¹ Nɔn kpɔn nɛ mia do ahwɛ na amɛn bo mica yé ka na dó ahwɛ mi gà ǎ. ² Aléxé mi dahwɛ na amɛn xwéɖé mɔké wɛ yé na dó ahwɛ na mi xwé gà bɔ jlɛnu xé à sɔ jlɛ nu nyi amɛɖé, wuké wɛ yé na sɔ jlɛ nu nyi nawé gà. ³ Nɔn wutu wɛ gboymɛ xé ɖo nukun ji na anɔn wé vi ɖé unwɛ à ɖo kpɔn bo gbɛ kpoti xéɖo nukun na hui lɔsu dé kpɔn?. ⁴ Nawɛ à nawaxéwé bo na ɖɔ na anɔn wé vi ɖɔ jo undo na ma ɖé gboywɛ xé sin nukun twé ji hwéxénu wɛ atikpo ɖo nukun twé lɔsu jidé? ⁵ Yɛmɛnuwatɔ ! ɖé kpoti sin nukun twé lɔsuji hwɛ co, bo na mɔn ,nukunnu gàji bo na ɖé gboywɛ sin nukunjina anɔn wévi. ⁶ Nuxé nyi nu mimɛ ɖé nɔnkpɔn mina sɔ na xwé kanlin du vi bo nɔn kpɔn mi a sɔ alinjɛ mitɔn lɛ sɔ nyi gbé ɖo hlan agluza lɛ bo ojɛ mitɔn lɛ ɖo nukɔn na hanvi lɛ bo yé na gbidiyé vɔ nu ɛ bo na lɛ kɔ bo na wa vunvun (drin) mi lɔ su lɛ gà kpo ɖoe wé kpoɖoewé. ⁷ Mi byɔ no yéna nami midin mi no na mɔn mi xuxu hɔn lɔ yé na hun na mi. ⁸ Do amɛxé byɔ ɖé yéna mɔn yi amxé din ɖé éna mɔn yé na hun hɔn na amɛn xé ɖo hɔn xuxudé. ⁹ Mɛ wɛ ɖo mimɛ bɔ na vyɔ byɔ wɛ kpɔn nɔn lɔ bé é na sɔ okpin dó alɔ mɛ nɛn? ¹⁰ Alo nɛn é byɔ wɛ hwévilɔ bé é na sɔ odan do alɔ mɛ nɛn ? ¹¹ Bɔ loɔ mi lɛ xé nyi amɛ nylan-nylan ɖé mi nyɔn nuɖagbé nyi bo nɔn na mi vilɛ bɔ nɔn wutuwɛ mitɔ sɛxwétomɛ tɔn ma na mi nuɖagbé amɛxé nɔn byɔ ɖéa ? ¹² Nuxé mi jlo ɖɔ yé nɛn blo namiɖé mi lɔ su can mi a blo na yé ɖo sɛn dodo lɛ kpo ɖɔɖanyi ɖɔ tɔ lɛ kpo wɛ ényi. ¹³ Mi gbɔn hɔn kpɛvi lɔnu ɖo hɔn xé pklan amɛ yi clɔnclɔn mɛ ɖé wɛ ɖo gbaja bo nywɛn kpɔn bɔ amɛ susu nɔn gbɔn flɛn yi . ¹⁴ Kpɛvi lɔ xémyɔ dé wɛnyi hɔn kpɛvi lɔ xé wɛ kplan amɛyi agbɛ bɔ amɛkpɛviɖé lɛ wɛ nɔgbɔn ɖo flɛn. ¹⁵ Mi cɔ miɖé kélɛ ɖo ɖɔ ɖanyi dɔ tɔ alɛtotɔn lɛ xé na wa blɛ mi ɖi alɛn gbɔ lɛ ɖɔun, vɔ lɔ kanlin wlénuɖu xé wɛ xovɛɖohu lɛ ɖé wɛ yé nyi. ¹⁶ Mi na ɖigési yé gbɔn kunsinsɛn yé tɔn lɛɛ mɛ yé na kpéwu gbɛ viwun ɖo aun jatiji alo yé na kpéwu gbɛ figi ɖo aklantimɛ? ¹⁷ Mɔn lɔ pɛ ati ɖagbé nɔn na kun sinsɛn ɖagbé mɔn lɔ ké ati nylan-nylan nɔn na kun sinsɛn nylan-nylan. ¹⁸ Ati ɖagbé ka nɔ na kun sinsɛn nylan-nylan gbéɖé à mɔn lɔ ké ati nylan-nylan ka nɔ na kun sinsɛn ɖagbè ɖé à. ¹⁹ Ati ɖé kpé kpé xé ma nɔ na kun sinsɛn ɖagbé à ɖéɔ yé na sɛn bo na sɔ domyɔn. ²⁰ Mɔn lɔ ké mi na ɖiyési yé gbɔn kun sinsɛn yé tɔn lɛ mɛ. ²¹ Ka nyi ɖɔ amɛ !bi xé nɔ ylɔ unɖɔ axwétɔ axwétɔ lɛ ɖé bi kɛ na yi axɔsunutó lɔ mɛn à vɔ lɔ amɛ xélɛ wɛ nɔn blo jlo atɔyé tɔn xé ɖo jixwéɖé. ²² Amɛ susu lɛ ɔ yé na ɖɔ na un ɖo azan nɛn gbé axwétɔ - axwétɔ mi ka ɖɔ nuɖayi ɖo un kɔ twé mɛ à é mi nyan yɛmawé lɛ ɖo unkɔ twé mɛ bo blo nu ɖaxo-ɖaxo lɛ ɖo unkɔ twé mɛ à é? ²³ Loɔ un na ɖɔ na yé kpo xomɛ hunhunkpo ɖɔ un ka mɔn mikpɔn à (ɖigésimia). mi sɛsin diyé mi amɛ xé lɛ nɔn wa nu gblégblé a. ²⁴ Amɛ xe nɔn sé xo cé lɛ bo nɔn sɔ do azɔn wiwa mɛ ɖé éɖi nyɔnunyi na do xɔ untɔn do bo wa yiɖo we ɖo soji ɖé ha ɖɔ un. ²⁵ Ji ja bɔ tɔ gɔ bɔ aya lɛ xo susu do xɔ lɔ xé ji co lɔ xɔ lɔ ka ja yi bo kɔn nɔn hwɔ a gidi à ɖo yé tuwi ɖo soji wɛ zɔn. ²⁶ Vɔ loɔ amɛ xé sé xo cébo na sɔ do azɔn wiwa mɛ à ɖéɔ éciɖi nu ma nywɛn nyi tɔ xé tu xwé untɔn do kɔguku mɛ ɖé. ²⁷ Ji ja tɔ gɔ aya lɛ xo bɔ é hɔ yayi bo gudo bi. ²⁸ Hwé xé nu wɛ Jézu kpa xo lɛ ɖiɖɔ ɖe ɔ amɛ lɛ bi fà gbɔn nuklpɔn amɛ untɔn lɛ mɛ. ²⁹ Doɔ é ɖo nu kplɔn yé ɖi amɛ xé ɖo acɛ ɖɔ un xé na nyi ɖi sɛnzɔn watɔ tɔn ɖɔ un à ɖé.