinmona nan a puob nan a waas. ⁶ Wonn n ne yuoe k n won saa tun n tuontunna a buol k bia kua k saat a ŋaak, nan a tuontunna ŋei, k fat linba kul mɔk nyuat. ⁷ K Islael kpanbal yiin u duo ni saakab kul k yetib a i bann man jua ne lol bonbiile te paak. K maan u laatun tuomii k maatin nan u luonn n puob nan n waas, nan n salinpiena, nan salinmona ne k n laan, k yet waa yaa linba ne. ⁸ K saakab ne nan duo ne niib kul taan k jiin Asab : Daa gbiin u maami, daa tuo waa yaa linba. ⁹ Ŋanne k Asab jiin Ben hadad tuomii ne a, ii tunn yin maat n canbaa kpanbal ne nan n bo tuo u sinsin mɔb ne waa, ŋaan linba ne ŋanin n ji kan tuo k sak waa luon bianŋinba ne. K tuomii ŋmat k saa maatɔ. ¹⁰ K Ben Hada ŋanm k tun tuomii Asab buol k yet a : N saa baal nan jab bonciann k tan biil a duo ne, b sii yab k fit k jii l tangbiina b nii ni. Mii ki fit k tun n ne, yennui pala n bie n paak k bin kpin. ¹¹ K Islael kpanbal jiin: ii yet kpanbal Ben Hadad nan tɔb faalɔ tuu k faa palbiil kaa waa kfit k faa tɔb, ŋaan u tuu faa tɔb k gbenne waa k fit k faa balbiil. ¹² Yuonba k Ben Hadad gbat Asab maan ne k sɔa ŋua nan bat nba tie tie u somtieb ne kal lanbont ni k nyu daan. K u pak u jab a bin tien siil k saan lek duo manŋ. ¹³ Ŋaan sɔa yennu sɔkinii ponŋ saan k saa wan Asab nba tie Islael kpanbal ne a kaagbennu yet a la Ben Hadad kunkɔnkɔnna nba yab bonciann ne waa? A laa tiin jaŋmaami , n sa te k fan kɔn k nyannib dinne. K a saa bann nan mine tie kagbennu. ¹⁴ K Asab boi a ŋme saa gal tuanni tɔb ne faanu ni? K yennu sɔkinii ne jiin a yennu wann nan kunkɔnkɔn paanii nba be yent saakab nuu ni nie saa lit. K kpanbal ne boi a ŋmee sii ŋmakitil kunkɔnkɔnna ne tiɔnŋu ? K yennu sɔkinii jiin afin. ¹⁵ K Asab yiin kunkɔnkɔnpaanii nba be yent saakab nuu ni ne, k b kann tieb kobii ŋanle nan piintaa nan banle. L puolpo k u yiin Islael kunkɔnkɔnna ne k b kann tie tusaa ŋanlole. ¹⁶ Asab nan u niib ne lin nyii k buann kɔnn yensuuk nie, yuo nba k kpanbal Ben Hadad nan u somtieb ne nba piin dayibu b lanbont ni ne. ¹⁷ K kunkɔnkɔnpaanii ne gal tann. K Ben-Hadad tuomii ne jen k pakɔ nan kunkɔnkona nyii Samali duo ni k baat. ¹⁸ K u maat a: Baa baat a bin balimie kuo baa baat a bin faa tɔbue yinm n suolib fuot. ¹⁹ K kunkɔnkɔnpanii ne nba gaal tuann yuonba k Islael kunkɔnkɔnlieb ne waa b paak k b j nyii k saa. ²⁰ K sɔa kul din kpii datak nba k u k u kɔn nanɔ, k siili tieb ne cial, k Islael kunkɔnkɔnna ne waa nan ninmɔnn, ŋaan k Ben-Hadad jak taam k taanjakila cianɔ k u cial k bot. ²¹ K Islael kpanbal wei k belib k saa suol b taamii nan taantolit k nyann siili tieb. ²² K yennu sɔkinii na saan Islael kpanbal buol k maatɔ a i kun k saa ŋanm a kunkɔnkɔnna ne k lol subinii lola, k maan siili kpanbal ne saa ŋanm k leka siɔk nba baat ne waa. ²³ K siili kpanbal tuontunna na maatɔ a Islael tieb yenbit ne tie kunkona ni yenbite, ŋanne tien k Islael tieb daan nyann tinm, ŋaan lii tie k t kɔn nanm paanu ni t saa nyanniba. ²⁴ Ŋanmt k tien ne: ŋnint bat nba ne b yial nba k b laa be ne ŋaan jii kunkonkonna tuanndaanlieb k senn b yial ni. ²⁵ L puolpo fan banŋ kunkɔnkɔnna k bi yab nan binba daan bot ne, k taamii nan taantolit kann-ii munii tie n ne, t saa nyanniba. K kpanbal Ben-Hadad tuo baa yaa bianŋinba ne. ²⁶ Binn nba gɔnt k jen, k Ben-Hadad yiin u jab, k b som k saan Afek duo ni a bin kɔn nan Islael tieb. ²⁷ K Islael tieb ne mun tien siil, k bobin b jiet, k som a bin tuok siili tieb . B bo saan k kal paabu munlee k tuok siili tieb ne . Islael tieb ne din k yabi b din waal k naan nan bulobit ŋanlee buunii nie, ŋaan k siili tieb ne yat k gbie nan duo ne. ²⁸ K yennu sɔkinii ne saan k maat Islael kpanbal ne a, kaagbennu yet a siili tieb nba pak nan min kaagbennu tie kunkona pak yennu-e ŋaan k tie paanu ni yennu ne, l paak n te fan nyann b kunkɔnna nba yab ne. K i saa bann nan n tie kaagbennue. ²⁹ B kul lin be kanii nie k saa janŋ daa ŋanlole k tuok lieb k golii lieb. L daaŋanlole manŋ daal k b piin kɔnn, k Islael tieb siili tieb tusaa kobik dayenn. ³⁰ K binba tenn ne cial k kua Afek duo ni, k l duo ne ni juonjal baa k k nyag b niib tusaa piinle nan banlole nba bo tenn ne. Ben Hadad mɔnŋ lin cial k kua duo ne nie k tiin k bɔli diit ni. ³¹ K u tuonntunna ne tan kua u buol k yetɔ a t gbat nan Islael kpanbal kul mɔk ninbatinnu; T saa gbab bɔtuot t sai ni k bobin ŋmiit yula paak k saan Islael buol. L k gaal k wun caba nan miel. ³² Ŋanne k b ji gbab bɔtuot b sai ni k bobin ŋmiit b yula paak, k saan Islael kpanbal buol k yet a : a daabil Ben-Hadad balma a fan nyik u manfuol k Asab jiin u laa be u manfuol nii? U ji tie n ninjae ³³ Ben-Hadad tuomii ne din gbiin u maan nie bin la linba want nan u maat nan mɔnie, a bin la linba ŋan. K Asab nba yet a Ben Hadad tie n ninjae ne k b gaal yiama. ŋanne k Asab yet i saa k jiu na man. K Ben Hadad nba baal u buol yuo nba, k Asab yiinɔ a wun kua u buol taantoluk ni. ³⁴ K ben hadad maatɔa n saa jiin doi nba k n baa din gaal a baa buol ne ni k tula, k a sa fit k ŋanm a sɔnii duo ni nan n baa nba din tien bienŋinba samali duo ni ne. K Asab jiin a mɔsonn ne paak n saa ŋaa-a. L yuo k u lin lin lol molol nanɔ ŋaan ŋaau k u yaat. ³⁵ Kaagbennu din yet u sɔkinii nba yenɔ a wun yet u lua k wun faau. K u lua k tuo nan wun faau. ³⁶ K u yetɔ faa k tuo kaagbenn maan ne a siet n ne k saa yanbɔle saa ceta sɔnu ni k kpiia k yuo nba k u lin siet k saa ne k yanbɔl cetɔ k kpiu ³⁷ K l sɔkinii bia saan k la lua k yetɔ a wun faau. K jua ne faau k janmua, k tulu danŋ. ³⁸ K sɔkinii ne jii cable k fin u numpo a b daa bantɔa, k saan sie sɔnu ni k guu Islael kpanbal nba saa gal yuo nba. ³⁹ Kpanbal ne nba tan gaal yuo nba k sɔkinii yiinɔ k yetɔ a, canba, n bo kɔn kɔnne tɔb ni, k kunkɔnkɔnna ne baal nan dataak nba k b nyannɔ, k tan tulin, ŋaan betin a ii guu jua ne, a lii tie k bot, a manfuol sa pa u paak, ku a saa pa salinpiennae l paak. ⁴⁰ Yuo nba k tuona bo tan yabtin, k jua ne cial k bot. K Islael kpanbal ne jiin k maat a ponŋ bu a mɔnŋ buuta. L tie k fan gaal l tubdatue. ⁴¹ L yuo ne manŋ k yennu sɔkinii ne dɔkit cable nba bo dɔak u nunm po ne k kpanbal ne ji bann'ɔ nan u tie yennu sɔkinii ninŋ yenɔ e. ⁴² K yennu sɔkinii manŋ yet kpanbal na a: kagbennu momaame ne: nan faa nyik jua nba ne k u yaat a nuu ni ne a manfuole sa pa u manfuol paak, k a niib n pa u niib pak. ⁴³ K Islael kpanbal nba k b din Asab ne ji din ŋmat k kun u duo Samali nan palbiil nan wutuol.