¹ Sabati gido ɖo azan nukɔntɔn na kwɛsiɖa lɔ mɛ ɔ Mali Madala tɔn kpo Mali ɖe lɔ kpo wa yɔdo lɔ kpɔn gbe. ² Wu ɖye anyi gba hunhun titewungbe ɖo awɛnsagun axwetɔ tɔn ɖe jɛte sin sɛxwe bo bli akpɛn lɔ nyihlan bo flɛn ɛn ji. ³ Ninɔmɛ untɔn ɖo sɛ ɛ nuxe edo lɛ ɖo we bo fun ɖi ahun susu ɖɔwun . ⁴ Nucɔtɔ lɛ ɖo sisɔ kpo buɖiɖi kpo bo ci ɖi nukuku lɛ ɖɔwun. ⁵ Wɛnsagun lɔ ɖo ɖɔ na nyɔnu lɛ ɖɔ nɔkpɔn mi a ɖibu bo un nywɛ nyi ɖɔ Jezu xe ye kan ye xwe ɖo atin wu ɖe wɛ miɖo din. ⁶ Kà ɖo fi ba amɔ efɔn ɖi alexe eɖɔ ɖ'anyi xwe san ɖe ɖɔwun. Miwa bo wa kpɔn fixe emlɔ san ɖe. ⁷ Mi ɖibla yi bo yi ɖɔna nukplɔnvi untɔn lɛ ɖɔ Efɔn sin amɛkuku lɛ mɛ mikpɔn e ko jɛ nukɔn na mi bo ɖido Galile. dɔn wɛ mi na mɔ ɛ to wunɛ un ko ɖɔ na mi nɛ. ⁸ Eya nyɔnu lɛ tɔnsin yɔdo lɔ kɔn blewun. Ajikan sp yee (bu jɛ yee ji) amɔ xomɛ hun yee ye bɛ wezun bo na yi ɖɔxo lɔ na nukplɔnvi untɔn lɛ. ⁹ Wuɖye Jezu dogo yee bo ɖɔ fifa na mi bɔ nyɔnu lɛ wa hɛn afɔ untɔn bo sɛn ɛ. ¹⁰ Din ɔ Jezu ɖɔ na yee ɖɔ nokpɔn mi a ɖibu bo mi yi ɖɔ na anɔyevi lɛ ɖɔ ye nɛ wa yi Galile dɔn wɛ ye na mɔ un te. ¹¹ Gan xe mɛ nyɔnu lɛ ɖo yi ɖe lɔ uwɛ atɛn lɔ mɛ cɔtɔ ɖee lɛ byɔ toxo lɔ mɛ bo ɖɔ nuxe jɔ lɛ ɖe bi na agun nukɔnnɔtɔ lɛ sin gan lɔ. ¹² Xe agun nukɔnnɔtɔ lɛ dogo xɛ amɛ xoxo lɛ alo gun sin amɛ xoxo lɛ bɔ ye ɖɔ xo sin nuxe jɔ ɖe nu kaka ɖe lɔ ye na akwɛ kpin kpɛnmɛ ɖaxo ɖe sɔja xe ɖo atɛn lɔ mɛ cɔ lɛ ɖe. ¹³ Bo ɖɔ na yee ɖɔ ye nɛɖɔ mɔ ɖe nukplɔnvi Jézu tɔn lɛ wa fin cɔɔ untɔ ɖo zan mɛhwe nu xe ɖo amlɔ dɔ ɖe. ¹⁴ Nɛ xo xe bo trɛ byɔ to mɛ na to gan lɔ can lɔ mi na ɖee mɛ nɛ kaka bo na ɖemi sin tohinhɛn ɖé kpé kpé mɛ. ¹⁵ Nɛ mɛ wɛ bo sɔja atɛn lɔ mɛ cɔtɔ lɛ yi akwɛ lɔ bo blo nuxe ye ɖɔ ye nɛ blo ɖe. Bɔ zɛngidi bɛ ɖo jwifu lɛ mɛ bo ɖo ɖi kaka jɛ yé lɔsu. ¹⁶ Nukplɔnvi wodo ɖokpo nukun ɖokpo (11) lɛ yi Qalile ɖo so xe xó Jezu ɖɔ na yee san ɖe ji. ¹⁷ Xe ye mɔ ɛ ɖé lɔ ye yi sɛn ɛ amɔ amɛ ɖée ka kanɖeji à ¹⁸ Jézu kisi yi yee de bo ɖɔ na yee ɖɔ ye sɔ̀ hlɔnhlɔn kpo acɛkpikpa xe ɖo aga (sɛxwe) ɖe kpo xeɖo anyigbaji ɖe kpo do alɔ ce mɛ. ¹⁹ Mi yi sɔ̀ togun xe ɖo anyigbaji lɛ ɖe bi sɔ̀ huzu nukplɔnvi ce lɛ nyi bo dó asin tá ná yee ɖo tɔ ovi kpo yɛ sinsɛn mimɛ kpo sin unkɔ mɛ. ²⁰ Mikplɔn yee nuxe nukplɔn mi lɛ ɖe nuxe un ɖo na mi lɛ ɖe. Amɔ un tiin xɛ mi kaka sɔyi agbɛ lɔ sin vivɔnu