¹ Pàntekoti xwé gbè wɛ nùɖiɖi ɖótɔ lɛ́ wá kplé ɖo fi ɖokpo. ² Moló kpátá kpátá wɛ zɛngidi ɖe xó zin sin mawumɛ ɖi jɛhɔ̀n ɖaxo ɖé wɛ́ ɖó nyi ɖɔhun, bo gɔ xwe xe gbè ye te ɖé. ³ Bɔ ye mɔ nu myɔ́ɖɛ́ ɖɔ́wun ɖé má ɖó tá nà yě ɖokpo ɖokpo. ⁴ Yě mɛkpóo wɛ gbigbɔ mimɛ́ gɔ, bɔ ye jɛ̀ gbe alɔkpa alɔkpa dó ji, alexe gigbɔmimɛ lɔ ná ɖɔ ye nɛ ɖɔ́ gbɔn ɛ ɖé. ⁵ Ganɛ́mɛ lɔ̀ Jwifu xe nɔ nyi mawusɛn lɛ ɖe súsú sin tó xe ɖo anyigbaji ɖe bǐ mɛ, bo ɖo Jeluzalɛmu. ⁶ Xe ye se zɛngidi nɛ ɖe, ye bɛ yeɖeke lɛ bo wa, bɔ xó xe amɛzinzɔ́n lɛ ɖo ɖɔ́ ɖe wɛ myàn unkun na ye ta wun, ɖó amɛ ɖokpo ɖokpo nɔ se xo nɛ lɛ ɖó gbe unlɔ́sú tɔ́n mɛ, ⁷ e nyi nùɖe bó kpácá y̌, bɔ ye cáká bo ɖɔ : "Ye amɛxe ɖo xó ɖɔ́ nɛ́ lɛ ɖe, Galileenu kɛ ye mɛ bi nyi ae?" ⁸ Nàkɛ e gbɔn bɔ amɛ ɖokpo ɖokpo nɔ se xo xe ye ɖó ɖé ɖo anɔnú gbe mìtɔ́n mɛ? ⁹ Agbɛtɔ́ ɖo mi mɛ bo sin Pɛɛsi, Mɛdinu kpo Elámitu kpo, amɛ ɖě sin Mɛzopotami, Judée, kápádosi Pɔɔn kpóAzi kpó, ¹⁰ Fliji, Panfili, Ejipu, kpó Libi sin akpáɖé xe ɖo silɛnu. Kpá ɖe kpo; Hlɔmanu lɛ ɖo mǐ mɛ, ¹¹ Jwifu lɛ́ kpó Plozeliti lɛ́, Kletinu lɛ́ kpó Alabinu lɛ kpó, mi ɖo se bɔ ye ɖo hɔnhlɔn mawuzɔ́n lɛ tɔ́n xo ɖɔ. ¹² E kpácá yé mɛ́bi tawun bɔ ye ka sɔ́ nyɔ́ nùxe ye nā ɖɔ ɖé ba, bo gbɔ bo nɔ kanbyɔ yéɖéké lɛ ɖɔ: "Nɔ́ɔ ha lɔkpá kɛ nyi xe?" ¹³ Amɛ ɖée ka ɖo ye mɛ lo bo nɔ ɖo xó cánsin ye wu bo ɖɔ: "Vɛɛn vivi wɛ ye nu bɔ xóto gɔ́ yě." ¹⁴ Piyɛ ka site un kpó gbɛ̀ untɔn woɖokpo (wodo ɖokpo unkun ɖokpo) lɛ kpó, e ze gbe yi ji bo ɖɔ nāamɛ lɛ ɖɔ: "Mi Judéenu lɛ, kpó mi amexe ɖo Jeluzalɛmule ɖe bi sese kpó, mi bo mɔ unkunnú jɛ̀ nù xe wú, bó ɖótó xó xe un na ɖɔ́ ɖé. ¹⁵ Ɖó amɛ nɛ lɛ ka nyi ahàn nùmu nɔ ale xe mi vɛdo ɖe ɖɔwun a, ɖó zanvlun gàn atɔn jɛn wɛ ɖó xó. ¹⁶ Din lo bɔ nùxe gbeyiɖɔ́ Mawu tɔ́n Jowɛ́li koɖɔ́ ɖé wɛ ɖó jɛ̀. ¹⁷ Un wɛ nyi ɖɔ: Mawu ɖɔ bo ɖɔ :" Azán gido gido tɔ́n lɛ mɛ lɔ́ un ná kɔn gbigbɔ ce kɔn nyi amɛkpoo ji. Bɔ v̀ mitɔn lɛ súnnú kpó nyɔnú kpó ná nɔ́ ɖɔ Mawu xó, ɖekajɛ mitɔn lɛ ná nɔ́ mɔ nù, bɔ Mawu nà n̵ɔ́ xo dlɔ nyɔ ɖáxovi mitɔn lɛ. ¹⁸ Mɔke wɛ bɔ un nă kɔn gbigbɔ ce kɔn nyi azɔnzɔ́nvi ce súnnú kpó nyɔnú kpó ji, ɖo azán nɛ́lɛ́ mɛ bɔ yenanɔ ɖɔ Mawuxó. ¹⁹ Un ná dó nùdóbù xlɛ ɖó jixwesin aga, bo nā dó nùjlɛ́jlɛ́ ɖe lɛ xlɛ ɖo dò ɖo anyigba fiă: Ahùn kpó myɔ́ kpó, kpó zizɔ ɖáxo kpó ná tíin. ²¹ Hwevɔ́ nă húzu zɛnvlu, bɔ sún náɖ̀vɛ ɖi ahùn ɖɔwun cóbɔ Axwetɔ sin azán, azán ɖáxó nɛ ná wa. ²⁰ Nɛ lo ɔ, amɛ ɖé kpékpé ylɔ́ Axwetɔ lɔ sin unkɔ́lɔ́, amɛ lɔ́ ná gán. ²² Izlayeli vi lɛ mi kɛtó bo se xo xe lɛ: Jezu Nazalɛtinu lɔ́, dawe ɖé wɛ e nyi, bɔ Mawu dó hɔnhlɔ́n xlɛ mi, sɔ́ gbɔn nùdóbù kpó nù ɖáxó ɖáxó kpó gesi xe Mawu jlɛ gbɔnɛ ji ɖɛo mi tɛntɛn, bɔ milɔ́sú nywɛ nyi lɛ ɖe kpó gbla mɛ. ²³ Dawe nɛ ɔ, e sɔ̄ ɛ sa na mi, ale xe Mawu lɔ́sú kó jló, bo to e gbɔn, bɔ mi ka ɛ nyi akluzuji, bo hui, gbɔn amɛdidá lɛ́ sin alɔ mɛ. ²⁴ Din lo ɔ, Mawu fɔn ɛ sin ku; Ehwlɛn ɛ ɖo vivɛsise ku to mɛ tɔn lɛ mɛ, ɖo hɔnhlɔ́n ku tɔn ka kpe wú na hɛn ɖó te a. ²⁵ Ɖó Davidi ɖɔ sin wu ɖɔ: " Un nɔ mɔ Axwetɔ́ lɔ́ ɖo unkɔn ce tɛgbɛ, e ɖo aɖisi ce mɛ nă nɔkpɔ́n ná gbà ayi dó ná un bo. ²⁶ Nɛwutu wɛ awajijɛ gɔ́ ayice mɛ, bɔ un mɔ ɖɔ xó kpó awajijɛ kpó. Agbasa ce bo ɖo yɔ dó mɛ cán be e na vò ɖo unkun ɖiɖó mɛ (jiɖiɖe mɛ). ²⁷ Ɖó a kajó alindɔn ce dó nyi kutómɛ a, a kaa lɔ́n bɔ amɛ mimɛ́ towe ná nyɔ̀ (vó) a. ²⁸ A dó agbɛli xlɛ un, bɔ kpɔ́ninɔ́xɛamɛ towe nɔ dó nùkikó na un. ²⁹ Anɔeví lɛ, mi gbɔ nɛ ma ɖɔ xó xomɛ na mi, mǐ tɔgbó Davidi kú, bɔ e ɖì i, bɔ e kpó ɖo yɔdo untɔn mɛ ɖo tomɛ fi kaka jɛ̀ ye. ³⁰ Bɔ gbeyidɔ́ Mawu tɔn wɛ e nyi bo ka nywɛ ɖɔ Mawu dó akpá, bo tà nù d'e ji ná wé bo dɔ we nă wá sɔ́ wev́vú ɖokpo sɔ ɖo gan zinkpó wetɔ́nji. ³¹ Finfɔ́n sinku klisu tɔn lɔ́ wɛ Davidi ko mɔ, bo ko ɖɔ ɖɛɖɔ: "E kaa joe do ɖo kutomɛ a. Agbasa untɔn kaa vó ɖo yɔdo mɛ a. ³² Jezu nɛ wɛ Mawu fɔn sin kú, mi amɛ kpoo wɛ mɔ. ³³ Bɔ dinxe Mawu sɔ́ ɛ su, bo sɔɛ flɛn akpa do aɖisi xwe untɔ́ ɖe, tɔ̄ ɔ sɔ gbigbɔ mimɛ xe gbe e ɖóná mi ɖe sɔ nɛ, bɔ e sɔ gbă kɔn nyi mi ji; nuxe mi ɖo mɔ bo ɖo se din lɛ ɖe nɛ. ³⁴ Ɖavidi ka yi jixwe a, unlɔ̀sú ká ɖɔ: "Axwetɔ ɖɔ na Axwetɔ ce ɖɔ: "flɛn aɖisi xwe ce". ³⁵ Kaka na má sɔ kɛntɔ towe lɛ sɔ blo afɔɖótɛn towe nyi. ³⁶ Izlayɛlivi lɛ bi nɛ bo nywɛ nyi ganji ɖɔ: Jezu nɛ xe mi ka ɖó akluzu ji ɖe wɛ Mawu sɔ́ Axwetɔ́ bo lɛ sɔ́ɛ klisu." ³⁷ Xe ye se xó nɛ ɖe, ehɛn hun ná ye kaka bɔ ye kanbyɔ́ Piyɛ kpó amɛzínzɔ́n lɛ kpó ɖɔ: "Anɔ eví lɛ, nɔkɛ mi ɖó ná wa? ³⁸ Piyɛ kpó amɛzinzɔ́n lɛ kpó ɖɔ: "Mi lɛ́kɔ́ sin nylà do (agɔjijɛ́) mitɔn lɛ gidó. Ɖokpo ɖokpo mitɔn lɛ nɛ do mawusíntá ɖo Jezu Klisu unkɔ́ mɛ, na Mawu na sɔ nylădo mitɔn lɛ́ kɛ mi, bɔ mi na mɔ gbigbɔ mimɛxe nyi nùníná ùawu tɔ́n ɖé yi. ³⁹ Ɖó mǐ kpó ví lɛ kpó wɛ edo akpá untɔ́n ná, kaka yi jɛ̀ amɛxe ɖo adà lɛ ɖé bisese ji, amɛxe axwetɔ́ mitɔ́n ná ylɔ́ sɔ́ wa adeke ɔ de lɛ́ ɖé. ⁴⁰ Piyɛ ka lɛ ɖo xó súsú ɖevo ná ye ke, bó ná sɔ́ dɔn ye wa Mawu li jí, bo nă lɛ nă ye akɔnkpikpán. E ɖɔ ná yě ɖɔ: Mi hɔnsin adanu&watɔ din tɔ́n lɛ mɛ." ⁴¹ Amɛxe ɖi nù ná Piyɛ xó lɛ́ dó Mawusin tá. Ye mɛ kpoo na yi agbɛtɔ caki atɔ́n (3000) mɔ, bo jɛ́ ji ɖo azán nɛ́ gbe. ⁴² Ye nɔ́ ɖo hɔnhlɔn 'do na amɛzinzɔ́nlɛ sin nukplɔnamɛ, kpo kpɔninɔ́ ɖo nɔvíwíwá kpó wútú, bo nɔ́ ɖo kán ván ná kɔndokpɔnuɖúɖú kpó aɖɛxixo kpo wútú. ⁴³ Ye mɛ bi nɔ́ ɖo bù ji bùji, do azɔ́ndóbù kpó nù alɔkpa alɔkpa lɛ́ kpó jlɛ́ gbɔn amɛzinzɔ́n lɛ ji. ⁴⁴ Ye amɛxe ɖi nù ná lɛ́ ɖé bi sese nɔ́ nɔ kpɔ, bo nɔ xotɛ nù yetɔ́n lɛ bi ɖo kpɔ́. ⁴⁵ Ye nɔ́ sa nù yetɔ́n lɛ́ bo kpɔ́. Ye nɔ́ sa nù yetɔ́n lɛ́ bo nɔ mà akwɛ lɔ́ ɖo yeɖeke yeɖeke lɛ tɛntɛn ale xe ná amɛ ɖokpo ɖokpo ɖo hudo mɛ ⁴⁶ Anyhihɔ́ngbé anyihɔ́gbé wɛ ye nɔ́ yí kplé ɖo sinsɛn xɔ mɛ. Ye nɔ ɖù nu ɖokpɔ́ gbɔn xwe yetɔn lɛ́ gbe xwe yetɔ́n lɛ́gbe,, bo nɔ ɖu nu kpó xomɛhunhun kpó, kpó ayixa ɖokpo kpó. ⁴⁷ Ye nɔ́ kpa súsú ná Mawu, bɔ amɛ bi yi wan ná ye. Axwetɔ́ ka nɔ́ dɔn amɛxe e hwlɛn gán lɛ ɖe wa yě de anyihɔ́gbé anyihɔ́gbé.