¹ Bɔ un mɔ jixwesin yɔ yɔ kpo anyi gba yɔyɔ ɖe kpo ɖo jixwesin nukɔntɔn kpo anyigba hwɛtɛtɛtɔn kpo wayi yebu bɔ axu lɔ can kasɔ tiin ba. ² Un mɔ tohunnukun mimɛ lɔ jeluzalɛnu yɔyɔ lɔ bɔ e ɖo te jɛ sin jixwesinmɛ sin mawu de ɖi asi dida yɔyɔ xe ɖo te kpɔn asu yɔyɔ untɔn ɖe ɖɔwun. ³ Un se gbe ɖaxo ɖe ɖi sin axɔsu zinkpo lɔ kɔn sin ji bo ɖɔ mikpɔn mawu nɔtɛn ɖo kpɔ xɛ agbɛtɔ vijijilɛ bo éna nɔ mawu can na nɔkpɔ xɛ togun untɔn bo na nyi mawu yetɔn. ⁴ E na sunsun ɖasin sin nukunlɛ bi mɛ bɔ ku alo vivɛsise avi alo aɖukunɖuɖu ka natiin ba ɖo nu hwɛtɛtɛ tɔn lɛ ko wa yi. ⁵ Amɛ xe flɛn axɔsuzinkpo lɔ ji ɖe ɖo ɖɔ mikpɔn un blo nulɛ bi nyi yɔyɔ e ɖɔ wlan nu xelɛ ɖo xo xelɛ ɖo atɛn yetɔn mɛ bo nyi nugbo . ⁶ E ɖɔ na un ɖɔ nuxelɛ nyi biblo nyɛ wɛ nyi alufa kpo omɛga kpo bilɛ kpo fifo kpo . Amɛxe asinnugbla ɖo hu ɖe ɔ un na na ɛ asi nunu vɔvɔnu sin asin lɔ agbɛsin lɔ jɔtɛn . ⁷ Amɛxe naɖo ɖudéji ɖe nuɖu nu xelɛ sin gu bɔ un nanyi mawu untɔn bɔ e na nyi vi ce. ⁸ Amɔ amɛ xe nyi bunɔlɛ gbeji manɔtɔ lɛ danuwatɔlɛ amɛhutɔlɛ kpo aleloɖotɔlɛ bi kpo lɔ atɛɛ yetɔn mɛ natiin ɖo myɔ kpo ɖaxo sisɛ lɔ mɛ oku awegɔɔ nɛ . ⁹ Wɛnsagun canwelɛ ɖokpo wa daliye amɛxe hɛn kɔnwun kɔnwun canwe xe gɔ kpo nu baɖabaɖa canwe dokpoé tɔnlɛ kpo ɖe bɔ e ɖɔ wa mado asidida alɛngbɔvi lɔ sin asi xlɛ we. ¹⁰ Nɛ ɔ ze un hɛnyi so yijiyiji ɖaxo ɖe kɔn bo do tohunnukun mimɛ jeluzalɛmu xe ɖo te jɛ sin mawu de ɖe xlɛ un. ¹¹ Jeluzalɛmu ɖó susu mawu tɔn bɔ hinhɔn untɔn le ɖi nuzinzan akwɛsu tɔn ɖe ɖɔwun ɖi klisivi kpɛn xe hɔ̀n bɔ e nɔ mɔ nukunnu gbɔn ɛ mɛ ɖi jasipe ɖe ɖɔwun. ¹² E ɖo adokpa ɖaxo yijiyiji ɖe xe ɖo hɔnli weawe ɖe bɔ awɛnsagun weawe (12) ɖo hɔnlɛ ji nyikɔ akɔta wiawe 12 zlayɛli vilɛ tɔn nyi wlan wlan ɖo hɔnlɛ ji. ¹³ Hɔn atɔn ɖo hwezɛtɛn atɔn ɖo talingbe atɔn ɖo afɔlingbe atɔn ɖo hweyixɔtɛn. ¹⁴ Tohunnukun lɔ sin adokpa ɖo domɛkpɛn xe ji ado lɔ flɛn ɖe wawe (12) bɔ yee ji wɛ é wlan nyikɔ weawe amɛsɛdo weawe alɛngbɔvi lɔ tɔn lɛ ɖo. ¹⁵ Amɛ xe ɖo xo ɖɔ xɛwun ɖɖe hɛn nujlɛnu sika tɔ ɖe ɖo alɔ mɛ bo na jlɛ to lɔ hɔn untɔn lɛ kpo ado untɔn kpo ¹⁶ To lɔ ɖo unkunmɛ kantin ɖe tɔn bɔ gaɖiɖi untɔn sɔxɛ glihwihwe lɔ e jlɛ to lɔ kpo nujlɛnu kpo gaɖiɖi untɔn glihwihwe untɔn lilɛdo jiyimɛ untɔn bi wɛ nyi nu ɖokpo lɔ jlɛjlɛ lɔ bi wɛ nyi 12000. ¹⁷ E jlɛ adokpa untɔn ga bɔ enyi awaka 144 jlɛ agbɛtɔ tɔn nɔ lɔ kee wɛ ɖo awɛnsagun lɔ tɔn nyi ga haɖokpó. ¹⁸ Adokpa lɔ nyi akpɛn jasipetɔn to lɔ nyi sika tewugbeju di wunmɛkpɔnnu ɖɔwun. ¹⁹ Adoglin lɔ sin domɛkpɛn lɛ ɖo akpɛn wunmɛ xe vɛ afilɛ ɖe bi sin acɔ hwɛtɛtɛ tɔn nyi jasipe sinmɛ awegɔɔ lɔ nyi safii emɛlodu atɔngɔɔ nyi agati hamɛ hamɛ enɛ gɔɔ nyi blɔ sin mɛ ca xɛ gbemu sin mɛ . ²⁰ Atɔn gɔ wɛ nyi onisi ɖivɛ ɖi ahun ɖɔwun anyizɛn gɔɔ ɖivɛ wɛ nyi sadwani xɛxɛxɛ canwe gɔɔ nyi klizoliti faan bɔ cantɔn gɔɔ nyi vɛɛ belilu nagbɔ nagbɔ vɛɛ bo ɖɖo faan demɛ cɛnɛ gɔɔ nyi tokpazi wogɔɔ nyi klizoplazi woɖokpo gɔɔ nyi vɛɛ yasɛnti sinmɛ bɔ wiawegɔɔ nyi blɔ amɔtisi ciɖiciɖi ²¹ Hɔn wiawelɛ nyi jɛ wiawe hɔn ɖokpo lɔ jɛ ɖokpo wɛ bloe ɖɔ. xwegblamɛli to lɔ tɔnlɛ nuyi sika akuaku ɖi go wee xe zawe ɖe ɖɔwun. ²² Un ka mɔ sinsɛnxɔ ɖekpekpe ɖo to lɔ mɛ a ɖo axwetɔ mawu kpo alɛɛngbɔvi lɔ kpo wɛ nyi sinsɛnxo untɔn.ɔ ²³ Hinhɔn to lɔ tɔn klin hinya vivɔ alo sun à ɖo susu mawu tɔn nɔ ta déji bɔ ɔ hinhɔntin untɔn wɛnyi alɛngbɔvi lɔ.. ²⁴ To lɛ naɖi zɔnli ɖo hinhɔn to nɛ tɔn mɛ axɔsu anyi gbaji tɔnlɛ nahɛn dɔkun yetɔn hɛnwa nɛ ɛn . ²⁵ Hɔn untɔnlɛ ka na nyi susu ɖo kle a mɔke zan ka na do ɖo to lɔ mɛ a. ²⁶ Ye na bɛ susu tolɛ tɔn kpo dɔkun tolɛ tɔn kpo hɛnwa nɛ ɛ. ²⁷ Bɔ nu mamɛmamɛ xoɖixoɖi ka na byɔ ɛmɛ kpɔn gbeɖe a amɛ xe wa winyanu ɖe ɖe ka na byɔ ɛmɛɛ alo alɛlo ɖotɔ ɖe kpɔn gbeɖe a amɔ amɛ xe sin nyikɔ ny wlanwlan ɖo agbɛ wema alɛngbɔvi lɔ tɔn mɛ lɛ ɖe kɛɖɛ wɛ na yi.