¹ Jezu ɖo té do Jenɛzalɛti sin tɔlɔ to, bɔ amɛ susu wa bo ɖo lilɛn do bo na sé Mawu xó. ² É mɔ tɔjihún awé do tɔlɔ tó, bɔ ɖɔnyitɔ lɛ ko jɛ ta sin yèmɛ bo do ɖɔ yétɔn lɛ hú ɔ. Bo ɖo ɖɔ́lɛ jlaɖo ɔ. ³ Jezu byɔ tɔjihún xé nyi Simɔ tɔn ɔ ɖé mɛ, bo byɔ yé nɛ sɛ yi tɔ lɔ ji kpɛvidé, wu lɔsu ga flɛn anyi ɖo tɔjihún lɔ mɛ bo jɛ nu kplɔn amɛ lɛ ji ɖo hlàn. ⁴ Xé é kplɔn nu yé vɔɖéɔ, é ɖɔ na Simɔ ɖɔ: «Sɛ yi tɔlɔ mɛ bo na nyi ɖɔ milɔn bo na wlé hwévi.» ⁵ Simɔ yi gbé nɛ ɖɔ:«cica, mi jɛ tagba zan lɔ mɛ kakaa có, mi ma mɔ nudé wlé gɛ, vɔlɔ xé a ɖɔ mɔɖéɔ, un na do ɖɔlɔ tɔ.» ⁶ Xé yé jɛ tɔ lɔ tɛntɛn bo do ɖɔlɔ tɔ nugbo ɖé ɔ, yé wlé hwévi susu kaka bɔ ɖɔ yétɔn lɛ jɛ vúnvǔnji. ⁷ Yé gbɔɔ wo blo na hagbɛ yétɔn xé lɛ ɖo tɔjihún ɖéɔ mɛ lɛ ɖɔ yé nɛ wa gɔ alɔ na yé. Yé wa, bɔ tɔjihún awé lɛ go kakaa bo jɛ syɔsyɔ ji (tɔ ci ji) . ⁸ Vɔɔ xé Simɔ Piyɛɛ mɔ ɖo mɔɔ é jɛ klo ɖo akɔmɛ na Jezu bo ɖɔ:« Sɛ yi ala na un aklunɔ, ɖó ahwɛhùtɔ̀ wɛ un nyi.» ⁹ É kpacɛ ɛ, wu kpo amɛ xé yé kpɔ xɛɛ lɛ ɖé kpo ɖó hwévi xé yé wlé dé wutù. ¹⁰ Do atɛn lɔ mɛ ɔ, Jaki kpo Jaan, Zébédé sin viɔ kpo lɔsu do flɛn xɛ Simɔ. Nɛ ɔ, Jezu ɖɔ na Simɔ: «Nɔ kpɔn aɖibu gɛ, dó un na sɔ wé blo agbetɔ wlé tɔ.» ¹¹ Xé yé kún tɔjihún lɛ wa agoɖéɔ, yé jò nubido, bo xǒdǒ Jezu. ¹² Yé ɖo tǒxó ɖé mɛ, bɔ tóxólɔ mɛ ɔ, amɛ ɖé démɛ bo jɛ gúdú zɔn. Xé mɔ Jezu ɔ, é jɛ klo do akɔn mɛ nɛ, bo ɖɔ :«aklunɔ, nɛ a jló ɔ, a hɛn ɔ a na blo bɔ un na nyi mimɛ.» ¹³ Nɛ ɔ, Jezu sɔ alɔ ɛ́, bo ɖɔ: «un jlo, nyi mimɛ.» Hadokpo ɔ, gúdú lɔ jó yi sin wu. ¹⁴ Jezu do sɛn nɛ ɖɔ, nɔnkpɔn é na ɖɔ xodé na amɛ dé gɛ. É ɖɔ nɛ ɖɔ: «Yi do hwi ɖé ké xlɛ avɔsanukɔnɔtɔ Mawu tɔn lɛ, bo na nuɖé Mawu do azɔn hɛngbo xé a mɔ ɖé wutu ɖi alé Mɔyizi ɖɔ gbɔn ɖé, é na nyi kúnú ɖidé na yé.» ¹⁵ Nɛ gúdɔ̌ ɔ, amɛ susu jɛ Jezu nyikɔ ylɔ ji déji, bɔ yé kplé bo na sé xo untɔn. Bo na mɔ azɔn hɛngbɔ. ¹⁶ Vɔɔ, wu ɔ, é nɔ yi ci fi xé amɛ ɖé ma té à, bo na mɔ atɛn bo xǒ adɛ. ¹⁷ Gbé dokpo ɔ, é do nukplɔn amɛ lɛ ɔ. Bɔ falizinu déélɛ kpo sɛn gan lɛkpo wa flɛn a yi, yé wa sin galilé, judé kpo Jéluzalɛm kpo,bɔ Mawu sin hlɔnhlɔn do azɔn wa dé mɛ bo ɖo azɔn hɛngbɔ na amɛ lɛ. ¹⁸ Nɛ ɔ, amɛ ɖé é lɛ wa bo hɛn amɛ ɖé ɖo zanji bɔ asa kpo aba kpo kú ne, yé ɖo atɛn mɛ din na sɔwɛ do xɔ lɔ mɛ do Jezu nukɔn. ¹⁹ Xé yé ma nyɔ fi xé yé na sɔwɛ gbɔn bɔ é na wa yi Jezu dé aɖé dó amɛ lɛ xé gɔ flɛn lɛ ɖé wutu yé yi xɛ xɔlɔ tǎ, bó zé azinzɔnɔ lɔ jɛ té gbɔn aza ɔ ta kpo zan untɔn kpo ɖo atɛntɛn mɛ na kpikplelɔ ɖo Jezu nukɔn. ²⁰ Xé é mɔ nuɖiɖi yétɔn ɖé ɔ, é dɔ: «Xɔntɔn cé, yé sɔ ahwɛ twé lɛ kɛ wé.» Falizinu lɛ kpo sɛnkplɔn amɛ tɔ lɛ kpo jɛ nu hlúnɖɔ ji ɖɔ «mɛnu wɛ ényi, amɛ xé, xé do xo nylanylan ɖɔ dé? ²¹ Mɛnu wɛ na sɔ ahwɛ sɔ kɛ na amɛ nɛ ma nyi Mawu á. ²² Amɔ, xé Jezu ka nyɔ nu xe do ayiha yétɔn lɛ mɛ ɖé ɔ, é kanbyɔ yé ɖɔ: «Nɔ wutu wɛ mi ɖo xo nɛ lɛ lin ɖo ayiha mitɔn mɛ ɔ? ²³ Nɔ ha wɛ faa wu ɖɔ, yé ɖɔ: «yé sɔ ahwɛ towé lɛ kɛ wé» kpo yé ɖɔ: "cité, bo zin zɔnlin?" ²⁴ É nyɔ, nɛ na nyɔwɛn ɖɔ, ovi é ɖo acɛ ɖo ayigba ji bo na sɔ ahwɛ ké ame. Un do ɖɔ na wé: "cité bo, sɔ zan twé bo yi xwé gbé ".» ²⁵ Haɖokpo ɔ, amɛ lɔ cité ɖo nukún yétɔn mɛ, bo sɔ zan untɔn bo yi xwé untɔn gbe ɖo Mawu kpikpa mɛ. ²⁶ É hù nù yé mɛ bi, bɔ yé kpa Mawu, bo gɔ kpo bù ɖiɖi kpo, yé ɖɔ na yé ɖé ké lɛ ɖɔ: «mi mɔ nu jawu yégbé.» ²⁷ Nɛ ɔ gùdo ɔ, étɔn bo mɔ takwɛ jɔ tɔ ɖé bɔ yé nɔ ylɔ wɛ̀ ɖɔ lévi, bɔ éflɛn ayi ɖo takwɛ sin kplɔn tavo tó. É ɖɔ nɛ ɖɔ « xǒ dǒ un.» ²⁸ Lévi lɔ jó nubi dǒ, bo cité lo bo xǒ dǒwé. ²⁹ Lévi wa ylɔ agɔ ɖaxǒ ɖé na Jezu ɖo xwé untɔn gbé. Takwɛ jɔtɔ susu wa agɔ lɔ tɛnmɛga, kpo ali gbɔntɔ ɖévo lɛ kpo, yéwu bi ɖo kplɔn tavo to bo ɖo nù ɖù xɛ̀ Jezu. ³⁰ Falizinu lɛ kpo ṣɛn kplɔn amɛ tɔ lɛ kpo jɛ xo ɖɔ ji, bo ɖɔ na nukplɔnvi untɔn lɛ ɖɔ: «nɔ wɛ zɔn bɔ mi ɖo nù ɖù bo ɖo ahan nù xɛ takwɛ jɔtɔ lɛ kpo ahwɛ hùtɔ́ lɛ kpo ɔ́?» ³¹ Jezu ɖéwu na yé ɖɔ: « é ma nyi amɛ xé ɖo ganji, azɔn majɛ kɛ ɖo hùdǒ tɔn à, vɔɔ azinzɔnɔ lɛ wɛ. ³² Un ma wa bo na ylɔ amɛ jlɔjlɔ lɛ gɛ, vɔ lɔ ahwɛ hù tɔ lɛ wɛ un wa nà, bɔ yé na lɛvɔjɔ.» ³³ Yé ɖɔ nɛ ɖɔ: «Jaan sin nukplɔnvi nɔ blanu bo nɔ ɖo adɛ xo bléblé, mɔ ké falizinu lɛ sin nukplɔnvi le nɔ blǒ, vɔɔ twé lɛ nɔ ɖo nù ɖù, bo nɔ do ahan nu ɔ.» ³⁴ Jezu ɖɔ na yé ɖɔ, «mi hɛn ɔ, mi na kpéwu sɔ asisunɔ sin xɔntɔn lɛ ɖo nùbibla mɛ xé na asisunɔ lɔ kpo do yé dé ɖé ɛ́? ³⁵ Ayihihɔn lɛ j'ya bɔ yé na ɖé Jezu lɔ sin yé dé, bɔ azan nɛ lɛ gbé ɔ, yé na blanù.» ³⁶ É lɛ dǒ ló ɖkpo na yé: «amɛ ɖé mɔ nɔ vún avɔ yɔyɔ, bo nɔ sɔ (ca na) avɔ xǒxǒ gɛɛ̀. Nɛ é blo mɔ ɔ, é na vún avɔ yɔyɔ lɔ, vɔ ɔ, avɔ xé é sɔ zɔn yɔyɔ lɔ wu ɔ, é ka na wa sɔgbé xɛ xǒxǒ lɔ̀ a. ³⁷ Mɔnké, amɛ ɖé mɔ nɔ sɔ vɛ́ɛn yɔyɔ kɔn do zɛn xóxó mɛ à é ma nyi mɔ a, vɛ́ɛ yɔyɔ lɔ na gba zɛn lɔ, bɔ yé bi na laà mɛ. ³⁸ Wɛzɔn bɔ, yé nɔ sɔ vɛɛn yɔyɔ lɔ sɔ kɔn dó dagba yɔyɔ mɛ. ³⁹ Bɔ amɛ xé nù vɛ́ɛn xóxó ɔ, kɔn nɔ́ jlo na lɛ nú vɛɛn yɔyɔ lɔ à, ɖo é nɔ ɖɔ: "xǒxǒlɔ nyɔ sɔ wù".