¹ Nɛ lɔ jezu ɖo xoɖɔ na agunkpekple lɔ kpo nukplɔnvi untɔn lɛ kpo bo ɖɔ. ² Wemakplɔntɔlɛ kpo falisinulɛ kpo flɛn anyi ɖo mɔse sin agbasamɛ ɖo kpo untɔn ji. ³ Nɛ wutu lɔ nuɖekpekpe xe ye naɖɔ na mi ɖe lɔ miyii boblo ɖeji amɔ ɔ nɔkpɔn mi na blo nuxe yeɖo blo lɛ ɖe bo ɖo yé nɔɖɔ amɔ lɔ yekɔnnɔ blo deji à. ⁴ Ɖ yenɔdo agban kpinkpɛn xe yemakpewu nahɛn à ɖe bo nɔ sɔ ɖo amɛlɛ si abata tso yee lɔsulɛ kɔnɔ lɔn ɖɔ alɔvi mitɔn ɖokpo lɔsu mɛjɛwu à. ⁵ Yenɔ blo nu yetɔnlɛ bi na amɛlɛ nɛ mɔ ye bo na sɔ nukun ɖo yee ji nɛwutu wɛ yenɔ do awu ɖaxo xe na sɔ yee sulɛ ɖe. ⁶ Yenɔ yiwanna kplɔnwu ninɔ ɖo nuɖutɛnlɛ kpo nukunta ninɔ ɖo kpletɛnlɛ kpo. ⁷ Yenɔɔ dinɖɔ yenɛnɔ do gbe na mi ɖo ablɔlɛ mɛ na amɛlɛ nɛnɔ ylɔ mi ɖɔ nukplɔamɛtɔ gan ⁸ Amɔ milɛ lɔ nɔkpɔn mialɔ na yeanɔ ylɔ mi lɛ ɖɔ nukplɔn amɛtɔ bo ɖo amɛ ɖokpo gee jɛnwɛ nyi nukplɔn amɛtɔ milɛ tɔn bɔ ɔ miimɛbi lɔ nɔvilɛ wɛ minyi. ⁹ Bɔ nɔkpɔn mi aylɔ amɛɖekpekpe ɖɔ mitɔ ɖo anyi gba lɔ ji bo ɖo amɛ ɖokpo wɛnyi miitɔ bo wuɖokpo wɛ ɖo aga ɖo olɔn. ¹⁰ Nɔkpɔn ye nɛylɔ mi ɖɔ ɔ kplantɔ ga bo ɖo amɛ ɖokpo wɛ nyi kplantɔ mitɔn uwɛ nyi klisu lɔ. ¹¹ Amɛxe hugan amɛlɛ ɖo mi mɛ ɖe nɛnyi amɛxekpolɛ ɖe sɛntɔ. ¹² Bɔ amɛxe naze uɖeke daga ɖe lɔ e na zii do do bɔ amɛxe nalɛ sɔ uɖeke shwe ɖe lɔ e na zéé ɖo aga. ¹³ Ta nylanylanɔ wɛ mi sɛnkplɔtɔlɛ kpo falisi nulɛ kpo yɛmɛnuwatɔlɛ wɛ mi nyi ɖo mi ɖo sɛxwehɔn sudo agbɛtɔlɛ yiyi glo mii lɔsulɛ bɔ mi ka lɛ jlo na jo amɛxe ejlo lɛ ɖe do na ye nɛyi a. ¹⁴ Tanylanyanɔ wɛnyi mi sɛnkplɔntɔlɛ kpo falisinulɛ kpo yɛ mɛnuwatɔ wɛnyi mi ɖi mii wɛ nɔ kinkan asukusilɛ sin xwe bo nɔ ɖo ɖɛ xo kplala ɖo nukunta nɛwutu babaɖe na mi. ¹⁵ Babaɖe na mi sɛnkplɔntɔlɛ kpo falisinulɛ kpo yɛmɛnuwatɔlɛ ɖo minɔ ɖo saɖi gbɔn anyigbaji gbɔn axuji bo na li lɛ amɛɖejan ɖo mɔyizi sin sɛn lɔ ji na mi ka blo e lɔ Mawiu sin xomɛsin xe na wa miji ɖe haa awe wɛ na wa amɛ mɔha tɔn jii. ¹⁶ Babaɖe na mi kpohɛnnamɛtɔ unkuntɔnnɔlɛ bɔ minɔɖɔ nɛnyi amɛɖe ta tsɔtsitɔ lɔ kawa nuɖe a amɔ nɛ amɛɖe ta sika tsɔtsixɔmɛtɔn lɔ e ɖo na do nuxe ewa ɖe xlɛ. ¹⁷ Nɔkpɔn mi anyi xlonɔ kpo unvanɔ kpo bo sika nyi cɔcixmɛtɔ hun Mawu tɔn nɛ eko nyi nɛ di nɔkɛ taji lo cɔcixɔ lɔ wɛ alo sika lɔ wɛ. ¹⁸ Minɔ lɛɖɔ nɛnyi amɛɖe ta vɔsakpɛn lɔ nɛ kanyi nuɖe a nɛnyi amɛɖe ka ta nunina xe deji ɖe lɔ eɖu axɔ . ¹⁹ Nukungbanɔlɛɛ nunina lɔ kpo vɔsakpɛn xe klɛnɛn ɖo vo ɖe kpo mɛ ɖe nɔkɛ ɖo kpinkpɛn hu nɔ. ²⁰ Nɛwutu amɛɖekpekpe xe na ta sakpɛn lɔ ɖe e ta vɔsakpɛn lɔ kpo nuxe deji ɖe bi kpo. ²¹ Bɔ amɛxe ta Mawuxɔ ɖe e ta xɔ lɔ kpo amɛxe nɔ nɔ xɔ lɔ mɛ ɖe kpo. ²² Bɔ amɛ na ta lɔn ɖe e ta Mawu sin axɔsuzinkpo kpo amɛxe nɔ nɔ ɛ ji ɖe kpo. ²³ Babaɖe na mi sɛnkplɔntɔlɛ kpo falisinulɛ kpo alɛlonɔlɛ wɛnyi mi ɖo mi nɔ na atin ɖeelɛ si maɖo wo Mawu atintun fyɛfyɛ malɛ kpo ɖodonulɛ kpo bo nɔ jo xo ɖo vivɛɛ ɖe ɖo sɛn Mawu tɔn mɛ ɖe do tiimɛ untɔn nyi amɛɖagbwe hwɛjijɔnɔ ɔ kpo gbejinɔtɔ kpo nɛ kpo xe bɔ dewu lɛ ɖe kpo wɛnyi nuxe ɖo ta ji ɖe . ²⁴ Kpohɛnnamɛtɔ unvanɔlɛ kɛɖɛ wɛ mi nyi bo nɔ can sukpɔ ɖo asinmɛ bo nɔ mi sɔ kpo zasin kpo. ²⁵ Babaɖe na mi sɛnkplɔntɔlɛ kpo falisinulɛ kpo alɛlonɔlɛ wɛ nyi mi ɖo mi nɔ klɔ ɔ kɔnwunkɔnwun kpo agbanlɛ kpo wutu bɔ xomɛ ɛ yetɔn nɔgɔ kpo nufinfin kpo nuxe mi fyɔn alɔ na amɛlɛ bo nyi ɖe kpo. ²⁶ Falisinu unkun gbigbanɔ kl agbanlɔ xo mɛ hwɛ a na mɔɖɔ gido lɔ naɖitɔ ɔ. ²⁷ Banaɖe na mi sɛnkplɔntɔlɛ kpo Falisinulɛ kpo alɛlonɔlɛ miɖi yɔdo xe yesi kolo wee na ɖe bɔ e nɔ ɖi nuxe nywɛ kpɔn ɖe ɖo nukunta amɔ ɖo xomɛlɔ egɔ ɔ kpo amɛkuku xu kpo nugble gble kɛɖɛ kpo. ²⁸ Mɔha pɛɛ wɛ milɛ can lɔ miɖi amɛ jɔ amɛ ɖo niukuta co ayi mitɔnlɛ mɛ gɔ kpo nugblegble kpo alɛloɖiɖo kpo. ²⁹ Babaɖe na mi sɛnkplɔntɔlɛ kpo falisinu lɛ kpo mi alɛlonɔlɛ, mi nɔ jla gbeyiɖɔ Mawu tɔnlɛ sin yɔdo ɖo bo nɔ ɖo acɔ na amɛxe ɖibusi Mawu lɛ ɖe. ³⁰ Bɔ mi nɔ ɖɔ nɛnyi miko nɔ agbɛ ɖo mii tɔgbolɛ gamɛ wɛ enyi lɔ mikana lɔ bɔ ye na hu gbeyiɖɔlɛ a. ³¹ Mɔ ha ke wɛ mii lɔsu lɛ can ɖo kunnu ɖe sin mii ɖekelɛ wu ɖɔ amɛxe hu gbeyiɖɔ Mawutɔn lɛ ɖe sin vilɛ wɛ mi nyi ga. ³² Enyɔ mii can miyi nukɔn hu miitɔgbo lɛ mi gbɛ kan ɖo kan yetɔnlɛ nu. ³³ Danvilɛ jakpata kunkanlɛ nakɛ minawa bo na glo myɔ jimaci sin kojo ɖiɖo kpo xo mɛsin Mawutɔn kpo. ³⁴ Nɛwutu lɔ un na zɔn gbeyidɔlɛ nunywɛtɔlɛ kpo nukplɔn amɛtɔlɛ kpo ɖo hlan mi mi nahu amɛɖee ɖo yeemɛ bonaka yee ɖo atinwu. mi nasɔ nukun sinsin sɔ xo amɛ ɖee lɛ ɖo ablɔ mitɔnlɛ mɛ bo na jɛ gido na yee sin to ɖemɛ sɔyi to ɖo mɛ. ³⁵ Nɛlɔ milɛ wɛ ɛ Mawu nahɛntona ɖo amɛ vivɛ untɔ x è ko hulɛ ɖe ta sin ablɛ hwɛjijɔ nɔlɔ ji nɛ gido yé wa hu zakali Balaki sin vi lɔ bɔ mi hu i ɖo vɔsakpɛn lɔ kpo afi kinkɔn lɔ kpo tɛntɛn . ³⁶ Nugbo wɛ un ɖo dɔna mi Mawu nahɛn to na agbɛtɔ yetɔnlɛ ɖo nu nɛlɛ bi wutu. ³⁷ Jeluzalɛmu nu jeluzalɛmu nu mi nɔ hɛn Mawu sin gbeyiɖɔ lɛ yi ku bo nɔ hu amɛ x Mawu nɔ zɔn ɖo hlan mi lɛ ɖe kpo bo nɔ ya hwan yèè agbaa nɛbiɖe wɛ un ko nɔdin nadɔnmikpe ɖi alexe koklosinɔ nɔ dɔn vi untɔnlɛ kple ɖo awa untɔn glɔ ɖe ɖɔwun bɔ mikɔnɔ jlo ǎ. ³⁸ Din ɔ e na jo xwe mitɔn do nu mi bɔ e na nyi xwetogbe. ³⁹ Amɔ un ɖo ɖɔ na mi ɖo nugbo mɛ zaanɖe din lɔ mi kana mɔ un ba kaka sɔ jɛ hwen xe mi na ɖɔ mɔ ɖe Ena nyɔna amɛxe jia ɖo axwetɔ sin nyikɔ tamɛ ɖe.