¹ E wa wɛ mɛn ɖɔ hwé xé nu na jezu na nukplɔamɛ azɔn wavi un tɔn wiawe lɛ vɔ ɖeɔ e jo sin flin bo na yi na kplɔn bo na ɖɔ Mawu xo ɖo to yé tɔn mɛ. Hwé nɛ nu xé na jan. ² Batisi ɖo gankpa mɛ bo se klisi sin wiwa lɛ ɖeɔ esɔ wewma ɖo nɛn gbɔn wavi untɔn lɛ ji vo ɖɔ nɛ ɖɔ. ³ Hwi wɛ nyi amɛ lɛ vɔ din ɖéa ? ⁴ Jezu ɖé wu bo ɖo ɖɔ na yé ɖɔ mi yi bo ɖɔ na jan nu xé mi mɔ kpo nu xé mi se lɛ ɖɛ kpo. ⁵ Unvanɔ mɔ a nunkunnu sɛkunɔ lɛ ɖo zɔnlinzin nɛ xé nyi gu dunɔ lɛ ɖé yé jla yé ɖo bɔ yé mɔ azɔn hɛn gbɔ amɛ xé nyi to kunɔ lɛ ɖé yé lɛ sénu ké amɛ xé ku lɛ ɖé yé lɛ vɔ fɔn bɔ a wɛn ɖagbé lɔ yé ɖwɛ na amɛ vivɛ lɛ. ⁶ Dagbé wɛ é nyi na amɛ ɖé kpé kpé xé ma mɔ anyi ji jɛ lo nyɛ mɛ a ɖé. ⁷ Do lé xé na sun nu xé lɛ lo yi lo ali yé lɔn ji ɖé ɔ jezu jɛ ɖi ɖɔ na amɛ lɛ ɖo jan wutu bo ɖɔ nɔ mi na wa yi kpɔn ɖo anyi gba vɔ nu lɔ ji afi dé xé na aya nɔ xo bo nɔ da ya na ɖé ? ⁸ Vɔ lɔ un tɛ mitɔn bo yi kpɔn sunnu ɖe xe do awuɖgbe ɖe wɛ a? nu ɖo ganji lɔ amɛ xe nɔ do akuɛtɔnɔ sin awu lɛ ɖe ɔ axɔsu xuegbe wɛ yé nɔ nɔ. ⁹ Vɔ lɔ nɔ mi wa yi kpɔn xoɖɔɖɛ ɖɔtɔ ɖo kpoa? ɛn un ɖo ɖɔ na mi é nyɔn hu xoɖɔɖɛ ɖɔtɔ ɖokpo. ¹⁰ Wu ɖie amɛ xé wu tu yé wlan dɔ mɔ un na sɔ ɖo rlan un kɔn twé awɛndotɔ cé xé na jla alin wé ɖo ɖo un kɔn twé ɖé. ¹¹ Do nugbo mɛ ɔ un ɖo ɖɔ na mi ɖɔ ɖo amɛ xé yé ki gbɔn nyɔnnu mɛ lɛ ɖeɔ amɛ ɖé kpé kpé ka nyi gan na jan batisia. vɔ lɔ amɛ xé nyi amɛ bo hwé hu amɛ lɛ bi ɖo mawu mɛ ɖéɔ é nyi gan nɛn. ¹² Si jan batisi zan gbé ka ka sɔ jɛ di ɔ axɔsuta lɔn tɔn mɛ ɖo hɛn awusiɛn bɔ sun nu awusiɛntɔ lɛ ɖo hɛn kpo hɔnhlɔn kpo. ¹³ Do xoɖɔɖɛ ɖɔtɔ lɛ bi kpo osɛn lɛ kpo ko ɖɔɖɛ ka ka sɔ jɛn jan ji. ¹⁴ Bɔ nɛ mi jlo nayii bɔ eli wɛ amɛ xé ɖo na wa ɖé . ¹⁵ Nɛ amɛ xé ɖo oto bo na sé ɖé nɛ se. ¹⁶ Un tɛ wu wɛ mi na jlɛ kunkan nɛ lɛ ɖo yé ci ɖi yɔkpɔvi xé ɖo bɔ lu xo ɖo afi tɛn mɛ ɖé xe lɛ flannyi bo ɖo yé ɖé ké lɛ yɔ ɖo kpo ɖo kpo bo ɖo ɖɔ . ¹⁷ Mi xo nu na mi bɔ mi ka ɖu wé a mi blawu bɔ mi kavi avi a. ¹⁸ Do jan wa bɔ ka ɖu kpɔnnɔ a mɔ ha kéɔka nu ahan bɔ yé ɖɔ gbigbɔ nylankan de si. ¹⁹ Ovi sunu lɔ wa bo ɖunu, bo nu bɔ yé ɖɔ mi kpɔn é nyi sunu aɖɔnɔ bo nyi sunnu a han nutɔ é nyi xɔntɔn xɛ amɛ xe nɔ jɔ takuɛ ɖé kpo nu ba ɖa watɔ lɛ vɔ lɔ nunyɔɛnyi ahɛjijɔ ɖo azɔn untɔn lɛ mɛ. ²⁰ Vɔ jezu jɛ xo gbɛ na to xe mɛ e wa azɔn ɖaxo lɛ te ɖe do ye ka huzu adɛna. ²¹ Ta ba ɖa na wé corazin ta ba ɖa na wé bɛtzayida ! ɖo nɛ azɔn gan gan xe dɛ ko nyi wi wa ɖo tir kpo siɖɔn kpo ɖi a lé xé enyi wi wa ɖo mi ɖi diwe dé ɔ yé na wo lɛ vɔ jɔ xoxo kpo akpo kpo afin fin. ²² Vɔ lɔ ɖo kojoɖiɖo zan gbe lɔ todindɔn tir kpo sidɔn kpo tɔn ka siɛn ɖɖi mi tɔn ɖɔwun a. ²³ Hwiɔ kapɛnawum avɛdo ɖɔ yé na ze we yi ji wɛ sina ? gbeɖe kaka yɔdomɛ ye na ɖiɖi we ɖo. Do nɛ azɔn ɖaxo ɖaxo xe yé wa ɖo diwe lɛ de ɔ nɛ soɖɔmun wɛ yé ko wa yé te lɔ e na ko ɖo te kaka jɛ ye. ²⁴ Vɔ lɔ é na fa na anyi gba sodɔm tɔn ɖo kojo ɖo zangbé hu wé ²⁵ Do hwé nɛ nu Jezu ɖɔ: un ɖo kpa wé otɔ axwétɔ Mawu mɛ tɔn kpo anyi gbaji tɔn kpo ɖo a rla nu xé lɛ do amɛ gan xo xo lɛ kpo nunyɔɛnyi tɔ lɛ kpo bɔ a do yé xlɛ amɛxe manyɔ ɖe nyi lɛ a ɖi vifan lɛ ɖɔ un. ²⁶ Eɛ atɔ yé ɖo xéɔ wɛ jlo we. ²⁷ Atɔ ye sɔ nuxe lɛ bi do alɔ mɛ na un Amɛ ɖe kpe kpeyɔn ovi lɔ nyi nɛ ma nyɔn otɔ lɔ nyia amɔn ha ké amɛ ɖé kpé kpé xe ma nyɔn otɔ lɔ nyi a dé ka nyɔn ovi lɔ nyi a be amɛxe ɖe do xlɛ ɖe. ²⁸ Mi wa da li yé mi amɛ xe lɛ ɖo azɔn wa bɔ agban ɖo mi kpɛn lɛ ɖe un na mi gbɔjɛ. ²⁹ Mi ɖiɖa agban ce do mi ɖeke lɛ ji bo a kplɔn naxe un xwesɔ, bo vivi ɖo ayi xa mɛ bɔ mi na mɔn gbɔ jɛ na mi tɔn lɛ. ³⁰ Do kluzugban ce é fa bɔ agban cé é fu ɖa .