¹ Do xwé wiɛnɛ (14) gido lɔ nyɛ kpo Barnabas kpo titi kpo lɛ kɔ bo yi jeruzalem . ² Mawu wɛ ɖe nu do xlɛ un hwɛco unyi awɛnɖagbe xe un do na mayi se nɔ lɛ diɔ un ɖe e mɛ na jeruzalɛm nu lɛ vivɛ ɖe lɔ un ɖɔ na gan ye tɔn lɛ un wa mɔ na wezu alo tukla xe un ɖo jɛ si ga ɖe mɛ ɖe nɔ kpɔn a nyi vɔvɔnu bo. ³ Titi xe bɔ ɖo awu ye bo nyi glɛki go amɛɖe ka tɛ ji ɖɔ yé nɛ gbo ada nɛ a. ⁴ Vɔɔ agunvi alɛlo nɔ ɖe lɛ gbɔn nu gbɔ glɔ bo byɔ agun lɔ mɛ bo ɖo ali ɖin bo na gble vivo xe jezu klisi na mi ɖe ye din na sɔ nyi kannumɔ osɛn lɔ tɔn. ⁵ Mi ka yigbe na xo yétɔn ɖékpe kpe ɖo nɛ xo nugbo xe ɖo awɛn ɖagbe lɔ mɛ ɖe nɛ nɔ gbeji na mi wutu. ⁶ Vɔɔ amɛ xe yé nɔ lɛn ɖɔ yé nyi amɛ jɔ amɛ lɛ ɖe yé ka hɛn nuɖe wa na un à nu xe yé nyi ɖe ka ɖi nu ɖe na un à ɖo Mawu ɔ ka nɔ kpɔn unkunmɛ na amɛ ɖe a. ⁷ Vɔɔ yé nywɛnyi ɖo Mawu zɔ un azɔn ɖo ma ɖo awɛnɖagbe na amɛxe ma gbo ada à lɛ ɖe di na xe e zɔn piyɛ canɖo nɛ do awɛnɖagbe na amɛxe gbo ada lɛ ɖe. ⁸ Do Mawu xe gbɔn Piyɛ ji bo wa zɔn ɖo juu nu lɛ mɛ ɖe Mawu ɖokpo nɛ ke wɛ gbɔn nyɛ can ji bo wa zɔn ɖo amɛxe ma nyi juu n lɛ a ɖe mɛ. ⁹ Jaki Piyɛ kpo Jan amɛ xe lɛ ye nywɛnyi ɖo yé nyi dotonu lɛ ɖe mɔ azɔ xe Mawu sɔ do alɔ mɛ na un ɖe bo dogesi. Yé na alɔ nyɛ kpo barnabas kpo bo sɔ ɖo xlɛ ɖo mi yi mi yé lɛ tɛ gbe ɖe ji bo bɔ ni lɛ mi nɛ mi a yi juu nu de. ¹⁰ Nu xe lɛ byɔ mi ɖɔ mi a wa ɖe we nyi ɖɔ mi flin wamɔnɔ lɛ nu xe lɔ wɛ nyɛ lɔsu un jlo vivɛ ɖe na wa. ¹¹ Xe sefaɔ wa antioci ɖiɔ un kɔ xo nɛ agbawungba ɖo ewa nu xe ma nyɔ a ɖe. ¹² Hwɛ co amɛɖe lɛna sin jaki de bo na wa lɔ piyɛ ko ɖo nuɖu xɛ amɛ xe ma nyi junu a lɛ ɖe vɔɔ amɛ xe lɛ wa kpɔn un ɖiɔ e ɖe aɖekeɔɔ lɔ ɖo zɔ bɔ ka din nan ɖunu xɛ xe maxe ma nyi junu à lɛ ɖe bà ɖɔ eɖi bu na amɛxe gbo ada lɛ ɖe. ¹³ Jenu xe kpo lɛ ɖe do sefas ji ɖo ayɛmɛnu wiwa mɛ banabasi can ɖo ayɛmɛnu wiwa lɔ ji. ¹⁴ Vɔɔ xe un wa mɔ ɖɔ ka ɖo xodo xo nugbo xe ɖo awɛnɖagbe lɔ mɛ ɖe a ɖe ɔ un ɖɔ na sofas ɖo yé mɛ bi un mɛ ɖɔ nɛ hwiɔ xe nyi junu ɖe ɖo agbɛ zan ɖi amɛ xe ma nyi junu a ɖe nɔkɛ wutu aɖo tɛ ɖo amɛ xe ma nyi junu a lɛ ɖe ji ɖɔ yé nɛ zan agbɛ ɖi junu lɛ ɖɔ un? ¹⁵ Mi nyi junu sin jiji mɛ kɛ nyi amɛ xe ma nyi juu nu dannuwatɔ lɛ kɛ a. ¹⁶ Mi nywɛnyi ɖɔ yé kɔn nɔ ɖɔ xo dagbe na amɛ gbɔn sɛn ji a vɔɔ gbɔn yise ji na jezu klisi ji wɛ. nɛ wutu wɛ mi wa ɖo nuɖiɖi ɖo jezu klisi ji nɛ yé a ɖɔ xo ɖagbe sin mi wu gbɔn nuɖiɖi ji na jezu klisi kɛ nyi gbɔn sɛn nyinyi yi kɛ a ɖo yé ka kye wu kanfu amɛ ɖékpekpe gbɔn sɛn lɔ si azɔn wiwa ji à ¹⁷ Vɔɔ xe mi ɖo Mawu di ɖɔ kanfu mi ɖo mi nyi ɖokpo xɛ jezu klisi wutu ɖe e nɛ wa nyin ɖɔ mi lɛ ca mi wa ylando ɖe e be klisi yigbe na ylando a? kpɔn gbeɖe. ¹⁸ Nɛ un lɛ kɔ yi nu xe un gbɛ san ɖe de ke ɔ be ahwɛ do yɛn lɔ su ke. ¹⁹ Sɔ gbɔn sɛn lɔ mɛ lɔ un nyi amɛ kuku nɛ nɔ agbɛ na Mawu enyɔ na un hu. ²⁰ Yɛn kpo jezu kpo wɛ yé kan ɖo akluzu ji nɛ wutu lɔ yɛn lɔsu ke ɖo agbɛ ba vɔɔ klisi wɛ ɖo agbɛ ɖo yɛn mɛ bɔ agbɛ xe unte din ɖe ɔ Mawu si vi xe yi wan na un bo sɔ aɖeki ɔ lɔ na ɖo ta na un ɖe si nuɖiɖi ji we un ɖo agbɛ te. ²¹ Un ka gbɛ Mawu sin fɛnu a do nɛ ɖagbe wiwa zɔn gbɔn sɛn ji lɔ bé ku klisi tɔn ka nyi nuɖe a.