¹ Kaagbennu din paak nan Yehu, Hanani bija a wun yet Baeca a: ² n nyinna tangbuluŋ ninŋe, kin tiena Islael tieb yudanɔ; ŋan a somm Yelouam nnae ka biil nan n buolu nba be Islael, k b biil donn n wuutuol. ³ Gotl, n saa kpii Baesa nan wun ŋaak kul, kin saa tien a ŋaak nan Yelouam,Nebath bija ŋaak na. ⁴ Baesa ŋaak wunba kpo duo ninŋ bɔie saa ŋmanɔ, ki wunba kpo kpaab ninŋ paapo nuani n diu. ⁵ Linba kul Baesa tun k pukin, nan u tuona kul dian kibe Islael kpanbala balkpelii kaadɔk ninŋ ŋii? ⁶ Baesa din kpo ki bi piiu Tintsa. Ela u bija dii u naan. ⁷ K Kaagbennu maat nan u sɔkinii yehu Hanani bija k jiin Baesa nan u ŋaak tieb po, k tɔk biit nba b tien kaagbennu nunŋ ninŋ. K donn u wutuol k tɔkin u nii tuona paak k jii tan tie nan Yelobuam ŋaak na, ŋaan waa din kpii Yelobuam ŋaak tieb nan paak. ⁸ Yuda kpanbal Asa bina piile nan banluob ninŋ Baesa bija Ela din dii Islael naan k kaal Tinsa, bina ŋanle. ⁹ U tuon tunn Zimli u maa Goli taantonit bɔktu munle niŋ na din luo bonbil u paak. Ela din be TNsa, k nyuu yib Alsaa ŋaaak, k goli kpanbal Tinsa ŋaak paak. ¹⁰ Zimli kua Fau k kpiu Yuda k[anbal Asa bija piile nan ŋanluob niŋe, kuu gaal u naan. ¹¹ Yuonba kuu dii naan k kaal u naan paak, kuu kpii Baes ŋaak kul, k ki tenn nan suawaa, u ŋaak nan u nasssiyuak sua . ¹² Zimli bit Baesa ŋaak kul, k tɔkin kaagbennu nba dan paak'ɔ biaŋinba Baes Sɔkini Yehu buol na. ¹³ K tɔkin biit maan Baesaa nan u bija Ela din tienIslael, k donn u wuutuol pataa niŋ kaagbennu, Islael yennu. ¹⁴ Ela bontitiet nan waa tunn linba k puki l k dian Islael kpanbala balkpelii kadak niŋi? ¹⁶ Yuonba l niib gbat l momaan nae: K Zimli kɔn k tan kpi kpanbal ! L ya daale k Islael tieb kul gann Omli k tienɔ b kunkonkonna saa kua. ¹⁷ K Omli nan Islael kul nyii Guibbethon k saan bɔl Tinsa. ¹⁸ Yuonba k Zimli la nan b kɔn k paak duo na , k u cial kpanbal naan diukun ŋaak juo kpanbal ŋaak muu. ¹⁹ Nnae ku daan kpo k tɔkin u biit nba ku tien l k ŋaan kaagbennu nuŋ niŋ. K somm nan Yelouam k caab u mɔŋ biit nba Yelobuam daan tien k kuan Islael tieb biit na. ²⁰ L maan kul Zimli tun k pukin, nan lom biukna kul dian k be Islael tieb balkpelii kadɔk ni? ²¹ K Islael nii bɔkt taa munle, siab din luo b din Ginath bija Tibni naan k lieb luo Omli. ²² Binba din luon Omli din dii naan Ginath bija Tbni yaab baa. k Tibni din kpo k Omli dii naan. ²³ Yuda kpanbal Asa bina piitaa nan yenn niŋe k Omli gaal Islael naan k tunn bina piik nan ŋanle. K sua u tien bina ŋanlob Tinsa tinŋ niŋa. ²⁴ K u din daa Semel Samali juol nan Lkbina tuaa ŋanle; kuu maa duo l juol paak, k yin l duo Samali, k b jiik yii Semel, k l waant nan yemdaanɔ jual. ²⁵ Omli tien l maan k manŋ kaagbennu, k tien biit nba cie lieb nba din dii u liik na. ²⁶ Kuu somm nan Yelobuam, Nebath bija na, kuu jii u mɔŋ k cab nan biit nba Yelobuam din tien k kua Islael leŋ na, k maan pataa k donn kaagbennu Islael yennu wuutuol na. ²⁷ Linba k Omli tun k pukin nan tuojaana na l kul dian k be Islael tieb balkpelii kadɔk ninŋi? ²⁸ Omli kpo k b pui Samali Asaab u bija dii u naan. ²⁹ Yuda kpanbal Asa nan bina piitaa nan ŋanniin niŋe, k Omli bija Asaab dii Islael tieb naan k din kal Samalii bina piinle nan ŋanle. ³⁰ Omli bija Asaab tien linba manŋ kaagbennu k cie binba din gaal u liik na. ³¹ Waa din tun biit nba nan yelobuam ebata bija na, ku din kuan Etbaal sidoni tieb kpanbal bipuo Yezabel, k saa dot tigbann nba k b yiu Baal na k gbaant u nunŋ niŋ . ³² K u din maa Baal maluŋ diuk k tuul Baal Samali yent niŋ. ³³ K u bia din kpiel cicelk. Asaab ŋamm donn kaagbennu Islael yennu wutuol k cie binba din dii u liik na. ³⁴ Waa din tien kpanbal yuonba nae k Hiel u maa nyii Bethal din ŋamm k maa Yeliko; nan kaagbennu nba din yet Num bija Yosue na. Hiel bija kpel Abilam din kpoe yunba k u din fɔkin Yeliko fiakl na, k u Sanbian Segub mun tan kpo yuonba k u maa Yeliko tammoii k gbenn yuonba.