¹ Jézu do yi oso olivielɛ tɔn ji. ² Do zanvlu nu futu elɛ yi cɔ ci xɔ mɛ ke bɔ to gun lɔ bii wɛ de bɔ eflan anyi bo nɔ do nukplɔn yé. ³ Bɔ osɛn kplɔn amɛ tɔ lɛ kpo farizinu lɛ ye kplan nyɔ nu de xe wlé do agalilɛ mɛ de wɛ de bɔ sɔɛdo to gun lɔ tɛntɛn. ⁴ Bɔ ye dɔ na jezu bo dɔ cica mi wlé nyɔnu xe do galilɛ m. ⁵ Do sɛn lɔ mɛ ɔ moizi na gbe mi bo dɔ ma ya kpɛn amɛ mɔ un kɔ tɔn na hwiɔ de untɛ aɖo na ɖɔ sin wu. ⁶ Ye dɔ nɛ bo sɔ do tékpɔn dɔ mi na mɔ xo de bo na sɔ dahɛ nɛ vɔɔ jezu fɛ bo sɔ alɔvi un tɔn bo sɔ jɛ nu wlan do anyi gba ji. ⁷ Xe ye yi ji bo do xo kan biɔ sede ɔ jezu cité bo dɔ na ye bo dɔ mi amɛ xe wu ylando mate a de nɛ jɛ un kɔn bo ya kpɛn lɔɛ. ⁸ Elɛ fɛ de vo ke bo jɛ nu wlan do anyi gba ji kpo alɔ alɔvi un tɔn kpo ké. ⁹ Xe ye senunɛ lɛ deɔ ye jɛ kisikisi yi gido ji bɛ sin yɔkpɔvilɛ ji bo sɔ wa amɛ gan xoxo lɛ ji bɔ ye jo jezu kpo nyɔnu lɔ do kpo kɛdɛ do flin. ¹⁰ Ecite bo dɔ nɛ dɔ nyɔnnu flé amɛ xe lɛ do xo sɔ do awu wé lɛ de té. ¹¹ Nyɔ ɔ nu lɔ dɔ amɛ dekalé axwétɔ jezu dɔ nɛ dɔ nyɛ can un ka do ahɛ nada nawé a yi do wutu fifa mɛ nɛ nɔkpɔn alɛ blo ylando babo. ¹² Jezu lɛ dɔxo devo dɔ na togun lɔ ke bo dɔ nyɛ wɛ nyi anyihihɔn lɔ sin kanligbɛn bɔ amɛ xe na xodo un lɛ de ka na zizɔnli do zinvulu mɛ a vɔɔ ye na do kanligbɛn agbɛ tɔn lɔ. ¹³ Farizinu lɛ ye dɔ nɛ bo dɔ a do kun nu de sin hwi deke wuwɛ ɛ bɔ kun nu dide towé ka nyi nugbo a ¹⁴ Jezu yi gbe na ye bo dɔ nɛ un do kun nu de sin aɖekeye wuɔ nyɛ nyɔ wɛnyi dɔ kun nu dide ce nyi nugbo do un nyɔ afixe un sin de nyi bo nyɔ afi un do yi de nyi vɔɔ mi lɛ mi kanyɔ afi un sin de nyi a kpo afi un do yi de nyi a. ¹⁵ Mi nɔ dahɛ do agbaza mɛ vɔɔ nyɛ un ka nɔ dahɛ na amɛ dekpékpé a. ¹⁶ Nɛ nyɛ un dahɛ can ahɛ dida ce nyi nugbo do nyɛ dokpo kɛ tia do un tikpo atɔ ye xe zɔn un doran dekpo. ¹⁷ Do sɛn mi tɔn mɛ ɔ ye wlan dɔ do kun nu detɔ ɖokpo alo awé nu be enyi nugbo. ¹⁸ Nyɛ wɛ do kun nu de do deke ye wu bɔ atɔ ye xe zɔn un do hlan de can do kun nu de sin awu ye. ¹⁹ Ye dɔ nɛ dɔ flé kɛ atɔ wé lɔ té jézu yi gbe na ye bo dɔ mi ka nyɔ un nyi a mɔ nyɔatɔ ye can nyi a nɛ mi ko nyɔ un nyi wɛɔ mi nawo nyɔ atɔ ye can nyi . ²⁰ Edɔ xo xe lɛ do nu jla do tɛn mɛ do ga xe mɛ edo nukplɔn amɛ do mawu sin xegbe de ɔ bɔ amɛ de kpé kpé ka kpewu bo wlé a do gan tɔn kawo xo a. ²¹ Elɛ dɔ na ye ke bo dɔ nyɛ do yi bɔ mi na di un bo na ku ci ylando mi tɔn lɛ mɛ mi ka kpewu bo na wa afi xe nyɛ un do yi de a. ²² Junnu lɛ dɔ amɛ xe dɔ un dez mi ka kpewu bo na wa afixe wé do yi dea na yi hu adekelɔ wɛ eka tee. ²³ Jezu yi gbe na ye bo dɔ mi lɛ anyi gba ji mi té nyɛ aga un té mi lɛ anyi hihɔn xe tɔn wɛ mi nyi nyɛ un ka nyi anyihihɔn xe tɔn a. ²⁴ Nɛ wutu nyɛ un do dɔ na mi dɔ mi na ku ci ylando mi tɔn mɛ nɛ mi ma yi ye se bo dɔ nyɛ wɛ a mi na ku ci ylan mi tɔn lɛ mɛ. ²⁵ Amɛ nɔ kɛ anyi un wɛ ye kan biɔ jezu yi gbe na ye bo dɔ nu xe un dɔ na mi do bibɛ hwé de wɛ. ²⁶ Xo susu doasiye bɔ un na dɔ bo na sɔ dahɛ nyi na mi sɔɔ kudo nu xe kan mi lɛ de vɔɔ amɛ ɛ xe zɔn un deɔ nu gbo nɔ wɛ enyi bɔ nyɛ un do dɔ na anyihihɔn lɔ nu xe un se de de lɛ de. ²⁷ Ye ka se glɔ dɔ tɔ lɔ xo wɛ edo dɔ a. ²⁸ Jezu dɔ hwe nu xe ye na zé agbɛtɔ vi lɔ yi ji de ɔ hwé nu mi ny wɛnyi dɔ un kɔn nɔ wa un de do nyɛ de ke siu nu a nɛ ma nyi atɔ ye wɛ kplɔn un a nyɛ do nu xe lɛ dɔ . ²⁹ Amɛ xe zɔn un do hlan de le xɛ un bɔ ka jo nyɛ do kpo doa do hwé lɛ ɛ bii nu ɔn un nɔwa nu xe lɛ jɛ nu de. ³⁰ Hwé xe nu jezu do un nɛ lɛ dɔ de ɔ amɛ susu yi jise. ³¹ Jezu dɔ na jwifunu xe lɛ yi jise de dɔ nɛ nyi mi nɔ xo ce lɛ mɛ ɔ hwé nɛ nu wɛ mi na nyi nukplɔnvi ce lɛ nugbo . ³² Mi ko nyɔ nugbo lɔɔ nyi bɔ nugbo lɔ na na bɔ mi na vo. ³³ Ye yi gbe nɛ bo dɔ mi lɛ ji ji mɛ Abrahan tɔn wɛ mi nyi bɔ mi ka na nyi kan nu mɔ na amɛ de gbe de a nɔ wutu kɛ a naɖɔ mɔ na dɔ mi na di nu bɔ mi ka mɔ un a. ³⁴ Jezu yi gbe na ye bo dɔ do nugbo nugbo mɛ ɔ nyɛ un do dɔ ɔ na mi dɔ amɛ dekpékpé xe nɔ ɔ wa ylando de ɔ kan un mɔ ylando tɔn wɛɛ enyi. ³⁵ Kan nu mɔ ka nɔ nɔ xwégbe tɛgbɛɛ. ³⁶ Nɛ wutu nɛ vilɔ blo mi jlokoko lɔ be mi na nyi jlokoko sin amɛ lɛ. ³⁷ Nyɛɛ un ny wɛnyi dɔ Abraham sin ji ji mɛ vi lɛ wɛ mi nyi hɛ co bo na hu un do xo ce lɛ ka mɔ tɛn mɛ do mi mɛ a. ³⁸ Nyɛ un do dɔ nu xe lɛ un mɔ sin atɔ ye de de dɔ na mi bɔ mi can mi do nu xe mi se sin mi tɔ ɔ lɛ de de blo. ³⁹ Ye yi ɖewu nɛ bo ɖɔ ɔ mi tɔ wɛ nyi Abraham jezu yi gbe na ye bo dɔ nɛ nyi dɔ un de Abraham sin vi lɛ mi nyi nugbo be mi na blo Abraham sin azɔn lɛ. ⁴⁰ Sɔ yi ji ɔ mi di bo na hu un nyɛ sunnu xe dɔ xo nugbo xe un se sin Mawu de de na mi Abraham kɔn nɔ blo mɔ a. ⁴¹ Mi do azɔn mi tɔ tɔn blo ye dɔ nɛ bo dɔ mi lɛ mi ka yi aga vi a otɔ dokpo wɛ mi do un wɛ nyi Mawu. ⁴² Jezu ɖɔ na yé na bo ɖɔ nɛ Mawu nyi otɔ mi ɔ be mi na nyi wan na un do un tɔn sin mɛ bo sin Mawu de do un ka wa do adeke ye sia vɔ un wɛ zɔn un. ⁴³ Nɛ wutu wɛ mi ka nyɔ xo ce lɛ nyi doa un wɛ zɔn mi kla kpewu bo na se a. ⁴⁴ Lɛgba wɛ nyi otɔ na mi bɔ mi di na blo nu ji jlo un tɔn lɛ un dokpo nyi amɛ hutɔ sin bibɛ hwé nu kɔn nɔ nɔté do xo ungbo mɛ a do xo nugbo ka de mɛ a nɛ edo alɛdo do ɔ enɔn dɔ xo sin adekelɔ wu do enyi alɛ lo nɔ bo lɛ nyi otɔ na alɛlo. ⁴⁵ Nyɛ un do xo nugbo lɔ dɔ na mi bɔ mi ka dinu na un a. ⁴⁶ Mɛɛ do mi nɛ bo na ɖu ji ye kpo ylando kpo nɛ nyɛ un dɔ nugbo nɔ wutu mi ka nɔ di nu na a. ⁴⁷ Amɛ dekpekpe sin Mawu mɛ de ɔ enɔ doto Mawu sin xo lɔ vɔɔ mi lɛ mi kɔn nɔ doto a do mi ka sin Mawu mɛ a un tu . ⁴⁸ Jwifunu lɛ yi ɖewu nɛ bo dɔ ahɛ ka jɔ na mi bɔ mi do samarinu lɛ wɛ anyi bɔ gbigbɔ ylankan do hiɔ mɛ a. ⁴⁹ Jézu dewu na ye ye bo dɔ gbigbɔ ylankan ka do wé mɛ a vɔɔ nyɛ un do bubu na atɔ ye wɛ bɔ mi lɛ mi do xo gbegblé lɛ dɔ sin a wu tu ye. ⁵⁰ Nyɛ un ka do nyɛ lɔ su sin kpikpa dia vɔɔ amɛ amɛ de le bo do dii bo do hɛda. ⁵¹ Nugbo nugbo nyɛ un do dɔ na ni nɛ amɛ de hɛn xo ce wu ɔ ka na ku kpɔna . ⁵² Jwifunu lɛ dewu nɛ do diɔn mi nyɔ wɛnyi dɔ gbigbɔ ma wé wɛ anyi Abraham kpo dɔ danyi dɔtɔ lɛ ye ku bɔ hwiɔ ado dɔ nɛ amɛ de hɛn xo ce lɛ ka na dɔ ku kpɔn a. ⁵³ A ka huɛn wugan mi tɔn Abraham xe ku de a mɔ kɛ ye dɔ danyi dɔ tɔ lɛ can ku na hwiɔ amɛ nɔ nɛ wɛ anyi. ⁵⁴ Jezu dewu bo dɔ nɛ nyɛ un do kpikpa sɔ na ade keye ɔ kpikpa ce ka nyi nugbo vɔɔ atɔ ye xe mi yɔ dɔ Mawu de un wɛ do kpikpa sɔ na un. ⁵⁵ Mi lɛ mi ka nyɔwɛnyi vɔɔ nyɛ un nyɔ wɛnyi nɛ nyɛ un dɔ nyɛ ka nyɔ wɛnyi ɔ un be nyɛ un huzu alɛ lo nɔ di mi lɛ dɔ un vɔɔ nyɛ un nyɔwɛnyi bo nɔ hɛn xo un tɔn lɛ wu. ⁵⁶ Mi tɔɔ Abraham jaya do azan ce wu do emɔ ɔn bɔ xomɛ un tɔn hun. ⁵⁷ Jwifunu lɛ yi gbe nɛ ɛ b dɔ a ka ko ɖo xwé wodo atɔn a bo na mɔ Abraham. ⁵⁸ Jezu ɖe wu na ye bo dɔ nugbo nugbo nyɛ un do dɔ na mi hɛ co ye na ji Abraham ɔn ɔ nyɛ un ko ti. ⁵⁹ Ye fɔ kpɛn bo na xowé vɔɔ jezu hla ade kelɔ bo tɔn sin cɔ cixo lɔ mɛ.