¹ Nɔvi lɛ ne ewle amɛ ɖe ɖo nugble gble ɖe kɔn lɔ. mi amɛxe ɖo gbigbɔ mii lɔsu micɔ mii ɖeke na nɔkpɔn yea tɛn mi kpɔn bo. ² Mize mii ɖeke lɛ sin agban ɖo mii ɖeke lɛ tɛntɛn mɔ wɛ enɔ blo ɖo klisi sin sɛn lɔ ji gbɔn ɖe nɛ. ³ Do nɛ amɛɖe nɔ mɔ ɖɔ we wɛ nyi mɔ bɔ nuɖe maka ɖo mɔ nɛɛ à lɔ wu ɖeke eɖo blɛɛ. ⁴ Amɛ ɖokpo ɖokpo nɛglo azɔwiwa untɔn lɛ kpɔn nɛ lo ɔ enanyɔ nuxe mɛ ena yigo te bo mana jlɛ aɖeke ɔ ɖo haa lɔ wu à ɖɖe . ⁵ Do amɛ ɖokpo ɖokpo wɛ nahɛn agban untɔn. ⁶ Amɛxe yeɖo xo lɔ kplɔn ɖe ɖo na ma nu ɖagbwe lɛ bi xɛ amɛxe ɖo kplɔn ɖe. ⁷ Nɔkpɔn miablɛ mii ɖeke lɛ d'emɛ bo . ye kɔnnɔ ca na Mawu à nu xe agbɛtɔ nado ɖe lɔ ena gbɛ sinsɛn untɔn. ⁸ Do amɛ ɖe kpe kpe xe nado nukun ɖe na adanu gbɛninɔ untɔn ɖe enagbɛ gble gble amɔ amɛxe do na gbigbɔ ɖe enagbɛ agbɛ mavɔ mavɔ yɛ sinsɛn tɔn. ⁹ Nɔkpɔn mi a jo nu ɖagbwe wiwa do bo. Do nɛ mi majodo à lɔ mina ɖu ale untɔn ɖo gan untɔn mɛ. ¹⁰ Eɖomɔ lɔ nɛ ali lɔ hun na mii lɔ miawa ɖagbwe na amɛ ɖe kpe kpe. mi a wa ɖagbwe na amɛxe ɖo akɔjijɛ nuɖiɖi tɔn mɛ lɛ ɖe ɖo vo. ¹¹ Mikpɔn wema ɖaxo xe unwlan ɖohlan mi kpo alɔ ce kpo ɖe. ¹² Amɛxe jlo nado yée ɖeke xlɛ ɖo agbaza mɛ lɛ ɖe wɛnɔ zin miji na adagbigbo na nɔkpɔn yeaji akluzu jezu klisi tɔ sin ya bo. ¹³ Do amɛxe gbo ada lɔ can lɛ ɖe ka kpwu ɖo sɛn lɔ wu hɛn à amɔ ye jlo ɖɔ minɛ gbo ada na yeanɔ yigo sɔ gbɔn agbaza mitɔn mɛ ¹⁴ Nɔkpɔn mamɔ aɖe keye sɔ ɖo nu ɖevo wu nu akluzu jezu tɔn bo ɖo wɔ mɛ wɛ yekan ayihɔn lɔ ɖo akluzu ji nawun bo kan nyɛ can ɖo akluzu ji na ayihɔn lɔ. ¹⁵ Do adagbigbo kpo ada magbo magbo kpo ka nyi nuɖe à amɔ nuxe ɖo vivɛ ɖe ɖe wɛnyi agbɛ yɔyɔ lɔ nuwiwa yɔyɔ lɔ nyi nyi ɔ. ¹⁶ Amɛxe nanɔ agbɛ ɖo sɛn xe ji lɛ ɖe lɔ fifa kpo xomɛnyɔ axwétɔ jezu klisi tɔn nɛkɔn ɖo yee kpo izlayɛli Mawu tɔn kpo ji ¹⁷ Bɛsin din lɔ nɔkpɔn amɛɖe nasɔ nyi awuvɛ nawun tɔn babo ɖo gesi jezu tɔn ɖo agbaza ce wu. ¹⁸ Afɛnu jezu klisi tɔn nenɔ kpɔ xɛ mi anɔyevi lɛ sin yɛsinsɛn nɛ cɛ.