¹ "Nɔvi kpo atɔyé lɛ kpo, mi sé xo xé un ɖo bo na ɖɔ na mi do nu xé sin ahwɛ mi ɖo ɖɔ na un lɛ wu " ² xé na kpikplém lɔ sé bɔ pɔlu ɖ‌ɔ xo na yé do éblé gbé mɛ ɖé ɔ, yé bi ci xwi é ɖɔ: ³ "jwifu wɛ un nyi bɔ yé ji un do taasi gbé ji, vɔɔ Jeluzalɛmu fi wɛ un hwɛn té bɔ Gamaliyɛli wɛ nyi cica cé é kplɔn un alé xé un na nyi mii tɔgbo lɛ sin sɛn gbɔn ɖé ganji un nɔ nɔ Mawu ji susu taun ɖi a lé xé mi té gbɔn yégbé dé ⁴ Un do ya na amɛ do ali nɛ wutu kakaa bɔ amɛ ko kú́ dénu kpɔn, mɔnké un ko wlé sunu kpo nyɔnu kposɔyi ganmɛ dénu kpɔ ⁵ vɔsanukɔnɔtɔ na Mawu tɔ daxo lɔ kpo tomɛ mɛxo lɛ kpo hɛn ɔ,yé na ɖé kunu ɖɔ un yi wéma sin yé dé na nɔvi xé do damasi ɖé nɛ un yi ɔ un do na kplan yi wa Jéluzalɛmu amɛ xé do ali nɛ ɔ jiɖébibla bɔ yé na dɔn tǒ na ye ⁶ Ali ji wɛ un té, bo ko gogo (sɛkpɔ) damasi ,bɔ gan wéawé mɛ mɔ, wéziza ɖaxǒ ɖé sin jixwé bo kɔn do ji yé ⁷ Bɔ un ja ayi ,un sé gbé ɖé bɔ gbé ɔ, kanbyɔ un ɖɔ "sɔlu! sɔlu! nɔ wɛzɔn bɔ a do ɖé do un sɔ mɔ?" ⁸ Un ɖéwu nɛɛɖɔ mɛnu wɛ anyi , aklunɔ? é ɖɔna un ɖɔ" nyɛ wɛ nyi Jézu nazalɛti tɔn xé à ɖo ɖé do ɖé" ⁹ Amɛ xé lɛ ɖo kpɔ xɛ un lɛ ɖé ɔ, yé mɔ wéziza lɔ, amɔ yé ma sé gbé amɛ xé ɖo xo ɖɔ na un ɖé tɔn gɛ ¹⁰ Un ɖɔ:"un tɛ wɛ un na bló aklunɔ?" aklunɔ lɔ ɖɔ na un ɖɔ:"cité bo yi damasi, ɖo dɔn ɔ yé n a ɖɔ nu xé a na blo lɛ bi na wé" ¹¹ Un ma kpéwu na mɔ nukunu gɛ ɖo kiklɛn weziza lɔ tɔ wutu , un gbɔ o bo yi damasi bɔ amɛ xé do kpɔ xɛ un lɛ dé wɛ kplan un sɔ yi ¹² Un wa yi mɔ amɛ dé ɖo ɖɔm bɔ yé nɔ ylɔɛɖɔ ananiasi amɛ dé wɛ ényi bo ɖo gbéji na sɛnlɔ bɔ jwifu xé ko do dɔn lɛ bi nɔ ɖé kunu nɛ ¹³ é wa di yé ,bo nɔ té do akpa na un bo ɖɔ:"nɔvi sɔlu ,lɛ mɔ nukunu" hadokpo ɔ un mɔwɛn ¹⁴ Bɔ é ɖɔ na un ɖɔ:"Mawu mii tɔ lɛ tɔn sɔ (cia) wé bɔ a na nyɔ jlo untɔn nyi ,bo na mɔ amɛ jlɔjlɔ lɔ, bo na sé gbé xé tɔn sin nu na wulɔsu ɖé ɔ ¹⁵ ɖó a na nyi kunun ɖé tɔ untɔn ɖé tɔ untɔm ɖo amɛ lɛ bi dé na nu xé a mo bo sé ɖéo ¹⁶ Din ɔ, nɔ wɛ a ɖo té kpɔm? cité, nɛ yé na do sin tà na wé ,bo na klɔ ahwɛ twé lɛ sɛ sin anyikɔ untɔn mɛ" ¹⁷ Xé un lɛkɔ na Jeluzalɛmu ɖé ɔ, bɔ un ɖo adɛ xo ɖo cɔcixɔ Mawu tɔn mɛ ɖé ɔ,é wa ɛmɛ bɔ un fɛ nu mɔ ji ¹⁸ Un mɔ aklunɔ bɔ é ɖɔ na un ɖɔ yawu bo tɔn sin tomɛ fi ɖó kunun xé a ɖo na ɖé na un ɖé ɔ, tômɛ fi nu lɛ ma ɖo nu na ɖi na gɛ ¹⁹ Un ɖɔ nɛ ɖɔ:" aklunɔ, yé nyɔwɛn ɖɔ un wlé amɛ susu do gan mɛ, bo xô amɛ xé ɖinu na wé ɖoaɖɛ xo tɛn lɛ dé kpo ba kpo ²⁰ Hwé xé nu ahun étiɛnu kunun ɖé tɔ twé tɔn kɔnyi ayigba ɖé ɔ, un ɖo flɛnbɔnyɛ lɔsu ga, bo yi gbé déji, bo hɛn awu amɛ hwi lɛ ɖé tɔn na yé " ²¹ Vɔɔ, é ɖɔ na un ɖɔ:" yi ,ɖó un na zɔn wé ɖo hlan fi dindɛn ɖo kosi(ma yi sé nɔ) lɛ dé" ²² Tógunlɔ, yi gbé nɛ bɔ é ɖɔ xo kakaa jɛ flɛn vɔɔ, yé do axwa bo ɖɔ:"mi ɖé agbɛtɔ mɔha tɔn sin ayigba ji , ɖó é ma nyɔ bɔ é na nɔ agbɛ gɛ" ²³ Xé yé ɖo axwa dó, bo ɖo afifin vú́n nyi jɛhɔn mɛ ɖé ɔ ²⁴ Sɔja gan lɔ na gbé ɖɔ yé nɛ kplan pɔlu yi attwankpa lɔ mɛ é na gbé ɖɔ yé nɛ kan xo byɔ kpo ba kpo nɛ yé na nyɔ nuxé zɔn bɔ yé ɖo axwa do ɖó taá nɛ ɖo mɔ ha ɖé ²⁵ Xé yé bla pɔlu bo na xo we ɖé ɔ,é kan byɔ sɔja kanwéko gan lɔ ɖɔ"é sɔgbé ɖɔ yé na dǒ ya na hlɔma vi jiji xé yé ma ko ɖɔ ahwɛ na ɖé á bɔé ci ahwɛ mɛ de a?" ²⁶ Xé sɔja kanwé ko gan lɔ sé mɔ ɖé ɔ é yi sɔja gan ahwankpa lɔ tɔ dé bo ɖɔ nɛ ɖɔ:"nɔ wɛ nyi xé bɔ a ɖo na blo ɔ, ɖò amɛ nɛ ɔ lɔ, hlɔma vi jiji wɛ é nyi" ²⁷ Sɔja gan ahwankpa lɔ tɔn wa, bo ɖɔ nɛ ɖɔ:"ɖɔ na un, hlɔma vi jiji wɛ a nyi nugbo ɔ́?" pɔlu yi gbé ɖɔ:"ɛ́ɛ́ɛ́" ²⁸ Ahwankpa gan lɔ, lɛ ɖɔ bo ɖɔ,"akwɛ susu wɛ un sɔ, bo sɔ xɔ hlɔma vi jiji nyinyi cé nyi" vɔɔ, pɔlu ɖɔ:"yé ji un hlɔmanu wɛ" ²⁹ xé ényi mɔɖéɔ, amɛ xé na kan xo byɔ lɛ ɔ, tɔn sin dé hadokpo sɔja gan ahwankpa lɔ tɔn lɔsu ɖibu, ɖó có é na sé ɖɔ pɔlu nyi hlɔma vi ɔ, é ko ɖɔ yé blɛ ³⁰ Ayi untɔn hɔn gbé ɔ soja gan ahwankpa lɔ tɔn jlo na nyɔ nu xé zɔn bɔ jwifu lɛ ɖo ahwɛ dó pɔlu ɖé ɔ nɛ ɔ nɛ ɔ wutuɔ, é ɖé gan na pɔlu, bo ɖé gbé na vɔsa na Mawu tɔ daxo lɔ kpo kpikplé yé tɔn bi kpo ɖɔ yé nɛ kplé nɛ ɔ gido ɔ, é dé pɔlu jɛté bo swɛ dó́ a tɛntɛn mɛ na yé