¹ nan daa maa gaal na, k kaagbennu paak nan Eli bina ŋantaaa: nan u saan mat Asaab nan n saa te saak n baa tinŋ na paak. ² K Eli saan mat Asaab . K kon bo be paan samali yenten. ³ K Asaab yiin Abdias wunba tie u ŋaak yudaanɔ. ŋaan Abdias bo ŋmaan bociann kaagbennu; ⁴ Yuonba yezabel din kpii yennu sɔkiiinba k gbenn, Abdias jiin sɔkininba kobik k bɔkitib piimuumuu k bɔlib tanfiat niŋ. k tiem jiet nan nyuu. ⁵ Asaab mat Abdias a: saant duo nba maa mɔk nyutona nan bunbiit na k laan a saa laa muat k tin tuul taami nan bonkobit na, k tin bo kan kpii bonkokuku. ⁶ K b kul bɔkiti duo na k jii lin, Asaab bo gaal sanjok yenne k abdias muu gaal lilpo. ⁷ Yuonba Abdias bo be sanjok niŋi, k Eli cet'ɔ . K Abdias bannɔ, k baa k fabin, ŋaan yeet'ɔ a: Fine tie n yommdaanɔ Eli? ⁸ ŋanne k u jiinɔ a: a mine; saant k mat a canbaa na: Eli e na! ⁹ K Abdias mat a: n biil be , kaa saa jii a tuontunn k tuul Asaab nuni k wun kpimi? ¹⁰ Kaagbennu fuo! l duo nan li yent k ten kin canbaa k tun a bin kpana; yuonba b mat nan b k laa ni, n canbaa tuu ten l duo ko li yent yudanɔ n puol nan u k mi laa. ¹¹ Mɔtana kaa mat a: saa mat a canbaa a: Eli e na! ¹² Yuonba kin saa siet k nyikaa yennu siek saa jia e k saan nana sianinba kin k ban; kin saa mat mat Asaab wun ki laa wun daa kpii. Kimaan a tuontunn ŋmaan kaagbennu wu bitniŋeya. ¹³ A k mat a canbaa kimaan l tien yuonba Yezabel kpii yennu sɔkini nba na? n bo bɔl kaagbennu sɔkini nba kobik k tiemm piiŋmuu ŋmuu tanfiat niŋ, kin bo dintib jiet nan nyuuu. ¹⁴ Muatana k a yaa a: saant k mat a canba: nan Eli na! wu saa kpii me. ¹⁵ ŋaan Eli mat a: kaagbennu kunkɔkɔna saakua wunba kin tie wun tuontunn na, fuo! dinna n saa saan Asaab buol. ¹⁶ K Abdias saan k cet Asaab k mat'ɔ maan. K Asaab saan Eli buol. ¹⁷ Yuonba Asaab la Eli ku mat'ɔ a: Fine baat nan ŋmatl Islael? ¹⁸ K Eli jiin a: n k ŋmat Islael ; ŋaan fine nan a ŋaak niŋ yaab kimaan ii yet kaagbennu seni nae ŋaan saan Baal buol. ¹⁹ Taant Islael tieb kul n buol calmel juol paak, nan Baal Sɔkini nba kobi ŋanna nan piiŋmuu nan Atant sɔkini nba kobi ŋanna binba dii nan yezabel. ²⁰ K Asaab tunn tontii Islael waas kul buol, k bia taan sɔkini nba na kul calmel juol paak. ²¹ K Eli naakin niib na, ŋaan mat a: I saa jii yuo muŋaa k gann niib buolu munle na yenn ni? li sua kaagbennu e tie yennu, yii saan u buol; li tie baal munie, yii saan u buol! k bi k jii siali. ²² K Eli mat niib na a: n kun kua i tenn k tie kaagbennu sɔkini k Baal mɔk kobi ŋanna nan piiŋmuu. ²³ Bin tuult naajai banle; ŋaan baal sɔkini nba lukt naajak yenn k kpi k pot pot'ɔ k paan daat paak ŋaan daa tie muu; kin mun kpi lua na k muu paan'ɔ daat paak ŋaan daa tie muu. ²⁴ K jii yiin i yennu saann ; k n mun yii kaagbennu sann. k yennu nba gbat k tun muu ŋɔe tie yennu, k niib na kul jiin, a l ŋan! ²⁵ K Eli mat baal sɔkini nba na a b lukt naajak yenn k kpi k yin i yennu na ŋaan daa tie muu kimaan yimme yaab. ²⁶ K b jii naajak nba b tulb na k kpi k jii baal saann laanyi sannyuiok k tan tuu yennsukin k yaa baal n jiim! ŋan siala kunkɔl nan siala jiinu k jiin . k bin jii boyuuk binbitl nba paak bin bo maa na. ²⁷ K yensuk niŋ, Eli jii laab, k yaa a:a bin iikin sanpaapowa kimaan u tie yennue; u sii maali sialpaake; ko u sii tun siale;ko u yaate ko u guante u saa filɔ. ²⁸ K b yiikin sanpapowa nan panŋ, k tan cuan bileb jukii nan nyankpana k sɔn tan nyii b paak, nan b malunŋ nba tuu waatib biaŋinba na. ²⁹ Yuonba k yensuk gaali, k b piak kaka piinii yuo.ŋaan siala jiinu kaa ko sialakunkɔl k paak siala ninɔŋ k tien. ³⁰ K Eli mat niib na kul a: bin naakin u buol! k b naakin u buol. K Eli maa kaagbennu malunŋ binbintl nba daan baa na. ³¹ K u jii taana piik nan ŋanle k tɔk Yakob yaabona bolu nba jan biaŋinba k kaagbennu bo yet : Islael tan sii tie a sann; ³² K u jii maa binbintl na tana maŋ kaagbennu saani, k tien buotuk k lint binbintl kk l simiu saa kua nan nyuu galunŋ ŋanle na waa. ³³ K u ŋamm daat k ŋmaal naajak na k panɔ daat na paak. ³⁴ ŋaan maat a: i gbien nyuu ankɔla ŋanna k muan daat nan bonkobuk na paak. K u maat a: i bia ŋamm k pukin. K u bia maat a: bib bia pukin talmuntaa paak. k b bia pukintaalmuntaa. ³⁵ K nyuu tan puuk binbintl na paak, k b gbien nyuu buotuk na. ³⁶ Piini tuntul yuo, Eli sɔkini k u naak k maat a: kaagbennu Ablaham,Isaak nan Islael yennu! n te niib n bann din na nan fine tie Islael yennu, k tie a tuonn sunn kin tien bonna na kuul k tɔk a maan niŋe! ³⁷ Jinten kaagbennu jinten, k fit niib na n bann nan fin kaagbennu fine tie yennu k fine jent nan bipaala! ³⁸ K kaagbennu muu baa k dii bonkobuk nan daat nan taana na kuul, k b jin laat nyuu nba bo be buotuk niŋ na. ³⁹ Yuonba niib na laa l bonn k b baa baa k faabin ŋaan yien a: Kaagbennu e tie yennu! Kaagbennu e tie yennu! ⁴⁰ K Eli matib a: bin suol baal sɔkini nba k sua daa pakit! k b suolib. K Eli sik namm kison bunbik niŋ k kɔtib. ⁴¹ K Eli mat Asaab a: donn k din k nyuu; kimaan fuut nba want saak na be. ⁴² K Asaab duo k dii k bia nyuu. k Eli duo camel juol paak k gbaan k jii u nuŋ k tien duna niŋ. ⁴³ K maat u tuontun'ɔ a: wun do k got mɔkl po. k tuontun duo k got k mat a; baa sial kaa. k Eli mat'ɔ a wun ŋmaat talmunle. ⁴⁴ Tal fuunu ŋanle paak, kuu mat a: gotl n laa saapagbouŋ biik nnae nyii mɔkl po ki do k tie nuupanŋ. K Eli yet do k maat Asaab: kaktl k sik k saak tan daa sua ni. ⁴⁵ Yuo wan k saapank jiin bonn nan sanpagbent k wonŋ fukt k saaciɔŋ baa k Asaab duo u tantolk paak k saan Yizlel. ⁴⁶ K kaagbennu nuu jii b Eli paak k lol u siak ni k cia k liit Asaab k saan Yizlel tammob buol.