¹ Din ɔ lɔ su can lɔ akɔjijɛ nukɔntɔn lɔ éɖo afɔ ɖiɖé ɖé é lɛ xé kundo sinsɛn wu bo ɖo sinsɛn xo ayigbajitɔn ɖokpo. ² Do lɔ yé sɔ nu ɖa yi na sinsɛɛn xo tu tu ɖokpo ɖé ɖo xɔ nu kɔn tɔn mɛ lɔ kan lingbɛn hɛnnu ɖokpoɖé ɖo flɛn kplɔn kpo kpɔnnɔn xéwɛ yé sɔ xwlé Mawu ɖé kpo yé ɖo xɔ nɛn mɛ xé yé ylɔ nɔ afi mi mɛ ɖé. ³ Bɔ ɖo xɔ mɛ gbovɔ awé gɔ lɔ si gido lɔ xɔ ɖokpo ɖévo ɖo flɛn xé yé ylɔ ɖɔ afi mi mɛ xé wɛ mɛ wu afi bi ɖé. ⁴ Xɔ nɛn ɔ mɛ wɛ gɔ kpo avɔsakpé sika tɔn kpo bɔ yé nɔn hun hun ma ma trɛ (Pafɛn) ɖo flɛn. Do flɛn lɔ ké wɛ akɔjijɛ sin anaka té yé na sika kɛ ɖɛ wɛ cɔn wɛn bi. Do anaka lɔ sin xo mɛ lɔ sikazɛn xé mɛ wɛ mana té ɖé démɛn kpotin Alɔɔn tɔn xé wɛ wu flawama ɖé démɛn kpo kplɔnvi akɔjijɛ tɔn lɛ kpo. ⁵ Akɔjijɛ naka lɔ sin tamɛn lɔ wɛnsagun Mawu tɔn lɛ ɖo flɛn bo sɔ gigo yɛda avɔsanu wi wé tɔn cɔn nɛn nuxé wu mi ma na kpéwu gbajɛmɛ na ɖéjɛ ɖéjɛ vɔ bi a ɖé. ⁶ Do gido mɛ nu nu xé lɛ bliblo vɔ ɖé avɔsasa nu sɔ yi Mawu nu kɔ tɔ lɛ nɔn yi byɔ tɛgbɛ xɔ nukɔn tɔn lɔ mɛ xé nyi sin sɛn xɔ lɔ tɔn ɖé bo nɔn wa yi bla sinsɛnzɔn yé tɔn xé kan yé ɖé. ⁷ Amɔn ɖo xwé ɖokpomɛ lɔ agba ɖokpo jan wɛ bɔ avɔ sa nu sɔ xwlé Mawu tɔ gan lɔ nɔn byɔ xɔ gan awégɔ ɔ lɔ mɛ ka nɔn yi flɛn na ma hɛn ahun avɔsasa tɔn ɖo ta na wulɔsu sin agɔjɛ lɛ kpo ahwɛ ma nyɔ wɛ nnyi co bo hu to gun lɔ tɔn lɛ sin ta mɛ kpo. ⁸ Gbigbɔ mimɛ lɔ nɔ lo ɖédoxlɛ ɖɔ ali afi xé wɛ wé hu afi bi ɖé tɔn ka ko ɖo nuvo mɔn ɖo hwénu xé na sinsɛnxɔ kpoɖo bo tin ɖé à. ⁹ Nu xé wɔ nyi kpɔn déwu sin nu na hwénu xé mɛ mi té ɖo din ɖé din ɖé Avɔsanu xé yé nɔn na lɛ bɔ yénɔn sɔ yésɔ xlé Mawu lɛ dé ka nɔn kpéwu bo huzu agbɛtɔ lɛ blo Mawu sɛn tɔ nyi amɛ blébu té à. ¹⁰ Bɔ gbɔn alé wɛ yé kpo na nuɖuɖu ahanu nu kpo awusisla sin avɔsasa gɛnnyi nu wiwa unmɛ unmɛ lɛ xé lɛ nyi agbazamɛ sin ɖiɖo zɔn wi wa lɛ xé yé wlan ɖa yi ɖé ka ka sɔ wa jɛ ganxémɛ co yé wa sɔ ɖi ɖo yɔ yɔ lɔ sɔ ɖo ayi do ɖé. ¹¹ Klisi wa ɖi avɔsanu sɔ xlé Mawu tɔ gan ɖɔ un na nuyɔyɔ ɖagbé xé wa lɛ ɖé amɛ xé wɛ gbɔn sinsɛnxɔ ɖagbé ɖaxo lɔ mɛ xé wɛ ma nyi agbɛtɔ sin alɔ wɛ tuwi a ɖé bɔ ma lɛ nyi agbɛ xé mɛ wɛ Mawu blo ɖé tɔn à ɖé . ¹² Ka nyi kpo gbɔhun alo ayibu-vi hun kpo wɛ a amɔn kpo wulɔsu sin ahun kpo wɛ bɔ éyi byɔ afimi mɛ ta hun lɔ agba ɖokpo géé na nu bi bo na mi ji ɖiɖé do hwlɛngan mitɔn mavɔ mavɔ. ¹³ Na ényi gbɔ lɛ sin ahun kpo ayibu ɖaxo asu lɛ tɔn kpo ayibu asi tɔn lɛ kpo xé na yé nɔn fiyɔ yé bo nɔn sɔ afifi lɔ sɔ kɔnnyi amɛ xé lɛ wa nyi amɛ makɔn makɔn lɛ wu bo nɔn ɖé yédo vo na Mawu na awusisla na agbaza lan yé tɔn ɖé. ¹⁴ Eɖo mɔnɔ agbanabi wɛ klisi sin ahun amɛ xé gbɔngbigbɔn mavɔ lɔ mɛ ɔ ésɔ wuɖéké lɔsu sɔ na amɛ xé wɛ ma ɖo ɖi xo ɖé na Mawu a ɖé éma na klan ayimɛ mitɔn lɛ sin kuzɔn wiwa lɛ mɛ a gbɔn na mi a sɛn Mawu agbɛ agbɛ lɔ à. ¹⁵ Do ahwɛjɔjɔ xé wutu lɔ ényi ɖɛmɛnu na akɔjijɛ yɔ yɔ lɔ na loɔ xé na oku wa bo hu amɛ xé lɛ san lɔ yé ɖo agɔjijɛ yé tɔn mɛ ɖo akɔjijɛ nukɔn tɔn glɔ ɖé amɛ xé yé ylɔ lɛ ɖé wa yi akpagbé dido sin guɖuɖu mavɔ mavɔ . ¹⁶ Do afi xé wɛ guɖuɖu sin wéma té ɖé lɔ éɖo dandamɛ ɖɔ amɛ xé wlan lɔ ɖé wɛ na ku hwɛ. ¹⁷ Do lɔ ku wɛ xé wlan guɖuɖu wéma ɖɛ ɖé nɔn ku hwɛ co bɔ wéma lɔ nɔn vɛ afi ka nɔn vɛ afi ɖo hwénu xé wɛ amɛ xé wlan wéma lɔ ɖé kpoɖo agbɛ ɖé à. ¹⁸ E ɖo mɔn co akɔ jijɛ nukɔn tɔn lɔ yé ka ɖo wé ayi kpo ahun kpo a . ¹⁹ Do na davidi do sɛn ɖé na togun lɔ ɔ azɔnɖo kpo lɔ énɔn sɔ ayibuvi kpo gbɔsu sin a hun kpo asi kpo avɔ vɛ xɛxɛ kpo izɔpu kpoɔ bo nɔn sɔ mi mi do sɛn wéma lɔ kpo togun lɔ kpo wu. ²⁰ Bɔ énɔn ɖɔ xé wɔ wɛ nyi ahun Mawu sin akɔjijɛ tɔn xé wɛ ézɔn sɔ ɖo ayi na mi ɖé. ²¹ Do mɔn ha pɛlɔ énɔn lɛ mi mi do sinsɛn xɔ lɔ kpo azɔn wanulɛ xé y nɔn zan bo nɔn sɔ wa sinsɛn zɔn nyi lɛ ɖ wu bi sésé. ²² Bɔ ɖi aléɖ xé wɛ sɛn wéma lɔ ɖɔ gbɔn ɖé ɖɔ un wɛ énɔn slawu na nu lɛ bi xé yé ɖo na sɔ ahun sɔ lɛwé ɖéé. Do ahun ma kɔnnyi ayi alɔ sɔkɛ ka tin a. ²³ Eɖo mɔn ɖélɔ éɖo dandanmɛ bɔ nu xé lɛ ɖo ninɔnmɛ sɛxwétomɛ tɔn lɛ ɖé yé ɖo na klan yé hu zu mi mɛ kpo avɔsasa kan lin tɔn lɛ kpo . Eɖo mɔn co nu xé do sɛxwé lɛ can lɔ yé na klan yé mimɛ kpo avɔsasa xé vɛ afi ɖé kpo. ²⁴ Do klisi ka byɔ afi xé wɛ mɛ hu afi bi ɖé xé na agbɛtɔ sin alɔ blo vɔ bo nyi ɖéxlɛ nuɖagbé ɖagbé lɔ tɔn kpo un ɖé. cogan co lɔ é byɔ sɛxwéto lɔ su mɛ bo yi sɔ wu ɖé ké sɔ yi do xlɛ ɖo Mawu sin nukunmɛ ɖo ta na mi bi. ²⁵ Ka yi flɛn wulɔsu bo na nɔn ɖo fun kpé gasia gamɛ ɖi avɔsanunɔntɔ gan lɔ xé wɛ nɔn y atɛn mi mɛ ɖo xwékpé xwékpé bo nɔn hɛn ahun nu vo tɔn ɖé ɖɔ un à . ²⁶ Na mɔn wɛ ényi lɔ hun éna ɖo dandan mɛ nɛn ɖɔ agba susu wɛ bɔ éna sɔ kpéfun na sin agbɛlɔ sin bibɛmɛ. Amɔn din lɔ ésɔgbé pɛ ɖo agba ɖokpo sɔ wa yi hwénu lɛ vivɔnu wɛ ésɔ wa doxlɛ mi ɖo éɖé agɔjijɛ mi tɔn lɛ sɔ yi gbɔn wu lɔ su sin avɔsasamɛ. ²⁷ Etin na amɛ ɖokpo ɖokpo ɖɔ éna ku kuɖokpo lo bɔ ɖo ku untɔn gido lɔ yé na ɖɔahwɛ xɛ. ²⁸ Do mɔn ha ké klisi amɛ xé sɔ wu ɖé ké bo sɔ savɔ bo sɔ agɔjijɛ ɛ agbɛtɔ susu lɛ tɔn sɔ hɛn yi ɖé ga na lɛ lɛ kɔ wa awégɔ ɔ lɔ ka nyi ɖɔ éna lɛ kɔ wa bo na blo ahwɛ huhu mi lɛ ɖo ké kya amɔn é na lɛkɔwa na hwlɛngan na amǝ xé lɛ ɖo té nɔn kpɔ wɛn kpo ayimɛblɛwo kpo ɖé.