ATCHAMADO_BEN-kqk_act_text

Eta 19

¹ Ewawemɛ bɔ wɛ Apolosu do kolɛnti dé, Pɔlu gbɔn atɛn doxò doxò lɛmɛ kàkà bowà jɛ ɛfɛzi sin tóxodaxolɔ mɛ, bɔ é mɔ nukplɔnvi déé lɛ do flɛn, ² Pɔlu byɔ yé dɔ mi yi gbigbɔ mimɛ lɔ hwéxénu wɛ mi dinu dé? Yé dewu nɛ dɔ: ecò, mi kà sé nudé nyi gbigbɔ mimɛ kpon can áá. ³ Pɔlu dɔ asi tɛ wɛ mi ká do ta? Yé yigbé nɛ dɔ asi dotá jaan tɔn wɛ. ⁴ Pɔlu lɛ dɔ na yé dɔ̀: Jan do asità na amɛ sin jijɔ na lɛvɔjɔ mitɔn amɛ tɔnlɛwu. Bo nɔ odɔna tɔgun lɔ dɔ, ye dona dinú na amɛ xé na wà, wà do gidomɛ wetɔn dé, amɛnɛ xé nyi Jezu dé. ⁵ Xena amɛlɛ sémɔdé: Yé dó asintá do Jézu sin nyikɔ mɛ. ⁶ Xé Pɔlu do alɔ tá na yé dé, gbigbɔ mimɛlɛ wà yé mɛ, bɔ yé jɛ gbédévòlɛ do ji, bɔ jɛ gbéyidɔ dɔ̀ji. ⁷ Yéwumɛ bi na yi agbɛtɔ wyawé mɔ. ⁸ Pɔlu yi nukplɔntɛnmɛ, bodo xodɔ na amɛ lɛ kpo jididé kpo(Kandéji kpo) kàkàna sùn atɔn. E kplan amɛ lɛ bo kplɔn nu yé sin xo dindɔn lɛ ji, na togun lɔnà kpénu mɔ nukun jɛ axɔsu dútà Mawu tɔn sin nú lɛ mɛ. ⁹ Vɔ loɔ xé jwifu délɛ syɛn ji yé tɔn lɛ, bo gbɛ oxò lɔ, bo jɛ xò nylanyla dɔ dò Klisi sin aliwu do togun lɔ sin nu kunmɛ, loɔ Pɔlu tɔnsin yédé kpo nukplɔnvi lɛ kpo, éjɛ xò dɔ ji azanlɛ bigbé do wémaxɔmɛ xé do Tilanusi dé mɛ. ¹⁰ Ŋɛ blo xwé awé mɔɔ, kàkà bɔ amɛ xé lɛ wɛ do Azi gbéji, Jufu lɛ kpo glɛki nu lɛ kpo sé Mawu xò lɔ gà. ¹¹ Mawu blo nú daxò doxò lɛ gbɔn Pɔlu ji. ¹² Kàkà bɔ azinzɔnnɔ lɛ mɔ azɔnhɛn gbɔ, gbigbɔ nyanyla lɛ tɔn sin amɛ lɛ mɛ, xé yé talɔ dúkúvi untɔn kpo awu xé do kɔ na Pɔlu dé kpo. ¹³ Loɔ, jwifu dé lɛ tin bo nɔ lo sadikpé, yé nɔ zan Jézu nyikɔ do acɛ yétɔn lɔsu mɛ.Yé nɔ ylɔ Jezu nyikɔ do gbigbɔ nyanyla lɛ ji, yé nɔ dɔ: Undo zɔnwé, tɔɔ́n dò nyikɔ Jezu tɔn xéxòwɛ Pɔlu dɔdé mɛ. ¹⁴ Ovi sunnù cawé avɔsatɔ dáxó Mawu tɔn xé yé nɔ ylɔdɔ sévàdé, sin vilɛ wɛ nɔ blo mɔ. ¹⁵ Gbigbɔ nyanyla yigbé na yédɔ:< nyɔn Jézu nyi, bo nyɔn Pɔlu nyi, lodé milɛdé mɛ wɛ mi ka nyi?>>16 ¹⁶ Gbigbɔ nyanyla lɔ xé do dàwé lɔmɛ dé tɔɔ́n kpo hlɔnhlɔn kpo, bo xò yé ganyi kàka bo vun awu yétɔn lɛ, bɔ yé hɔn bo tɔ́n gòvɛ bɔ àkpà dò awútu na yé bo yé jo sin xwélɔgbé. ¹⁷ Amɛ lɛ bi nyɔ̀n nuxé jɔ dé nyi Jwifu lɛ kpo Glɛkinú lɛ kpo bi xé dò Efɛzi dé sé nuxé jɔ dé gà. Bɔ bu jɛ yéji tàun, bɔ yé do bubu axwétɔ Jésu sin nyikɔ wu un. ¹⁸ Mɔlɔké, amɛ xé lɛ wɛ dina na Jézu lɛ dé wà, bo hun agɔjijɛ yé tɔn lɛ mɛ, kpo nuxé yé wà nyi dò bo nyɔ wɛnyi lɛ dé. Bi tògun lɔ sin nukɔn(Agbàungbà). ¹⁹ Majiki blotɔ súsú lɛ bɛ majiki wéma yetɔn lɛ wà bo do myɔnyé do amɛlɛbi núkúmɛ, enyidɔ yé na lɛn nu nɛlɛ bi sin akwɛ kpɔn lɔ, éna yi akwɛ kótókun kandé wo mɔ́há(50.000f). ²⁰ Gbɔn mɔ wɛ axwétɔ iɔ sin xò gbakpé afilɛbi kpo hlɔnhlɔn untɔn kpo. ²¹ Loɔ, xé Pɔlu fó azɔn untɔn dó ɛfɛzi gido mɛdé, gbigbɔ lɔ dɔ nɛ dɔ̀ nɛ gbɔn Masédowani kpo Acàyi kpo, bo na yi Jéluzalɛmu tolɔmɛ, édɔ:< un yi dɔn vɔlɔ, un dona yi hlɔma.>> ²² Pɔlu zɔn nukplɔnvi untɔn awé dohlan Masédowani, Timɔté kpo Elasiti kpo, yé amɛ xé lɛ wɛ kpédéwu dé.Voloɔ, wulɔsu nɔ Azi tolɔmɛ kpɛdé(Zandé) ²³ Hwénɛnu wɛ hunnya-hunnya(Tuklà)dàxó dé jɔ, dò ɛfɛzi, dò ali axwétɔ tɔn lɛ wútú. ²⁴ Ɗawé dé tin bo nyi agbɛdɛ(Ntuntɔ) bɔ yé nɔ ylɔwɛ́dɔ Dématliwusi, é nɔsɔ gan xé nyi Diani tɔn dé bo nɔ sɔ blo nu tità(Vodun) nyi, bo nɔ sà bɔ é nɔ hɛn afisinɔ sùsù hɛn wà na alɔnuzɔn wàtɔ lɛ. ²⁵ Loɔ, é bɔ azɔn dokpo unkun mɛ wàtɔ untɔn lɛ bodɔ:<< Dàwé célɛ, mi nyɔwɛnyi dɔ̀ azɔn xyɔ xé wɛmi do blode edo hin akwɛ sùsù, wa na mi. ²⁶ Milɔsu lɛ, mi mɔ bo sé, kɛnyi dɔ ɛfɛzi kɛdɛ kɛ caa, gbɔn Azi tólɔ́bimɛ, Pɔlu xélɔ dɔmɔdé Mawu dé katin bɔ yé blo kpo alɔ́ kpoà, bɔ nɛ wútú lɔ́ é lɛkɔ na amɛsùsù. ²⁷ Ŋɛ mi ma nyɔwɛn blo àlɔ, kɛnyidɔ azɔn mitɔnkɛ́dɛ́ kɛ́bɔ́ é na hɛn gblé à, loɔ vodun xɔ Déɛsi Diani tɔn kà nyi nudé bà é na bu afixɔxɔ untɔn, mɔké lɔ, é na bú gan nyinyi untɔn, wɔ xé ko gbàkpé azi tólɔ bimɛdé, bo lɛ gbɔn agbɛ lɔ bi mɛ dé kà nyi nudé bà. ²⁸ Hwéxénu wɛ yé sé mɔ dé, xòmɛ sin yé tàun, bɔ yé dé abòbòdò bododɔ:<< Vodun Diani wɛ nyi nu dàxò na ɛfɛzinu lɛ. ²⁹ Toxò lɔ bi càkà, bɔ amɛ lɛ bi wà yi tò kplétɛn lɔ kpo wézun kpo, yé wlé Gàyiwusi kpo Alisitáki kpo, do yé wú wɛ zɔn xɛ̀ Pɔlu bo sin Masédowani. ³⁰ Pɔlu jlo na yi togun lɔ sin atɛntɛn mɛ, loɔ nukplɔnvi(Nuditɔ)lɛ gbɛnɛ. ³¹ Sɔja ahangan dé é lɛ xé nyi xɔntɔn kpo Pɔlu kpodé dɔ do hlɛn dɔ nɔkpɔn yé à yi kplé lɔ sin atɛntɛn mɛ bo. ³² Amɛ lɛ akpàdé do ̀àxwà d́vo dò, amɛ̀ dévo lɛ can do àxwà dévò dò, amɛ súsú do amɛ lɛ mɛ bɔ yé kà nyɔn nuxé wɛ zɔn bɔ yé wà kpié tà un déà. ³³ Jwifu lɛ kplan Alɛsàndlu sin kplékplé lɔmɛ bo sɔ wàyi jɛ vo, Alɛsàn dlu jɛ alɔ bloji bona kpéwu tin xò lɔmɛ na togun lɔ. ³⁴ Loɔ xé yé nyɔwɛn nyi dɔ Jwifu wɛ Alɛsàndlu nyi dé, yé wu mɛ bi do àxwà daxò dé do gbɛnú kàkà na gan xixò awé mɔɔ:< wɛ nyi Vodun da xò na ɛfɛzinu lɛ.>> ³⁵ Hwɛ́xénu wɛ sɔjà tóxò lɔmɛ tɔnfà amɛ lɛ vɔdé, é dɔ:<< mi ɛfɛzinulɛ, mɛ wɛ ma nyɔwɛnyi dɔ ɛfɛzi wɛ nyi nucɔtɔ naa dɛxòxɔ vodun daxò Diani tɔn bo lɛ nyi akpàjlɛ na nu xé janyi sin jixwé déà yé? ³⁶ Xé amɛdé ma kpéwu bona gbɛ nu xé lɛ àdé, mi do na hɛn midéké xwi, bona gbɔ nu lɛ blo do hlɛndomɛ. ³⁷ Ɗò mi kplan amɛ xélɛ wà togun lɔ nukɔn vɔnu do yé kà nyi ajotɔ bo wà fiadɛxòxɔ mitɔn lɛ à, yé kà wa dɔ nú nylanylandé kpanu kɔn vodun mitɔn Dɛɛsi aa. ³⁸ Ŋɛ é nyi dɔ Demɛtliwusi kpo agbɛdɛ nu tuntɔ untɔn lɛ kpo do xò(Tuklà)xɛ amɛdé lɔ, ahwɛdɔ xɔsa(Kojodotɛn)lɛ do hunhun(Nuvo),bɔ ahwɛdɔtɔ lɛ can lé, yé nɛ yi ylɔ ahwɛ yédéké lɛ do flɛn. ³⁹ Vɔ loɔ, nɛ é nyi dɔ mi do xò dévo dò midékémɛ lɔ, tòlɔ kò kplé vɔlɔ, yé na dɔ gbo. ⁴⁰ Mi ma nyɔwɛn blo alɔ, yé na dɔ mido tòlɔ hɛn blu wɛ, do mi kà kpéwu bo na din ahwɛ jijɔ dò nuxé mi do blo déwu á, mi kàkpéwu bo na déémɛ caan. ⁴¹ Hwéxénu é dɔ mɔ vɔdé, é nya kplékplé mɛ lɔ bi.