¹ Ɖo Tibele Seza ganduɖu sin xwe afɔtɔn gɔɔ mɛ ɖo hwenu xe Pɔnsu Pilatu ɖo acɛkpa ɖo Juɖee ɖe lɔ Elodu ɖu tokplevihɔn kandaxo gan ɖo Galile nɔviɔlɔ Filipu ɖu tokpɔnlavi hɔn kandaxo gan ɖo Galile nɔviɔlɔ Filipu ɖu tokpɔnlavi hɔnlavi hɔnkaɖaxo gan ɖo Tule kpo Takonidi kpo Lizania wɔ du tokplevi hɔnkanɖaxo gan ɖo Abilenu. ² Ɖo vosana Mawu tɔ ɖaxo ana kpo kayifu kpo hwenu lɔ xo Mawu tɔn wa na Jaan vi sunnu Zakali tɔn ɖo Zogbe lɔ ji. ³ Eɖo ali zɔn yi to xe lɛdo juden tɔ lɔ lɛ ɖe mɛ bo ɖo asindota lɛvɔjɔ tɔn kpo hwɛsɔkɛ tɔn kpo xo ɖɔ. ⁴ Ɖi alexe enyi wlanwlan xwe ɖo wema ezayi tɔn mɛ ɖe lɔ « Amexe ɖo axwado ɖo zogbe ɖe» Mijla axwetɔ sin ali ɖo mijɔ ali untɔn ji! ⁵ Gbà lɛ bǐ na nyi susu bɔ kpó lɛ kpo so lɛ bi kpo na ɖiɖi wa dò, ali gɛɖɛgedɛ lɛ naxyi jlɔjlɔ, ali xe ɖo kpo ɖe dò ɖe lɛ ɖe nanyi jijɔ. ⁶ Bɔ agbaza lɛ bi na mɔ hwlɛngan Mawu tɔn» ⁷ Din ɔ Jaan ɖo ɖɔna agbɛtɔ ahwan xe tɔn bo wa asin dota gbe gbɔn alɔ unton mɛ lɛ ɖe bo ɖɔ « Mi jakpata sin kunkan xe lɛ amɛnɔkɛ ɖo na mi ɖɔ mi nɛ hɔn na xomɛsin xe jia ɖe.? ⁸ Mi sɛn kun xe sɔgbe na lɛvɔjɔ ɖe na nɔkpɔn mi a yi ɖɔ ɖo mii ɖeke lɛ mɛ ɖɔ "miitɔ wɛnyi ablaxamu bo" Ɖo un ɖo ɖ ɔna mi ɖɔ Mawu kpawu bo na sɔ akpɛn xe lɛ sɔ huzu vǐ nyi na Ablaxamu. ⁹ Eya asyɔ lɔ ko ɖo gbesisɔ bo na kun aɖɔ na atin lɛ Din ɔ atin ɖekpekpe xe ma nǎsɛn kun ɖagbwe à ɖe ɔ ena sɛɛn sɔ nyigbe ɖo myɔ mɛ» ¹⁰ Nɛ gido agbetɔ ahwan lɛ kanbyɔ Jaan ɖɔ «nɔkɛ mǐɖo nawa»? ¹¹ Eɖo ɖewu na yee ɖɔ «Amɛxe ɖo nudo ɖ'awutu awe ɖe ɖo na na ɖokpo amɛ xe maɖo ǎ ɖe. Mɔ ke wɛ e na nyi na amɛxe ɖo nuɖuɖu ɖe» ¹² Takwe jɔtɔ lɛ can wa asin dota gbe d'ee de bo ɖo ɖɔ na ɛ ɖɔ «Sɛnkplɔntɔ nɔkɛ miɖo nawa?» ¹³ E ɖewu na yee ɖɔ «nɔkpɔn mi ayi akwɛ hu xe edɔ mi nɛyi ɖe bò» ¹⁴ Tocɔtɔ ɖee can ɖo kabyɔ ɛ ɖɔ «bɔ mǐ lɛ ɖe nɔkɛ m̌ ɖo nawa»? Eɖo na yee ɖɔ «nɔkpɔn mi ahen hɛnnɛsyɛn xɛ amɛde alo mi atafu amɛɖe bo. Sunzan fifo kwɛ mitɔn nɛjɛwun na mi» ¹⁵ Hwenu togun lɔ ɖo nukun ɖo ali bo ɖo tenɔ kpɔn klisi lɔ sin wiwa ɖe lɔ ɖokpo ɖokpo yetɔn ɖo kanbyɔ ɖo ayi untɔn mɛ ɖɔ alo Jaan wɛ na nyi klisi lɔ jà. ¹⁶ Jaan ɖ'ewu na yee mɛbi bo ɖɔ «nyɛ sɔ asin sɔ ɖò asindota na mi amɔ amɛɖe jia esyɛn awu hu un un ka sɔgbe kaka bo na kpawu ɖekan na afɔkpa untɔn ǎ wɔ nado asin ta na ni kpo yɛsinsɛn kpo myɔ kpo. ¹⁷ Ehɛn ayaxonu untɔn ɖo alɔmɛ bo na ɖe gbo sin likun untɔn mɛ gaanji co bo na doée agɔmɛ bɔ xe nyi gbo lɛ ɖe lɔ e na fyɔ yee ɖo myɔ macimaci lɔ mɛ. ¹⁸ Mɔ janwɛ Jaan lɛvɔ ɖo awen ɖagbwe lɔ do gbɔn nukplɔn amɛ ɖevo ɖevolɛ kpo mɛ na togunlɛ. ¹⁹ Xe Jaan ɖo xigbɛ na Elodu tokplantɔ xe yi nɔnyɔsida ɖe ɖo nu nylan nyla ɖevo ɖevo xe ewalɛ ɖe wutu ɖe lɔ. ²⁰ Ewle Jaan do gankpamɛ sɔkpe odanu xe e ko wa d'anyi sanlɛ ɖe. ²¹ Xe togun lɔ ɖo asin do ta ɖe ɔ Jezu can do asin ta. Bɔ xe e ɖo aɖɛxo ɖe ɔ mawumɛ hun. ²² Bɔ yɛsinsɛn mimɛ jɛte wa'ɛji ɖi ahwannɛ ɖɔwun bɔ gbe ɖe ɖi sin mawumɛ aga « hwiwɛ nyi vi ce xe un yiwan na ɖe bɔ xomɛ nɔ hun un do awuwe» ²³ Ɖo hwenu xe Jezu bɛ azɔn untɔn ɖe ɔ eɖo xwe gban haa ɖò wɛ enyi. Amɛlɛ nɔ mɔ ɛ ɛɔ Jozɛfu sin vi Eli sin vi. ²⁴ Mata sin sin vi, Levi sin vi, Mɛluki sin vǐ, Yanayi sin vi ²⁵ Vǐ sunnu Matatyasi tɔn, Amosu tɔn, Nawumu tɔn, xɛsili tɔn Nagayi tɔn. ²⁶ Maati tɔn, Matatyasi tɔn, Semeɛn tɔn, Yazɛki tɔn, Yoda tɔn. ²⁷ Yowana vi tɔn, hlesa vi, Zolobabɛlu vi, salatyeli vi, Nɛli vi. ²⁸ Mɛliki vi, Adi vi, kosamu vi, Elimadamu vi, ɛɛlu vi, ²⁹ Jezu vi, Eliezɛɛ vi, Yolimu vi, Matati vi, levi vi, ³⁰ Simenyɔ vi sunnu, Juda visunnu, Jozɛfu vi, Jonamu vi, Eliakimu vi, ³¹ Mɛlea visunnu, Mena visunnu, Matata tɔn, Natamu tɔn Davidi tɔn, ³² Jɛse vi, Yobɛdi vi, Bowazi vi, Sala vi, Naasɔn vi, ³³ Aminadabu visunnu, Adimɛ visunnu, Aani visunnu, Ezlɔn visunnu, Pɛlɛzi visunnu, Juda visunnu ³⁴ Jakɔbu visunnu Izaki visunnu, Ablaxamu visunnu Telaxi visunnu, Naxɔ visunnu, ³⁵ Selugu visunnu, hlewu visunnu, Pɛlɛgi visunnu Ebɛɛ visunnu Cela visunnu. ³⁶ Kayinanu visunnu Afaxaɖi visunnu Semu visunnu nɔwe visunnu lamɛki visunnu. ³⁷ Matusalemu visunnu, Enɔku visunnu, Jalɛti visunnu, Maxalelɛli visunnu kayinanu visunnu, ³⁸ Enɔsu visunnu, Seti visunnu, Adamu visunnu Mawu sin vi sunnu.