¹ Nɛ wutu wɛ nyɛ Pɔlu nyi Jezu klisi sin ganmɛnɔtɔ do mi mayisenɔlɛ wutu. ² Kinkan eji tiin ɖɔ mikose azɔn xe Mawu zɔnwun sɔ gbɔn xomɛnyɔ untɔn nɛ kpewu bo wa cicɛmɛ ɖe. ^{3 5} E hun nukun Mawu na makpewu nyɔtito hwlahwla nɛnyi xo untɔn kpɛɛɖe nɛ unko wa ɖo ɖɔ na mi. ⁴ Nɛ mi ɖo wema ce xia lɔ e nazɔn bɔ mi na nyɔ nuxe un mɔdona nudobu xe Mawu ɖo wa sɔɔ gbɔ klisu ji de xwe ɖe. Nuɖobu nɛ lɔ Mawu ka do e xlɛ mii tɔgbolɛ à ɖo ye lɔ e wa do é xlɛ nukplɔvi Jezu tɔnlɛ gbɔn gbigbɔ wiwe sin hlɔnhlɔn mɛ kpo gbeyiɖɔ Mawu tɔnlɛ kpo. ⁶ Gbɔn nudobu mɔwukɔtɔn mɛ wɛ mayisenɔ lɛ huzu guɖotɔ ɖokpolɔ kpo akpagbe ɖokpo lɔ vi xɛ yisenɔlɛ sɔ gbɔn jezu klisi mɛ sɔ gbɔn wɛnɖagbe li la lɔ mɛ. ⁷ Mawu nawun gbɔn xomɛnyɔ untɔ mɛ bɔ un huzu amɛsɛntɔ awɛnɖagbwe lɔ tɔn sɔ gbɔn hɔnhlɔn azɔnwiwa untɔn tɔn dali. ⁸ Nyɛ wɛ nyi kpɛvi bi lɔ do yisenɔlɛ mɛ bɔ nye wɛ mɔ afɛnu mɔwunkɔtɔn sin Mawu ɖe bo na ɖɔ xo sin dɔkunnu xe amɛɖe manywɛnyi cekeceke à xeɖe wuɖo mayisenɔlɛ mɛ. ⁹ Nɛ ma na hinhɔn nahɔn na yemɛbi na yeanyɔ nuxe nyi xo hwlahwla xe hwla ɖo Mawu xe blo nulɛ bisese ɖe sin nuɖoanyi xe nyi nudobu untɔnlɛ ɖe mɛ. ¹⁰ Din lo ɔ sɔ gbɔn agun ji wɛ ameɖekpekpe xe ɖo hlɔn hlɔn kpo acɛkpikpa kpo ɖo lɔntomɛlɛ ɖe na kpewu mɔdona nunywɛ Mawu tɔn nunywɛ mɔwunkɔtɔn lɔ Mawu do é xlɛ sɔ gbɔn ali susu susu nu. ¹¹ Sɔgbɔn susu xe eɖo sin kaka gannɛlɛ mɛ tɛgbɛɛ ɖe susu nɛ wɛ Mawu hɛn wa cicɛmɛ gbɔn jezu klisi axwetɔ mitɔn ji. ¹² Mitɛdo klisi wu bo ɖinu nɛ nɛ lɔ aliɖiɖe tiin na mii bɔ mina sɛkpɔ Mawu kpo jiɖiɖe kpo . ¹³ Nɛ wutu wɛ un ɖo byɔ mi ɖɔ nɔkpɔn mi a jo miiɖeke do na awakanmɛ aku mi ɖo ya xe nye un ɖo ji ɖo ta mitɔnmɛlɛ ɖe wutu bo nɛlɛ wɛ susu nugbo nugbo lɔ na mi. ¹⁴ Wuwɛzɔ bɔ ɔ un ɖo klo ji ɖo Mawu miitɔ sin nukɔn. ¹⁵ Amexe de we Akɔta ɖekpekpe nɔ yi wunkɔ sin ɖo lɔn kpo anyigba kpo ji ɖe. ¹⁶ ƐƐn un ɖo byɔ ɛ ɖɔ nɛ sɔ mi huzu hɔnhlɔnnɔlɛ sɔ gbɔn yɛ mimɛ untɔn mɛ ɖo susu untɔn klo tawun nɛ mɛ wɛ mi nagbɔn bo na nyi klisivi syɛnsyɛnlɛ. ¹⁷ Klisi nɛnɔ ayixa mitɔnlɛ mɛ sɔ gbɔn nuɖiɖi lɔ mɛ mi do aɖɔ mitɔnlɛ do ɖo wanyiyimɛ na mianyi tuntun titewungbe ɖo wanyiyi lɔ mɛ. ¹⁸ Din ɔ mi na kpewu ɖo mɔjɛmɛ adagblogblo gaɖiɖi agayiyi kpo gundido wanyiyi klisitɔn kpo xɛ klisivilɛ. ¹⁹ Na ɖigesi wanyiyi nɛ xe hugan nuɖekpekpe xe ehɛn be e na nywɛnyi ɖe minayi agbɛ lɔ bi sin Mawu de be e na nɔ anyi ɖo mi mɛ segbedegbe. ²⁰ Mawu ɖo azɔnwa ɖo mii mɛ kpo hlɔnhlɔn kpo bɔ nɛ mi byɔɛ nuɖe lɔ e hɛn lɔ e na blo hugan ɛɛn hlɔnhlɔn untɔn hugan nuxe mi nasusulɛ ɖe bi wu. ²¹ Untɔn wɛnyi susu ɖo agunmɛ kpo jezu klisi mɛ kpo ɖo hwelɛbinu tɛgbɛɛ nɛcɛ.