¹ Nyɛ simɔ Pyɛ xe nyi amɛsɛntɔ jezu klisti tɔn de bo nyi amɛzinzɔn untɔn ɖe wɛ wlan wema xe amɛxe nuɖiɖi vɛafi ɖi akwɛ mitɔn ɖɔ wun gbɔn azɔn jijlɔxe mawu mitɔn amɛwlɛngantɔ jezu klisti wa lɛ ɖe mɛ wɛ un wlan ɖohlan bo dogbe na yée. ² Mawu nɛ na fɛnu kpo fifa kpo mi na nɛ gɔfla ɖo mawu kpo axwetɔ kpo axwetɔ mitɔn jezu klisti kpoo xe mi ɖigesi ɖe wu. ³ Hlɔnhlɔn mawu tɔn xe axwetɔ ɖo ɖe wɛ nyi nu xe ɖo taji bɔ mi na sɔ ɖo sisi nyi na mawu ɖo agbɛzan mi tɔn mɛ bi ɖe, wɛ nyi e blo bɔ mi ɖigesi mawu xe ylɔ mi ɖe na mi a ɖo mima ɖo sùsù untɔn lɔsu kpo xomɛ nyi nyɔ untɔn kpo mɛ ɖe . ⁴ Mɔ ke wɛ e do akpa ɖaxo xe vɛafi lɛ ɖe na mi ga ɖe nɛ nɛ e wa ɖe akpà lɛ ɔ mi na kpewu glo jlo xe nɔ hɛn nugble bo ɖo acɛkpa ɖo agbɛ mɛ fi xe ɖe bo na ɖo mima ɖo minɔmɛ mawu tɔn mɛ. ⁵ Do mi ma nɛ xe mi na ɖo ɖo ninɔmɛ mawu tɔn mɛ ɖe wutu ɔ mi na zan hlɔnhlɔn kxe ɖo miwu ɖe bi bo na ɖo zinzan ɖa gbwe sɔkpé nuɖiɖi mitɔn bo na ɖo nudo gesi sɔ kpe nu zinzan ɖagbwe mitɔn . ⁶ Bo na ɖo amɛɖekeji ɖuɖò sɔkpe nudogesi bo na ɖo sùulu sɔkpe amɛɖe ké ji ɖuɖo lobo na ze sisi ɖo na mawu sɔkpe sùulu . ⁷ Bo nasɔ vɔ ɛ nyi ɔ mi na ɖo wan yi na nɔvi sɔkpe na sisi ɖo na mawu bo na sɔ wan yiyi ɖo amɛ bi kpaa sɔkpe wan yi na nɔvi. ⁸ Walɔ nɛlɛ wɛ mi na ɖo e nyi walɔ nɛlɛ gɔ mi bo tnfla e na zɔn bɔ axwetɔ mitɔn sin nudogesi mɛɔ mi kaa wa aɖiɖɖɔ a mi kaa nɔ gɔn cɔsi a. ⁹ Lo ɔ amɛɖɛ ma ɖo walɔ nɛ lɛ a lɔ kɔnnɔ mɔ nu jɛ unkɔn a e ɖi wunvanɔ ɖɔwun e ka flin ɖɔ e ko ɖewe sin dwɛ xoxo lɛ alo ahwɛ xe e hu san lɛ ɖe mɛ a . ¹⁰ Nɛ wutu ɔ anɔevilɛ mi lɛ do gan déji bo zan agbɛ mitɔ na e nɛ sɔgbe xɛ ylɔ xe mawu ylɔ mi ɖe kpo can xee can mi ɖe kpo ɖo nɛ mi na wanu gbɔn alɔkpa nɛlɛ ha mɛ ɔ mi kaa jɛ nu gblegble mɛ gbéɖéa. ¹¹ Ale xe mawu na nà acɛ ɖaxo mi bɔ mi na byɔ jezu klisti xe myi Axwetɔ mitɔn ɖe sin axɔsu ɖuto mavɔ lɔ mɛ gbwɛn ɖe nɛ. ¹² Nuxe wutu e na nɔ ɖo nu nɛ lɛ flin mi tɛ gbɛɛ ɖe co mi ka ko nyɔ yée nyi bo do aɖɔ do ganji syɛnsyɛn ɖo xonugbo xe mi yi d'emɛ a. ¹³ Lo ɔ nɛ un kpo ɖo agbɛ jɛn wɛɔ e nyɔ bɔ un na nɔ flin nu xe lɛ mi bo na sɔ hɛn ayixa mitɔn nyi ɖote. ¹⁴ Do un ny wɛ ɖɔ zaan ɖe din lɔ ,un na tɔn sin agbaza xeɔ xe nɔ ku ɖe mɛ ɖi alexe axwetɔ mitɔn doxlɛ mi gbwɛn ɖe. ¹⁵ E ɖo mɔ lɔ un na blo alexe un kpewu gbwɛn ɖe bi, bo na do ale xe mi na kpewu flin nu nɛ lɛ hwe lɛkpo nù gbwɛn ɖo kukucegido ɖe. ¹⁶ Xo nugbo ɔ enyi e sɔ nukplɔn amɛ xo xe sɔ do kpa nyi bo ganjɛwu bo sɔ kplɔn nu mi nyi bo ɖɔ axwetɔ mitɔn klisti na wa kpo hlɔnhlɔn kpo lɔ din lo ɔ mi mɔ sùsù ɖo xo xe e ɖo ɖe kpo unkun milɔsu tɔn kpo. ¹⁷ Hwenu xe na mawu tɔ lɔ wle yɛyi nɛ bo sɔ ɛ su ɖe mi ɖo flɛn ganɛmɛ lɔ gbe ɖe ɖi sin mawu sùsù ɖa xo nɔ alo gigoɖaxonɔ lɔ de bo wa ɛ de bo ɖo nɛ ɖɔ vivɛ navɛna ce wɛ amɛ xe nyi xo mɛ nɛ nɔ hun mi de wu. ¹⁸ Milɔsu lɛ gaxemɛ mikpo do so mi mɛ lɔ ji ɖe mi se gbenɛ ɖi sin aga ɖe. ¹⁹ Nɛ wutu wɛ mi lɛ ɖéji ganji ɖo awɛn xe gbeyiɖɔ mawu tɔ lɛ do ɖe wu ganji . Enyi miɖo to ganjilɔ e na nyɔ ɖo e ɖi kanlingbɛn xe ɖo hun ɖo zɛnvlu mɛ kaka bɔ anyihɔn bɔ zanvlun hwevɔ na zɛ ɖo anyihɔn mitɔn lɔ mɛ ke ɖɔwun . ²⁰ Nuxe mi na nywɛ nyi ganji hwɛ ɖe ɖye amɛɖe ka kpewu na sɔ nunywɛ unlɔsutɔn bo na sɔ ɖe mawu xo xe e wlan lɔ ɖe glɔmɛ a. ²¹ Amɛɖ kɔnnɔ sɔ jlo unlɔsutɔn kpowun bo nɔ sɔ ɖɔ mawuxo nyi gbeɖe kpɔ na. lo ɔ gbigbɔ mimɛ wɛ nɔ sɔ ɛ do ayimɛ na agbɛtɔ lɛ bɔ ye nɔ ɖɔ xo xe mawu ɖɔ xe nɛ ɖɔ ɖe.