¹ Mi na jó xó hwɛ́tɛ́tɛ́ tɔ̀n xe ɖɔ xó sin klisu wu ɖé dó bó ná jɛ̀ nù xe e nɔ kplɔ̀n amɛ xe ko hwɛn ɖo nùɖiɖi mɛ lɛ ɖé kplɔ̀n ji. nu xe ji nùkplɔ̀n amɛ nɛ́ ɔ flɛ́n lɛ́ ɖevo kɛ́ mi sɔʊ ɖanyi a nùkplɔ̀n amɛ nɛ́ lɛ́ wɛ́ nyi ɖɔ̀̀ mɔ ɖé : E ɖo dandan mɛ ɖɔ e nɛ lɛ́ kɔ sin azɔ̀n xe ma nyi nùɖé wá nù a lɛ ɖe gidó bó ná di nù nà Mawu. ² E nɛ́ lɛ́ kɔ̀ sin nùkplɔ̀n amɛ xe kunkpla Mawusin dó tá ná amɛ alɔkpa alɔkpa lɛ́ kpó alɔ ɖó amɛ ji kpó lɛ gidó bó lɛ́ kɔ̀ sin amɛkúkú́ na fɔ̀n sin kú xó kpó ahwɛ ɖɔ xɛ́ amɛ mavɔ mavɔ sin xó jlá jlá kpó gidó. ³ Mi wá ma yi unkɔn nɛ Mawu jlò lɔ nù xe mi ná wá ɖé nɛ́. ⁴ Dó e kó gló amɛ xe mɔ hinhɔn kpɔ̀n bo ko se vivi na nùniná sɛxwe tɔn bó kó nyi nɔtɛn na gbigbɔ mi mɛ́ kpɔ̀n. ⁵ Amɛ xe lɛ́ kó se vivi na xó ɖagbwe Mawu tɔ̀̀n kpò hɔnhlɔ̀n xe ná wa wa ɖo agbɛ xe jya ɖé kpo. ⁶ Dɔ ye ko jɛ anyi E kó gló ɖɔ e na lɛ́ kɔ̀ na yé wa lɛ vɔ jɔ mɛ a. Nɛ wɛ nyi ɖɔ ye lɔ̀sú lɛ́ ká Mawu vi lɔsú ɖó akluzu ji bó dó winnya ɛ ɖo tó blɔmɛ. ⁷ Dó anyigba xe nɔ sɔ́ ji xe ɖo ja kɔn nyi ji tɛgbɛ sin asin nu bó nɔ ná nùɖúɖú amɛ xe wútú è lɛ ɛ ɖe Mawu nɔ dò acɛ ji. ⁸ Vɔ lo ɔ anyi gba lɔ ka nɔ naz awunja kpó gbé kpó lɔ̀ hunto e ka nyi anyigba ɖagbwe a Mawu na dó nui ɖó e ka nyɔ́ ná nùɖɖé a bɔ e na yi vɔ ɖo myɔ mɛ. ⁹ Xɔ̀̀ntɔ́nvivɛ́ cé lɛ́ e ɖo mɔ c mi bó ɖo xó ɖɔ xwe mɔ nyi cáń lɔ mi ɖeji ɖo mi wú tá wun mi nywɛ ɖɔ mi ɖo ali ɖagbwe lɔ ji ali hwlɛngán tɔ̀n lɔ̀ ji wɛ mi te. ¹⁰ Mawu ka nɔ ɖɔ ahwɛ́́ agɔ̀ a e ka wɔ̀n azɔ̀n xe mi wá ɖe a wan yiyi xe mi sɔ dóxlɛ́ gbɔn alɔ xe mi do mi nɔvi klisusɛntɔ̀ lɛ ɖe gblamɛ bó ka lɛ kpó ɖo didó ye ɖe e ka kpe wu na wɔn a. ¹¹ Mi jló ɖɔ amɛ ɖokpó ɖɖokpó ɖo mi mɛ nɛ dó bibi ɖo nù wú nɛ xlɛ kaka sɔyi vivɔ ná nú xe unkun mi ɖó ɖó ɖé na jɛ ɛ ji. ¹² Mi ka jló ɖɔ mi nɛ húzú aɖiɖɔ́nɔ a vɔ loɔ mi na xódó gesi amɛ xe ɖi nù bò ɖó sɔxwixwe bó nɔ mɔ nù xe sin akpá Mawu dó ɖe yi ɖó nɛ́lɛ́ wútú de tɔn ¹³ Do Mawu dó akpá untɔ̀n ná Ablahamu ɖe e tá nu dé ji nɛ xe amɛ ɖe ma tiin bó húgan wɔ Mawu bɔ e na xwlé a ɖe e xwlé aɖekeɔ nɛ. ¹⁴ E ɖɔ un d'akpá na we ɖɔ un na xo aɖɛ ɖó ji we un ná ná vi súsú wé. ¹⁵ Ablaham ɖó sɔxwixwe bó nɔte kpɔ́n Mawu bɔ nu xe sin akpá Mawu dó ɖe e mɔ yi. ¹⁶ Eyi agbɛ́tɔ́ lɛ́ ɖo nu ná tá lɔ̀ amɛ xe húgán yé de wɛ ye nɔ tà bɔ nu xe ye tá ɖe nɔ nyi ganjɛ́wú bó nɔ̀ sú nu dó nudindɔ̀n lɛ bi ɖo atɛntɛn yetɔ̀n. ¹⁷ Amɛ xe ɖó ná mɔ nù ɖagbwe xe sin akpá Mawu dó lɛ́ ɖɖe , Mawu jlò ná lɛ doxlɛ yé céɖécéɖé dé ji ɖɔ we ka na húzú gbeta wetɔ́n gbeɖé kpɔ̀n a. nɛ wútú wɔ bɔ gaxemɛ e d'akpá ɖe e tá un dé ji. ¹⁸ Huntó nú awe wɛ tiin Akpá xe dó ɖe kpó nú xe é ta ɖe kpó nú awe nɛ́lɛ́ ɔ e ká kpe wu na húzui a bɔ ɖo nú awe nɛ́lɛ́ mɛ ɔ. Mawu ka kpe wù na ɖò alɛló a. Nɛ ɛ wútú wɛ ɛ mi amɛ xe mɔ bibɛtɛn ɖo Mawu glɔ lɛ ɖé mi mɔ jiɖiɖe ɖo xó bó ná hɛn unkun ɖiɖó xe e sɔ ɖó té ná mi ɖe gbán wún gbánwún. ¹⁹ Unkun ɖiɖó nɛ́ nɔ hɛn alindɔ̀n mitɔ̀̀n syɛnsyɛn alé xe n'a gankpo ɖaxó kpinkpɛn nɔ hɛn ɖó té gbɔnɛ gbán wùn gbá́nwùn ɖe uɖnkúnɖiɖó nɛ wɛ nyi ganjɛwu e syɛn ganji bó ɖó gówun gówun un wɛ nɔ dákó bo nɔ yi gidó na avɔ xe gbó sinsɛnxɔ asɛxwe tɔ́n bó nɔ din gbɔnɛ wú bó nɔ yi atɛn mi mɛ xe ɖo sinsɛnxɔ lɔ mɛɖe mɛ. ²⁰ Flɛn wɛ jezu jɛ unkɔn na mi bo yi ɖó tá na mi. E húzú vɔsánú xwlé Mawutɔ̀ ɖaxó kaka sɔyi ɖi Mɛlukise ɖɛki ɖɔwun.