¹ Xe na Jezu ɖo tɔnsin sinsɛn xomɛ ɖe nukplɔnvi untɔn lɛ ɖokpo ɖɔ nɛ ɖɔ Axwé kpɔn akpɛn ɖagbe nɛ lɛ kpo xwé nɛ lɛ kpo e dɔ. ² A mɔ xwè ɖaxo nɛ lɛ akpɛn ɖokpo gée ka na kpo ɖo hatɔɔ ji bo na nɔ ma flɛ janyi. ³ Hwenu e ɖo anyi flɛnflɛn ɖo olivye so ji bo kpan nukɔn sinsɛn xɔ lɔ de pyɛ Jaki Jan kpo Andle kpo kan xo byɔ ɛ yemu ɖokpo ɖɔ . ⁴ Dɔ hwenu xe nù xe lɛ na wa ɖe na mi hwenu xe nù xelɛ na wa jɔ ɖe gesi nɔhakɛ ⁵ Bɔ Jezu jɛ ɖiɖɔ na ye ji ɖɔ mi nɔ aceji na nɔkpɔn amɛɖe a wa flu mi bo. ⁶ Amɛ sùsù na wa ɖo unkɔ ce ji bo na ɖɔ nyɛ wɛ nyi klistilɔ bɔ ye na flu amɛsùsù ⁷ Hwenu xe mi se ahwan kpo ahwan zɛngidé lɛ kpo ɖe nɔkpɔn mi a ɖibu bo. Nu nɛ lɛ ɖo na wa jɔ vɔɔ vivɔnù lɔ kɛ ko wa a. ⁸ Do akɔta ɖokpo na site ɖó akɔta ɖókpo ɖevo ji bɔ axɔsuɖuto ɖe na site ɖo axɔsuɖuto ɖe vo ji. Anyigbahùmnhùn na tiin ɖo afi sùsù bɔ xovɛ dido na gbɔn kamɛ gomɛ xe ni bibɛ ɖu ɖɛ vijijitɔn lɛ. ⁹ Minɔ ace ji ye na sɔ mi sa na togan lɛ bɔ ye na xo mi ɖo sinsɛnxɔ lɛ mɛ. mi na yi hwɛnukɔn bɔ axsɔsu ɖée lɛ ɖo nyɛ wutu ɔ xe na nyi kunnu ɖénù na ye. ¹⁰ Vɔɔ awɛn ɖagbe lɔ ɖo na gbɔn akɔta lɛ mɛ hwɛ. ¹¹ Hwenu xe ye wle mi bo sɔ mi sa nɔkpɔn mi a ɖibu na xo xe mi na ɖɔ ɖe bo. ¹² Do hwenɛnu pɛpɛpɛ nu xe ɖɔ ɖe ye na na mi ka nyi mi lɔsu kɛ na ɖɔ xo a vɔɔ gbigbɔ mimɛ lɔ. ¹³ Nɔ vi na sa nɔvi na ku bɔ tɔ na sa vi ɔ lɔ vi lɛ fɔn ahwan kpan nukɔn mɛjitɔ lɛ ɖo alisa mɛ ɖɔ ye nɛ ku. Amɛ lɛ bi na do kɛn mi ɖo unkɔ cde wutu. vɔɔ amɛɖékpékpé xe na slɔ afɔvi do kaka yi vivɔ nu ɖe amɛ nɛ na mɔ hwlɛngan. ¹⁴ Hwenu xe mi wa mɔ suɖuɖu bàɖàbàɖà ɖo atɛn xe mɛ e na ɖo na nɔ a ɖé amɛ xe ɖo xi ɛ ɖe nɛ mɔ nujɛ mɛ amɛ xe ɖo judée lɛ ɖe nɛ hɔn yi so lɛ mɛ. ¹⁵ Nɔkpɔn amɛ xe ɖo xɔta ɖe na jɛ te wa nù ɖe sɔ gbe bo. ¹⁶ Mɔ ke nɔkpɔn amɛ xe ɖo gbe mɛ ɖe na ɖɔ we a yi sɔ awu ɖo xwegbe bo. ¹⁷ Vɔɔ babaaɖe na nyɔnu xe ɖovi lɛ ɖe kpo nyɔnu xe na ɖo anɔ na vi ɖo azan nɛ lɛ ji ɖe. ¹⁸ Mi xo aɖɛ na nɔkpɔn ye a nyi avinɔ hwenu bo. ¹⁹ Do adan xe na gbo agbɛtɔ ɖo azan nɛ lɛ ji ɖe na syɛn kaka xe ha ma ko jɔ kpɔn a sin bibɛmɛ hwenu mawu blo agbɛ lɔ ɖe kaka wa din éwo nɛhatɔn ɖ ka sɔ na tiin a. ²⁰ Nɛnyi mawu ma ɖe azan nɛ lɛ kpo a lɔ agbaza ɖékpékpé ka a mɔ hwlɛngan a vɔɔ ɖo amɛ ylɔylɔ untɔn lɛ wutun amɛcincan untɔn lɛ wutu ɔ e ɖe susumɛ azan lɛ tɔn kpo. ²¹ Hwenɛnu enyi amɛ ɖe ɖɔ na mi ɖɔ mi kpɔn klisti lɔ dyé alo mikpɔn e ɖo fi nɔkpɔn mi a ɖi nu na bo. ²² Do klisti alɛlonɔ lɛ kpo ɖɔ ɖanyiɖɔtɔ alɛlonɔ lɛ na wa bo na ɖo azɔn dobulɛ blo kpo nu majiki ɖɔwun lɛ kpo na mɔ atɛn vlano bo blɛ amɛ cincan lɛ lɔsu . ²³ Mi nɔ ace ji un ɖɔ nù xe lɛ bi na mi jɛ ntɔn . ²⁴ Vɔɔ ɖo azan syɛn syɛn nɛ lɛ gido ɔ nyidɔn na do zɛnvlu sùn kaa na hinhɔn untɔn a. ²⁵ Sùnvi lɛ na jɛ anyi jixwesin bɔ hlɔnhlɔn xe ɖo jixwesin lɛ ɖe na hùnhùn . ²⁶ Hwenɛnu ye na mɔ vi agbɛtɔ tɔn yya ɖo azizɔ lɛ mɛ xɛ hlɔnhlɔn ɖaxo ɖe kpo sùsù kpo. ²⁷ E na zɔn awɛnsagun untɔn lɛ ɖohlan bo e na klpe amɛ cincan untɔn lɛ sin akowun enɛ lɛ na anyigba lɔ kaka yi vivɔnu jixwesintɔn. ²⁸ Mi kplɔn nu ɖo figitin awɛkan wu . halokpo xe ala untɔn lɛ hlɛn ama bo jɛ yɔyɔ ɖetɔnji ɖe mi nywɛ ɖɔ aluun wa. ²⁹ Mɔ hake hwenu xe mi mɔ bɔ nù nɛ lɛ wa ɖe mi nywɛ ɖɔ e ko kisi ya bi keɖe ɖo hɔn lɛji ³⁰ Nugbo wɛ un ɖo ɖɔ na mi ɖɔ ji ,ji me xe ka vɔ ku co bɔ nu xe lɛ na wa a. ³¹ Jixwesinkpo anyigba kpo na wa yi vɔɔ xo ce lɛ ka a yi a. ³² Vɔɔ amɛ ɖe ka nyɔ azan lɔ alo ganxixo lɔ nyi awɛnsagun mawu tɔn xe ɖo jix wesin lɛ ɖe can vi lɔ lɔsu tɔ ɖokpo gee wɛ nywɛ ³³ Mi nɔ aceji bo nɔ wu zun ɖo mi ka nyɔ hwe lɔ nu nyi a . ³⁴ E ei ɖo sunnu xe xwé tomɛ e jo sin xwe untɔn gbe bo sɔ ɛ do alɔ mɛ na azɔnzɔnvi untɔn lɛ amɛ ɖokpo ɖokpo kpo azɔn ³⁵ Hun minɔ wun zun ³⁶ .Do mi kanyɔ hwenu xe axwetɔ na lɛkɔgbɔn ɖe a e siwunyi zan mɛ zan maɖo awe hwenu xe koklo na kun so alo zanlun . ³⁷ Nɛ e lɛ kɔ wa ɖo avomɛ nɔkpɔn ye a mɔ mi ɖo amlɔ mɛ bo. Nu xe ɖo ɖɔ na mi ɖe un do ɖɔ na amɛ ɖokpo ɖokpo wɛ mi nɔ wunzɔn.