¹ Jézu biɔ tɔjihun ɖokpomɛ bo yi akpa ɖiɔxwé bo byɔ to untɔn lɔ sumɛ. ² Bɔ loɔ yé hɛn kpli bɔ nɔ dokpo wa nɛn xé ɖo zanji ɖé xé na e kpɔn nuɖiɖi yé tɔn ɖé lɔ Jézu ɖɔ na kplibɔnɔ lɔ ɖɔ do wusyɛn adékéwé yé sɔ agɔ jijɛ twé lɛ bi sɔ kɛ wé. ³ Sɛnzɔn watɔ ɖé lɛ ɖo ɖɔ do yéwuɖékémɛ ɖɔ dawué xé ɖo nu wlaɖɔ éɖɖo anyi hun da). ⁴ Jézu mɔ lin lin yé tɔn boɖoɖɔ na yé ɖɔ nɔn wutu wɛ lin lin nylannylan gɔ ji mi tɔn lɛ mɛ mɔn. ⁵ Sɔ humɔ na yé ka ɖɔ: yé sɔ ahwɛ twe bo lɛ bo sɔ kɛ wé alo yé ɖɔ cité bo zin zɔnlin? ⁶ Vɔ loɔ xé mi nyɛnnyi ɖɔ agbɛtɔ sin vi lɔ ɖo acɛ ɖo anyigbaji bo na kpéwu sɔ agɔ jijɛ sɔ kɛ amɛ é ɖɔ na kplibɔnɔ lɔ ɖɔ cité bo sɔ zan twé bo yi xwé twé égbé. ⁷ Bɔ ɖawué lɔ cité bo yi xwé untɔngbé. ⁸ Xé amɛ susu lɛ mɔ nuxéjɔ ɖéɔ jijɔ yé ta wun bɔ yé jɛ Mawu xé na acɛ nɛn hà agbɛtɔ lɛ ɖé kafuji . ⁹ Jézu ɖo gbɔn to lɔ mɛ bo mɔ dawé ɖokpo xé nɔ nyi Matié ɖé bo flanyi do takwɛ jɔ tɛn éɖɔ nɛɛ ɖɔ xodo un bɔ é cité bo xodwé. ¹⁰ Jézu yi lanyi ɖo xwégbé bo na dunu loɔ takwɛ jɔ tɔ lɛ susu kpo amɛ xé lɛ wɛ nɔzan agbɛ nylannylan lɛ ɖé kpo wa ɖunu ji xɛ Jézu kpo nukplɔnvi untɔn lɛɛ kpo. ¹¹ Xé falisinulɛ mɔ mɔɖé yé ɖo ɖɔ na nukplɔnvi untɔn lɛ ɖɔ . nɔmwutu wɛ cica :mitɔn ɖo nuɖu xɛ takwɛ jɔ tɔ lɛ kpo amɛ xé lɛ wɛ nɔ zan agbɛ nyiannylan lɛ ɖé kpo? ¹² Xé Jézu sé mɔ ɖé é ɖɔ amɛxé lɛ wɛ ɖo la mɛ syɛn mɛ ɖé ka hyan doto à loɔ amɛ xé jɛazɔn lɛ dé kɛɖɛ wɛ hyan doto. ¹³ Mi yi bo kplɔnnu sin xogbé xé wu un nɔ mɔ jijɔ sin nublawu wu loɔ unkɔn nɔ mɔ sin avɔsisawu à ɖo un ka wa na amɛ ɖagbé na huzu walɔ loɔ naagɔjɛ tɔ lɛ wɛ. ¹⁴ Jan sin nukplɔnvi wɛ dé bo ɖo ɖɔ nɛn ɖɔ mi lɛ kpo falisinu lɛ kpo mi nɔ blanu vɔ loɔ nukplɔnvi twe lɛ kɔn nɔ blaà? ¹⁵ Jézu déwu na yé ɖɔ amɛ xélɛ wɛ yi alɔwlétɛn :ɖé na kpéwu nɔ awu lɔ lɛ mɛ xé na alɔ wlétɔ lɔ ɖo akpa na yé vɔ déɛ vɔ loɔ ,azan lɔ j'ya bɔ yé na ɖé alɔ wlétɔ lɔ sin yédé bɔ loɔ yé na blanu ¹⁶ Amɛɖé kɔnnɔ avɔ xoxo bo nɔ do ɖo avɔ yɔyɔ ji à ɖo avɔ xoxolɔ na dɔn xoxolɔ bɔ é na lɛ vun déji. ¹⁷ Mɔké amɛɖé kɔnnɔ sɔ vɛɛn han yɔ yɔ bo nɔ sɔ kɔnyi gozɛn xoxomɛ à é nyi ɖɔ yé blo mɔ lɔ gozɛn lɛ na gba bɔ vɛɛn han yɔyɔ lɔ kɔnnyigbé bɔ gozɛnlɛ na gudu bi wutu yé wu mɛ awé lɛ nɔ ganji. ¹⁸ Hwéxénu Jézu ɖo xoxé lɛ ɖɔ na yé ɖé ɔ ahwangan ɖokpo wa jɛ klo ɖo afɔ glɔ nɛɛ bo ɖo viyé nyɔnnuvi ku tolodin wa bo sɔ alɔ déji bɔ nɛ na nɔ agbɛ. ¹⁹ Jézu kpo nukplɔnvi untɔn lɛ kpo xodwé. ²⁰ Kpɔnda nyɔnnu ɖokpo tin bɔ ahun wa ɖo yi déwu sin xwé wo do ɖokpoun kunvi awé ɖé wa tàlɔ Jézu sin awu ɖo gido. ²¹ Do éɖo ɖɔ na un kpéwu talɔ awu untɔn lɔ hun un na mɔ azɔn hingbɔ. ²² Loɔ Jézu lɛ kɔ kpɔn wɛn bo ɖɔ nɛɛ dɔ viyé nyɔnnu dowusyɛn adékéwé nuɖiɖi towé gbɔ azɔn nawé bɔ nyɔnnu lɔ mɔ azɔn hingbɔ azɔn ɖokpo. ²³ Xé Jézu byɔ ahwangan lɔ sin xwégbéɖé, émɔ kpinkun tɔ lɛ kpo amɛ susu lɛ kpo bɔ yé ɖo zɛngidi ji ɖo xwélɔgbé. ²⁴ Eɖɔ mi tɔn sin flɛn ɖo nyɔnnuvi ka kuà amɔ éɖo amlɔndɔ wɛ bɔ yé jɛ kokowéji. ²⁵ Xé na amɛ lɛ bi tɔn wayi kɔ xoɖɖé ɔ é byɔ xɔlɔmɛ bo hɛn alɔ untɔn bɔ nyɔnnuvi lɔ cité bo nɔ té. ²⁶ Bɔ nu xé é blo ɖélɔyé jɛ jijlakpé gbɔn afilɛbiji. ²⁷ Hwéxénu Jézu tɔnsin flɛnɖéɔ nukun tɔnɔ nɔ awé dé lɛ jɛ gidomɛnɛɛ bo ɖo axwa do magbɔ jɛ bo ɖo ɖɔ ku awublɛ na mi Davidivi sin vi . ²⁸ Xé Jézu wa xwélɔgbé bɔ nukun tɔn nɔn lɛɛ sɛkpɔwɛ Jézu kan byɔ yé ɖɔ mi dinu ɖɔ un na kpéwu blo na mii? yé ɖéwu ɖɔ ɛɛ axwétɔ. ²⁹ Loɔ Jézu ta lɔ nukun lɛɛ bo ɖɔ nɛ wɛ mɛ na mi ɖi nu didi mitɔn ɖɔun. ³⁰ Bɔ nuku yé tɔn lɛɛ hun.bɔ Jézu ɖo gbɛ na yé ta un ɖɔ nɔkpɔn amɛ dékpékpé na nyɔwɛn nyi boo. ³¹ Vɔ loɔ dawé awé xé lɛ yi bo wa yi gba xo lɔ bi do gbɔn afi lɛ bi. ³² Hwéxénu dawé awéxélɛ yɛ mawé te ɖé wa na jézu. ³³ Xé yé nyan yé mawé lɔ ɖé xo ma ɖɔ tɔ lɔ jɛ xo ɖɔ ji. amɛ susu lɛ ékpaca yé é bɔ yé mi ka mɔ nu xé hà kpɔn ɖo Izayɛ lià. ³⁴ Loɔ falisinulɛ ɖo ɖɔ sɔ gbɔn yɛ mawé lɛ sin acɛmɛ wɛ é ɖ yɛ mawé lɛ nyanté. ³⁵ Jézu ɖo gbɔn toxô ɖaxô kpo kpɛvi lɛ kpo mɛ. é kpo ɖo yiji bo ɖo nukplɔn yé ɖo kplétɛn yé tɔn lɛ mɛ bo nɔ dɔ xo sin wɛn ɖagbé gbé axɔsudutalɔ tɔn wu é nɔ gbɔ azɔn lɛ bi kpo awuvɛ sésé lɛ bi kpo. ³⁶ Xé na mɔ amɛ susu lɛ ɖé nu yé tɔn blawu nɛn ɖo yé caka bo gbɔjɔ yélédi alɛnkpo xé mado kplantɔ à dé hà ɖɔ un. ³⁷ E ɖɔna nukplɔnvi lɛ dɔ nukun yiya lɔ su vɔ loɔ azɔn watɔ kpɛvidé wɛ lé. ³⁸ Xé é nyi mɔ ɖéɔ mi ylɔ axwétɔ nukun yiya lɔ tɔn na yé ɖo azɔn watɔ lɛ ɖo hwlan nu kun yiya lɔ mɛ.