¹ Xéna Jézu ɖɔ xõ xé lɛ na é ɖɔ na amɛxé lɛ wɛ ɖɔ to ɖowé lɛ vɔ ɖéɔ, ùwɛ èjo yi ka pé na wu mu . ² ù ɖ'yé ahwangàn soja kan wékotɔn ɖé ɖo kanumɔ ɖokpoɖé wan na susuɖé, é jɛ azɔn kàkà bona ku. ³ Xéna ahwangan lɔ sé Jézu xo ɖéɔ, ézɔn amɛgan xōxō jwifu lɛ tɔn lɛ ɖohlan Jézu, ɖɔ yé nɛ yi bo byɔ wɛ ɖɔ nɛn wà nà éna wà gbɔ azɔn na azɔnsɔ vi untɔn nɛ̀ ⁴ Xé yé wa Jézu dé ɖéɔ, yé ɖo kuku ɖé boɖɔ: éjɛ bɔ àna blo nu xé nɛn. ⁵ Ɖo énylwanna tōxō mitɔn,wunké wɛ tùn kplé tɛn mitɔn sinxɔ na mi. ⁶ Mɔ wɛ, Jézu zɔnxɛ yé ɖo alilɔji, xé yé sɛkpɔ xwélɔgbéɖé, ahwangan lɔ zɔ̀n xɔntɔnɔ lɛ ɖo hlɛn ɖɔ yé nɛ ɖɔ nɛn ɖɔ: axwétɔ kà hyan ɖɔ à na jɛ tuklà, ɖo un kà jɛ bɔ àna wà xwécégbé à à. ⁷ Nɛ wutu wɛ unkà jlo nawà daliwé gàà, vɔ loɔ ɖɔ xōɖokpo géé kpohun, bɔ azɔnsɔvicé na mɔ àzɔn hɛngbɔ. ⁸ Ɖo nyɛncan lɔ,un ɖò acɛ kpikpaɖé glɔ, kpo sɔja ɖéé lɛ xélɛ can ɖo acɛ ce glɔ gào bɔ ényi ɖɔ, un ɖɔ naɖé boɖɔ yi lɔ é nɔ yi, ényi ɖɔ un ɖɔ wa lɔé nɔ wa ,é nyiɖɔ un ɖɔ na azɔnsɔvicé ɖɔ blo nu xé lɔ énɔ bloé ⁹ Xé Jézu sé xoxélɛ ɖé, é kpacɛ ɖo xoxé yé ɖɔ sin wu ɖé wutu, bɔ élɛkɔ kpannukɔn amɛsusu lɛ xé xodwé ɖé, bo ɖo ɖɔ, ma ɖɔ na mi ɖɔ, kàkàjɛ izlayɛli can lɔ uukà mɔ amɛɖé bɔ é ɖo nuɖiɖi alé unkɔtɔn àa ¹⁰ Xé amɛzɔnzɔn lɛ, lɛkɔ wa xwégbéɖéɔ yé mɔ ɖɔ azɔnsɔvilɔ mɔ azɔnhɛngbɔ. ¹¹ Ɖo ganxixo ɖé wa yi gido mɛɔ, Jézu yi toxō ɖokpomɛ xé yé nɔ ylɔ ɖɔ nayinu ɖé, nu kplɔnvi untɔn lɛ kpo amɛsùsù lɛ kpo xodwé. ¹² Xéna é ɖo sɛya toxõ lɔ mɛ bo xoɖwé. ¹³ Xé émɔwɛn ɖohlanɖé, nu untɔn blawu na àxwétɔ lɔ bɔé ɖɔ: nɔkpɔn àvi àvi bo. ¹⁴ Bɔ loɔ, é sɛkpɔ cyɔ gbà xémɛwɛ yé hɛn cyɔ lɔ ɖo ɖé bo ta lɔɛ, bɔ amɛxé lɛ wɛ hɛn cyɔ gbà lɔɖé tɔté, bɔ é ɖɔ:«ɖékajɛ un ɖoɖɔ na we ɖɔ cité» ¹⁵ Amɛ kuku lɔ flannyi bojɛ xōɖɔji. Bɔ Jézu swɛ sɔna nɔ̀nɔyɔ lɔ ¹⁶ Loɔ amɛ lɛ bi ɖibu, bɔ yé jɛ Mawu kpàji boɖɔ«nùɖɔɖayitɔ ɖaxō ɖokpo ɖe tɔn ɖo mimɛ bɔ Mawu wà din togun untɔn kpɔn» ¹⁷ Bɔ awɛn ɖàgbé xé ɖo Jézu ji lɔ, égbàkpé Judé tolɔ bi sin agloji kpo tō xé lɛɖwé lɛ ɖé bi kpo mɛ ¹⁸ Nukplɔnvi Jantɔnlɛ wà bo ɖɔ xō lɛbinɛn ¹⁹ Loɔ, Janylɔ nukplɔnvi untɔn awé, bozɔn yé ɖɔ, yé nɛn yi kanbyɔ axwétɔ ɖɔ:hwiwɛnyi amɛxé j'yaɖé ɛ alo mina nɔtékpɔn amɛ ɖé vowɛ? ²⁰ Xé yé wa Jézu dé ɖé. amɛxélɛ yé ɖɔ Jan asindo tana amɛtɔ, lɔ unwɛ zɔn mi ɖohlan daliwé, bo ɖo mi nɛ kànbyɔ wé ɖɔ: hwiwɛnyi amɛ xe j'ya ɖé alo mi na nɔtékpɔn amɛ ɖévo? ²¹ Hwénɛn nu lɔ, Jézu gbɔ azɔn na azɔnɔn susu,égbɔ azɔn na amɛxé lɛ wɛ ɖo azɔn alɔkpa alɔkpa kpà jɛ lɛ ɖé kpo amɛ xé lɛmɛ yɛ mawé lɛ ɖo ayàdo na lɛ ɖé, nu kuu tɔn nɔ(un vànɔ) sùsù lɛɔ Jézu na bɔ yé jɛ nukun mɔji ²² Jézu déwu na yé bo ɖɔ: nɛ milɛkɔ bo yi lɔ, nuxé misé,kpo nuxé mi mɔ lɛ ɖé kpo, mi yi ɖɔ bi na jan ɖɔ: nukun tɔn nɔ lɛ bi mɔ nu, asɛkunɔ lɛ zinzɔnlin, gudu nɔ lɛ mɔ azɔn hɛngbɔ, tokunɔ lɛ sénu ,cyɔ lɛ fɔn, wamamɔnɔ lɛ se awɛnɖagbé lɔ ²³ Nyɔn na nɔ wɛ nyi amɛxé manɔ gɔn nuɖi na un à ɖé ɖo nuwiwa cé lɛ wutu ɖé. ²⁴ Xé na amɛzɔnzɔn jan tɔn lɛ jo yi gidomɛ vɔ ɖé: Jézu jɛ xò ɖɔ na amɛ lɛ ji sin Jan wu: nu tɛ wɛ mi yi mɔ ɖo zogbélɔji?alo mi mɔ atin ɖaxō ɖé bɔ ayaxixo ɖo ayàdonɛn? ²⁵ Bɔ lo ɖé nutɛ mika yi mɔ lo? alo mi mɔ agbɛtɔ ɖokpo bɔ édonu xé vɛ afi ɖéwɛ? vɔ loɔ amɛ xé do nu xɔ afi kpo amɛxénɔ nɔ̃ agbɛɖutɛnnɛ lɛ ɖé lɔ;axɔsulɛ sin nɔ tɛn wɛ yé nɔ nɔ̄. ²⁶ Bɔloɖé nutɛ mika yi mɔ lo? gbéyiɖɔtɔ ɖo kpo wɛ? ɛɛ̀ɛ, un ɖo hwimɛ na mi ɖɔ, éhugan gbéyiɖɔtɔ ɖokpo. ²⁷ Mi kpɔn ɖà, amɛxé wuwɛ yé whan ɖo ɖɔ: kpɔn ɖa! un zɔn awɛnyidotɔ cé ɖohlan daliwé bɔ é na blo ali twé ɖo (éna jlà ali twé ɖo) ²⁸ Un ɖo hwi mɛ na mi ɖɔ: ɖo amɛxé yé ji gbɔn nyɔn nu mɛ lɛ ɖé mɛ lɔ, amɛ ɖé kà ɖo yémɛ bo nyigan na Jana xé é kà ɖo mɔ ɖé, amɛxé nyi yɔ kpɔvi bi ɖo axɔsuɖutà Mawu tɔn mɛ ɖé, é nyigan na wɔ(Jan) ²⁹ Xé amɛ lɛ bi sé xō untɔn kàkà jɛ amɛxé lɛ wɛ nɔ jɔ tàkwɛ lɛ ɖéji ɖéɔ, yé hwi mɛ ɖɔ Mawu wɛ nyi amɛ nu jlɔjlɔ lɔ, xé yé do asin tà gbɔn Jan ji dé. ³⁰ Vɔ loɔ falisinu lɛ kpo osɛn gan jwifu lɛ tɔn kpo,gbɛnu sin Mawu sin titō lɛ wu, ɖo Jan kà do asin tà yé àà ³¹ Jijimɛ xé nɛlɛ ɖé! nu tɛ wuwɛ yé na jlɛ yé ɖo? nutɛ wɛ yé ɖi? ³² Yé ɖi yɔkpɔvi vifan lɛ, xé ɖo bɔlu xō ɖo tò̀kplétɛn ɖé, yé nɔ flannyi bo nɔ jɛ nu kanbyɔ yéɖéké lɛji ɖɔ: mi xō nu ɖigbé lɛ, amɔ mi kà ɖuwé àà, mi ji cyɔ sin han lɛ, amɔ mi kà vi àvi à ³³ Ɖo Jan asin dota na amɛtɔ wà, kɔnnɔ du kpɔn nù nɔ à, kɔnnɔ nu ahan ɖé à, bɔ mi ɖɔ é do éɖo yɛ mawé. ³⁴ Agbɛtɔ sinvi lɔ wà, bo du nù bo nù ahan, bɔ miɖɔ é nɔ dunu tlan (édunu zegbɔn jlɛwu) é nyi ahan nu mu nɔ, wɔ amɛxé nyi xɔntɔn na tàkwɛ yitɔlɛɖé kpo ahwɛhu tɔ lɛ kpo ɖé. ³⁵ Éɖo mɔ cō, amɛxé lɛ wɛ dinu nɛ ɖé, yé ɖò nu nywɛn ɖàgbé lɔ, xé nyi nu jlɔjlɔ ɖé ³⁶ Kpɔ ɖà falisinu ɖokpo ylɔwɛ(kpé) bo ɖɔ nɛ wà dunu xɛwé. loɔ,xé Jézu yi falizinu lɔ xwégbé bo flan nyi ɖo kplɔn kɔn. ³⁷ Azɔnɖokpo lɔ,nyɔn nu ɖokpo ɖo toxōlɔ mɛ bo nyi ahwɛhutɔ, xé é sé ɖɔ Jézu ɖo falizinu lɔ sin xwégbé ɖéɔ, é sɔ hɛn gozɛnvi ɖɔ kpo bɔ mamatlɛ. ³⁸ Xé é ɖo gido nɛ (na Jézu) ɖo àfɔ untɔn lɛ kɔn ɖé, é jɛ àfɔ un tɔn lɛ bi fà ji kpo aɖasin kpo, bo ɖo sunsuwi kpo ɖà untɔn lɛ kpo, é kisi nà àfɔ lɛ bosi célu nà yé. ³⁹ Xéna falizinu xé ylɔ Jézu ɖé mɔmɔ̀ ɖéɔ éɖò ɖɔ ɖō aɖékiɔmɛ ɖɔ: Nɛ dawé xé nyi gbéyiɖɔtɔ wɛlɔ é na nyɔn amɛxé unkun mɛ wɛ nyi nyɔnnuxé wɛɖo alɔtwɛ ɖényi, ɖɔ ahwɛhu tɔ wɛ ényi ⁴⁰ Jézu yi xō boɖo ɖɔ nɛ ɖɔ: «simɔ!un ɖɔ xō» ⁴¹ Jézu ɖɔ: nya ɖokpo tiin, bɔ amɛ awé ɖu axɔ doé, amɛ nukɔn tɔn lɔ ɖu akwɛ kotokun afɔɖé donu atɔɔn dwé, bɔ amɛ awé gɔ lɔ du akwɛ kotokun kanɖé wodwé. ⁴² Xé yé makpéwu bo na sù axɔlɔ na nyà lɔ àɖé, é sɔ akwɛ̀ lɔ sɔ kɛ yémɛ lɛ bi, din lo ɖé, ɖō yémɛ awé lɛmɛɖé,mɛ na yi wàn na nya lɔ hugan amɛ ɖé? ⁴³ Simɔ ɖéwu ɖɔ: nyɛn un mɔ ɖɔ amɛxé wɛ yé sɔ akwɛ sùsù sɔ kɛ̀ɛ̀ ɖé, Jézu ɖéwu ɖɔ:"amɔ ganji" ⁴⁴ Jézu lɛkɔ bo kpannu kɔn nyɔnnu lɔ bo twe ɖɔ na simɔ ɖɔ:«amɔ nyɔnnu xé ? un wà xwé towé gbéɖéɔ, à kà na un asin ɖɔ ma klɔ afɔ à, Vɔloɔ éfà afɔ cé lɛ kpo aɖasin kpo, bo sunsun yé kpo oɖà untɔn kpo ⁴⁵ Akà kisi na un à, loɔ sin hwéxénu nyɔnnu xé byɔ fiɖé kagbɔ siki na afɔ célɛ à ⁴⁶ A ka kɔn ami ɖo tà na un a, vɔloɔ wɔ kɔn mamatlɛ ɖo wanɖagbéɖé ɖo afɔ célɛji. ⁴⁷ Nɛ wutu lɔ ma ɖɔ nawé: yé sɔ ahwɛ un tɔn lɛ sùsù-sùsù sɔ kɛɛ, ɖo wanyiyi ɖaxō xé éɖoɖé wutu, na Mawu sɔ ahwɛ kpɛvi kɛ amɛɖélɔ, éɖéxlɛ ɖɔ amɛ nɛ lɔ éɖo wanyiyi kpɛvi. ⁴⁸ Bɔloɔ é ɖɔ nɛ ɖɔ̄: «yé sɔ ahwɛ twe lɛbi sɔ kɛwé.» ⁴⁹ Amɛxé lɛ wɛ ɖo kplɔn lɔ kɔn xɛ lɛ ɖé. ɖoɖɔɖo yéwuɖékélɛmɛɖɔ: mɛunkunmɛ wɛɖo nyixé kàkà bo nɔ sɔ ahwɛsɔ kɛ amɛ? ⁵⁰ Vɔ loɔ Jézu ɖɔna nyɔnnu lɔ ɖɔ:«nuɖiɖi twé hlɛn wé gan, yi ɖo awutu fifà mɛ.