¹ Diɔ takwɛ jɔ tɔ lɛ kpo nubaɖa watɔ vo lɛ kpo ye wa Jezu dé bo na ɖo twé. ² Ma yi sé hɔ lɛ kpo osɛn wema wlɛn tɔ lɛ kpo ɖo nurun ɖo yé wu bo ɖo ɖɔ: «Sun nu xéɔ ɖo yi nu baɖa watɔ lɛ, bo ɖo ɖu nu xɛ yé ga.» ³ Jezu no tin nu xɛ jijɔ xé mɛ na yé bo ɖo ɖɔ: ⁴ «Mɛ ɖo mí mɛ bɔ é ɖo alɛngbɔ kan wé ko bo bu ɖo kpo ɖo yé mɛ, bɔ ka jo kan wé ko é hwé ɖokpo lɔ do ɖo nukan lɔ mɛ, bo na wa yi din xé bu dé ka ka bo na mɔ ɛn a? ⁵ Hwénu xé na é na mɔ ɛn dé, é na zé sɔ ɖo abɔ untɔn lɛ ta bo na ɖo ji jwɛ mɛ. ⁶ Hwénu xé na é na yi xwégbé ɖé, é na kplé xɔntɔn un tɔn lɛ kpo amɛ xé lɛ dwé lɛ kpo bo na ɖɔ na yé ɖɔ: "Mi nɔ ji jwɛ mɛ kpo nyɛ kpo, ɖo un mɔ alɛngbɔ cé xé bu ɖé". ⁷ Kéɔ, nu baɖa watɔ xé lɛ vɔ jɔ nɛ kan wé ko é hwé ɖokpo xé ma do na lɛ vɔ jɔ a ɖé. ⁸ Fié, nyɔn nu tɛ, bo ɖo akwɛ gan yé mɛ wo, nɛ é bu akwɛ gan dokpo ɔ, kaata kan lin gbɛn, kaaza anyigba, kaadin akwɛ gan lɔ ka ka bo na lɛ vɔ mɔ ɛn a yé? ⁹ Bɔ nɛ emɔ ɛn ɖé, é nakplé xɔntɔ nɔlɛ kpo amɛ xé lɛ dwé lɛ kpo, bo na ɖɔ na yé: "Minɔ jijwɛ mɛ xɛ un, ɖo un mɔ akwɛ gan cé xé bu ɖé." ¹⁰ Ké ɔ, un ɖo ɖɔ na mi, "jijwɛ do angɛl Mawu tɔn lɛ mɛ nɛ nu baɖa watɔ ɖokpo lɛ vɔ jɔ.» ¹¹ Vɔ Jezu ɖɔ: «Sun nu ɖokpo ɖo ovi sun nuvi awé, ¹² bɔ amɛ xé nyi ɖékajɛ ɖo yé mɛ ɖé ɖ na otɔ lɔ "Atɔ yé, din ɔ na un gu ɖu ɖu cé xé nyi cé kpaxwé ɖé." Diɔ é ma adoku nutɔn lɛ na yé. ¹³ Ɖo azan kpɛ ɖé mɛ, amexé nyi ɖékajɛ ɖé kplé nu xé hu zu un tɔn lɛ ɖé bo yi oto ɖindɛn ɖé mɛ, bɔ ɖo ɖɔn ɔ, é hɛn akwɛ un tɔn gblé, é xɔ nu xé ma nyi hu do un tɔn ɖé a, éhɛn akwɛ un tɔn gblé ɖo agbɛ bada zin zan mɛ. ¹⁴ Hwé xé nu ézan akwɛ lɛ bi dé ɔ, xovɛ gan dé wa to lɛ bi mɛ, bɔ é jɛ hudo nu su su tɔn ɖo ji. ¹⁵ E wa yi biɔ azɔ mɛ ɖo amɛ ɖé ɖé ɖo to kpɔn la lɔ mɛ, xé sɔ ɛ ɖo hlan gbé un tɔn mɛ nɛ é na na un ɖu ɖu hanvi lɛ. ¹⁶ E nɔ jlo na ɖu un ɖu xé hanvi lɛ nɔ ɖu dé ɖo amɛ dé kpé kpé ka nɔ nɛ un ɖu ɖu ɖé a. ¹⁷ Vɔlɔ hwénu xé na ɖékajɛ vi lɔ lɛ kɔ wa wu lɔsu ɖé ɔ, é ɖɔ: "Amɛ nɛ mu wɛ ɖo kanti xotɔ atɔ yé tɔn lɛ mɛ bo ɖo un du du su su, bɔ nyɛn un ɖo fi, bo na ku xovɛ ku ! ¹⁸ Un na yi di zan ɖé un na yi atɔ yé dé, bɔ un na ɖɔ nɛ: «Atɔ yé, un jagɔ do Mawu mɛ bo jagɔ do wé. ¹⁹ Un ka sɔjɛ xɛ bo na nyi ovi sun nu na wéa; blo un ɖo ɖokpo azɔn watɔ twé lɛ mɛ.» ²⁰ Ké ɔ ɖékajɛ élɛ si ɖɔn bo watɔ lɔ dé.Hwénu xé na é kpoɖo di dɛn xwé ɖé ɔ, otɔ lɔ mɔ ɛn bɔ oji gan gan ɖé jwɛ bɔ éhɔn wezu bo yi jɛ kɔji nɛ bo kplasi kɔ nɛ. ²¹ Ovi sun nu lɔ ɖo ɖɔ nɛ: "atɔ yé, un wa nu ba ɖa ɖo Mawu ɖo un mɛ twé. Un ka jɛ xɛ bo na nyi ovi sun nu na wé a." ²² Otɔ lɔ ɖɔ na azɔn wavi untɔn lɛ ɖɔ: "mi hɛn awu ado dwé hɛn wa ha un kaba kaba bo do é nɛ bo do alɔ gan do alɔ nɛ, bo do afɔkpa ɖo afɔ lɛ nɛ. ²³ Mi hɛn gbɔ xé ɖo ami bo hwi. Mi du nu nɛn ma blo owé. ²⁴ Ɖo ovi sun nu cé ku, bɔ dinɔ é ɖo agbɛ. E bu san bɔ dinɔ yé mɔ ɛn." Bɔ jɛ sin sɛn ji. ²⁵ Ɖo hwé nɛ nu, fofo ɔ ɖo gbé mɛ.Di xé é ja ɖé ɔ gogo xwé ɔ gbé ɖé ɔ, é sé ohan kpo wé ɖu ɖu kpo. ²⁶ E yɔ ɖokpo ɖo azɔn vavi lɛ mɛ bo do kan biɔ hu xé é na kpé wu nyi ɖé ²⁷ Azɔn vavi lɔ ɖo ɖɔ nɛ ɖɔ: "anɔ wé vi wɛ lɛ kɔ wa xwégbé bɔ atɔ wé hu ogbɔ xé ɖami ɖé do étɔn ²⁸ Ovi sun nu hwɛn hwɛn lɔ éjɛ xo mɛ sin ji, bɔ ka sɔ jlo na biɔ o xwé lɔ gbé a, vɔlɔ o tɔlɔ tɔn bo ɖo kuku ɖé nɛ. ²⁹ Vɔlɔ ovi sun nu hwɛ tɛ tɛ tɔn ɖéwu bo ɖɔ na otɔ lɔ: "wu ɖié, é wo blo oxwé su su ɖié bɔ un do kpé do awu wé, bɔ un ka jɛ osɛn twé lɛ ɖé mɛ a, hɛ co a ka na un o gb gbé ɖé a nɛ ma sɔ ɖu oxwé xɛ xɔntɔn yé lɛ a, ³⁰ Vɔlɔ xé ovi wé sun nu vi lɔ wa ɖé ɔ, wɔ́ a mɛ xé hɛn ɖagbé twé gblé kpo agali lɛ kpo, a hu alɛngbɔ xé ɖo ami ɖe nɛ." ³¹ Otɔ lɔ ɖɔ nɛ ɖɔ: "Ovi sun nu, hwiɔ a lé kpo nyɛ kpo hwé lɛ bi nu bɔnu xé nyi cé lɛ ɖé nyi twé. ³² Vɔlɔ é nyɔ na mi ɖɔ ma ɖu xwé bo na ɖo ji jwɛ mɛ, ɖo anɔ wévi xé ɔ é wo ku bɔ dinɔ é ɖo agbɛ; é wo bu san, dinɔ yé mɔ ɛn."»