¹ Nugbo nugbo un ɖo ɖɔ na mi amɛ xe ma gbɔn hɔnlinu bo biɔ gbɔkpo lɔ mɛ a vɔ bo gbɔn ali ɖevo ɖe ɔ amɛ ɔ ajotɔ jaguda wɛ enyi. ² Vɔ amɛxe gbɔn hɔnlinu ɖe wɛ nyi alɛngbɔnyitɔ . ³ Amexe nɔ cɔ xue ɖe nɔ hun agbo alɛngbɔvilɛ nɔ se gbe untɔn bɔ e nɔ yɔ nyikɔ yetɔn lɛ bo nɔ ɖe yétɔn. ⁴ Nɛ e ɖe xe nyi untɔn lɛ ɖe tɔn vɔ ɔ e nɔ jɛ nukɔn na yé bɔ alɛngbɔvilɛ nɔ xodoé ɖoɔ yé nyɔ gbe untɔn nyi. ⁵ Yé kaa xodo amɛjlo ɖé à vɔ yé na hɔn nɛ do yé ka nyɔn gbe nyi na amɛjlo a. ⁶ Jezu do ló xé na yé co yé ka mɔ nu jɛ nuɖékpekpe wu ɖo xó xé eɖɔ lɛ ɖe mɛ a. ⁷ Jezu lɛ ɖɔ na yé ɖɔ nugbo nugbo un ɖo ɖɔ nà mi nyɛ wɛ nyi hɔnlinu ná alɛngbɔvi lɛ . ⁸ Amɛ xé jɛ̀ unkɔn nà ùn bo wa lɛ ɖe ɔ ajotɔ jajuda wɛ yé nyi vɔɔ alɛngbɔvilɛ ka se gbe yétɔn a. ⁹ Nyɛ wɛ nyi hɔnlinu lɔ. Amɛ ɖé kpekpe xé na gbɔn ji yè bo na biɔɛ mɛ ɖé na gan e na biɔ ɛ mɛ bo na lɛɛ tɔn bɔ e na mɔ amá ɖù tɛn. ¹⁰ Ajótɔ́ ɔ lɔ ajò e nɔ wa jɛ̀ bo nɔ hù amɛ bo nɛ lɛ hɛn nu gblé nyɛ un wa nɛ yé à mɔ agbɛ bó à ɖó agbɛ súsú. ¹¹ Nyɛ wɛ nyi alɛngbɔ nyitɔ ɖagbué alɛngbɔ nyitɔ ɖagbué nɔ sɔ agbɛ untɔn ná ɖó alɛngbɔvi untɔn lɛ támɛ̀. ¹² Lɛ́blɛ́nɔ ká nyi alɛngbɔ nyitɔ̀ á bɔ ká ɖó alɛngbɔvi ɖé á . Nɛ e mɔ órá jiá ɔ ena ɔ jó ɔ ena jó alɛngbɔvi lɛ dó bó ná hɔn . bɔ orá ná bɛ́ yé bó ná kinkan yé. ¹³ E ná hɔn ɖó lɛ́ blɛ́nɔ wɛ ɛ ényi bɔ alɛngbɔvi lɛ́ ká ɖi nuɖé nɛ à. ¹⁴ Nyɛ wɛ̀ nyi alɛngbɔ nyitɔ ɖagbué un nyɔ xé nyi cé lɛ ɖé nyi bɔ yé nyɔ un nyi . ¹⁵ Atɔ̀yé ɖigési un bɔ nyɛ cá un ɖigési bɔ un sɔ̀ agbɛ cé sɔ̀ nà ɖò alɛngbɔvi cé lɛ́ wútú . ¹⁶ Un ɖó alɛngbɔkpó ɖevo é xe má ɖó alɛngbɔkpó xé mɛ́ a ɖé É jɛ́ ɖɔ má kplán yé wá nɛ yé à se gbé cé nɛ alɛngbɔkpo lɔ nà nyi ɖókpo bɔ alɛngbɔnyitɔ ca ná nyi ɖókpo. ¹⁷ Núxé wútú atɔ̀ yé nyiwan nà un ɖé ɖié un sɔ àgbɛ cé ná hɛco bó ná lɛ yi ké. ¹⁸ Amɛ ɖekpekpe ká na yi sin asiyé à vɔ ɔ nyɛ lɔsu wɛ ná sɔ ɛ́ nà un ɖò hɔnhlɔ̀n bo na sɔ ɛ̀ ná bɔ̀ un lɛ́ ɖó hɔnhlɔ́n bó ná lɛ́ yi ké atɔ̀yé wɛ ná un. ¹⁹ Mimá lɛ́ ɖó jɛ́ ɛji ɖo junulɛ́mɛ ɖo xógbé yétɔ́n lɛ́ wútú. ²⁰ Amɛ súsú ɖó yémɛ bò nɔ́ ɖɔ̀ gbigbɔ̀ báɖa ɖé dé si bɔ tagomɛ́ ca ká sɔ gbé nɛ á. untɛ wutu mi nɔ̀ ɖòtoé. ²¹ Amɛ ɖévó lɛ nɔ ɖɔ̀ amɛ̀ xé mɛ gbigbɔ̀ báɖá té ɖe sin xógbé kɛ́ nyi nɛ lɛ́ á gbigbɔ̀ nà kpéwu hun núkún ná unvanɔ à. ²² Ganxixó nɛ mɛ wɛ yé ɖó ɖù cɔci xɔ̀ kpekpe sin xwé ɖo jeruzalɛm . ²³ Akú ɖiɖó ganmɛ wɛ bɔ jezu ɖo azɔ̀nlinzin ɖo afixé yé nɔ yɔ̀ ɖo cɔci xɔ̀ lɔ̀mɛ ɖɔ̀ salomɔ sin nɔ́tɛn ɖé. ²⁴ Unwɛ junulɛ lilɛ́ doé bó ɖɔ̀ nɛ́ ɖɔ káká ná gán tɛ́ mɛ wɛ áná jó mi do ɖó má nyɔɛ nyi mɛ́ nɛ́ hui wɛ nyi klisi lɔ ɖɔɛ́ ná mi ɖo unmɛ́ nà amɛlɛ́ bi. ²⁵ Jezu ɖéwú ná yé bó ɖɔ un ɖɔ ɛ̀ nà mi vɔ mi ká yi ji se á Azɔ̀n xé un wá ɖo átɔ̀yé nyi kɔ̀ mɛ lɛ́ ɖé ɖé kunnù ná un. ²⁶ Co ɖe mi ka yi ji se à ɖo mi kà nyi alɛngbɔvi cé lɛ́ á. ²⁷ Alɛngbɔvi cé lɛ́ nɔ se gbé ce. un ɖigési yé bɔ yé ca yé ɖigési un. ²⁸ Un ná yé ágbɛ́ mávɔ yé ká a kpɔn gbéɖé á bɔ amɛ ɖé ká yi yé sin alɔ̀mɛ́ ná un á. ²⁹ Atɔ̀yé xé sɔ yé ná un ɖé kló húgan amɛ lɛ́ bi bɔ amɛ ɖé ká kpewú ná yi yé sin alɔmɛ ná atɔ̀yé à. ³⁰ Nyɛ kpo átɔ̀yé kpo nyi ɖokpo. ³¹ Din ɔ jùnulɛ́ lɛ́ bɛ́ atɔ̀kin lɛ́ bó ná nyi huán doé. ³² Jezu ɖewù ná yé bo ɖɔ un sɔ̀ azɔ̀n ɖagbué átɔ̀yé tɔn lɛ do xiá mi yé domɛtɔ tɛ́ wutú wɛ mi ɖo huan nyi do un ɖò. ³³ Júnulɛ́ ɖéwú nɛ́ bó ɖɔ̀ mi ká ɖo huan nyi do wé ɖó azɔ̀n ɖagbué ɖé wutú à vɔɔ ɖó xó gbigblé xé à ɖó ɖɔ̀ lɛ́ ɖé wutú ɖó hui ɔ̀ agbɛtɔ̀ á nɔ̀ sɔ̀ aɖekéwé ɖi Mawu. ³⁴ Jezu ɖéwú ná yé bo ɖɔ yé ká wlán ɖó osɛn mitɔn lɛ mɛ ɖɔ un ɖɔ mi nyi Mawu à é. ³⁵ Nɛ é yɔ̀ yé ɖɔ Mawu ɖé amɛxé lɛ ɖé wɛ Mawu xó lɔ́ wá bɔ amɛ ɖékpekpe ká kpewu sún sún nú winwlán lɔ à. ³⁶ Untɛ wutú mi na ɖɔ sin amɛ xe Mawu lɛwé bo zɔɛn ɖo rá agbɛ́lɔ̀mɛ ɖéwú a ɖo xó gbigble ɖɔ ɖo un ɖɔ unɖé nyɛ wɛ nyi ovi Mawu tɔn. ³⁷ Nɛ́ un má ɖo àtɔ̀yé sin azɔnlɛ wa a bé nɔ̀ kpɔ̀n mia yi un ji sé bo. ³⁸ Vɔɔ nɛ́ un ɖó yé wá ɔ nɛ̀ mi mà jlo bó na yi un ji sé cá a mi gbɔ̀ɔ ɖo nuɖiɖi ná azɔn lɛ ɖo nɛ́ mɛ ɔ mi ná nyɔɛnyi bó na mɔnú jɛ́ ɛ wɛ ɖɔ átɔ̀yé ɖo nyɛ́ mɛ bɔ nyɛ cá un ɖo atɔyé mɛ. ³⁹ Yé lɛ din na wlé jezu ké vɔɔ alɔ̀ yétɔn ka kpewu wle á. ⁴⁰ Agbaɖòkpò kéɔ jezu lɛ yi judɛn sin agò ɖé ɔ lɔ̀ ji. afixé ján nɔ do asin tá té kábá ɖé bɔ é yi ci Flɛn. ⁴¹ Amɛ súsú wɛ́ɛ de bo ɖɔ nɛ́ ɖɔ jan ká a jlɛ amima nù ɖé kpekpe à vɔ xó xé é ɖɔ̀ ɖò dawé xé wú lɛ ɖé bi wɛ̀ nyi nugbo. ⁴² Bɔ amɛ súsú ɖo nuɖiɖi ɖó jezu ji ɖo atɛ́n lɔ̀ mɛ.