¹ Nɛ wutu nɔvilɛ ylɔylɔ lɔntomɛ tɔn mɛ wɛ mite. Jezu wɛ nyi amɛsɛdo apotru kpo vɔsatɔ titewu nybe xe ɖo jolokoko kpo na nuɖiɖi mitɔn. ² E ɖo gbeji na Mawu xe can'ɛ ɖe ɖi na xe mɔ yi zi can nɔ gbeji ɖo Mawu ton gbé ɖe ɖɔwun. ³ Do jezu ɖó susu ɖaxo ɖe hu mɔyizi ɖo amɛ xe tun xwe ɖokpo ale ɖe ɖó susu hu xwe lɔ lɔsu. ⁴ Bɔ amɛɖe janwɛ tuni xwe ɖe kpekpe cxwe ɖe kpekpe ɖo amɛ xe twi ɖe amɔ amɛ xe tun nulɛ bi ɖe wɛnyi Mawu ⁵ Do akpa ji ɔ mɔyizi nyi gbejinɔtɔ ɖi amɛsɛntɔ ɖɔwun ɖo xwe Mawutɔn lɔ bi gbe ù wɛ nyi kunu ɖiɖe na nuxe eɖo na ɖɔ ɖo sɔ̀ xejialɛ ɖe. ⁶ Amɔ klisi wɛ nyi vi axwetɔ ɖò xwe Mawu tɔn gbé. xwe untɔn wɛ mi nyi nɛ e nyi mi nɔte gban wun gban wun ɖo kinkanɖeji mitɔn kpo alikpinkpɔn mitɔn kpo mɛ lɔ. ⁷ Nɛ wutu lɔ ɖi alexe yesinsɛn mimɛ lɔ ɖɔxwe ɖe lɔ nɛ mise gbe untɔn ye lo. ⁸ Nɔkpɔn mi a syɛɛn ayixa mitɔnlɛ ɖi tintɛnkpɔn zogbe tɔn sin gufinfɔn ɖɔwun bo. ⁹ Nu xe lɛ jɔ ɖo hwenu xe mi tɔgbo lɛ fɔngu ɖo tintɛnmunkpɔn mɛ kpo hwenu xe ye mɔ azɔnwiwa celɛ kaka na xwe kanɖe ɖe (xwe 40) . ¹⁰ Mɔkec wɛ un sin xomɛ do amɛ gbɛ nɛmɛtɔn lɛ un ɖɔ ye nɔbu tɛgbɛɛ ɖo ayixa yetɔn lɛ mɛ bɔ ye kɔnɔ nyɔ ali celɛ nyi à. ¹¹ Nɛ wutu un tanu ɖó xomɛsin ce mɛ bɔ ye ka nabyɔ gbigbɔjɛ́ ce mɛ á. ¹² Nɔvilɛ micɔ mii ɖeke lɛ na nɔkpɔn ɖokpo mitɔn nɛɖo ayixa nylanyla xe manɔ ɖinu a ɖe ayixa xe nɔ lilɛ jo Mawu gbɛte do ɖe bo. ¹³ Amɔ mi nɔ na jidido miiɖekelɛ tɛgbɛ tɛgbɛ lɛ bi kaka sɔyi ɖi ale xe e ko ɖo xwe ɖe ye na nɔkpɔn ɖokpo mitɔn nɛ syɛn ayixa untɔn na adanu wiwa nɛblɛ'ɛɛ bò. ¹⁴ Do li huzu amɛre nɔzɔn xɛ klisi lɛ ɖe nɛ mi nɔ ɛmɛ ɖo alikpinkpɔn mitɔn mɛ gbanwu gbanwun sin bibɛ kaka sɔyi vivɔ nu lɔ. ¹⁵ E ɖo ɖo xo nɛ nɛ wu ɖɔ nɛ mi se gbe untɔn ye lɔ nɔkpɔn mi a syɛn ayixa mitɔnlɛ ɖi gufinfɔn gamɛ ɖɔwun bo. ¹⁶ Amɛ nɔ ye kɛ nyi amɛxe nɔse Mawu sin gbe bo nɔ fɔngu ɖe? Amɛxelɛ na mɔyizi kplan sin ejipiti lɛ ɖe kɛ à e?. ¹⁷ Bɔ amɛ nɔkɛ e sin xomɛ do kaka na xwe kaneɖe? amɛ xe ɖo agɔjɛ bɔ cyɔ yetɔnlɛ ɖo bli jabyi ɖo zogbe lɔ ji lɛ ɖe kɛ a e? ¹⁸ Bɔ amɛnɔ kɛ etanu na ɖɔ na byɔ gbigbɔjɛ wetɔn mɛ a bɔ manyi amɛ xe gbɛ gbe nɛ ɛ lɛ ɖe wɛ à? ¹⁹ Mi mɔ ɖɔ ye ka kpewu byɔ gbigbɔjɛ ɛuntɔn mɛ à ɖo nu maɖi yetɔn wutu.