¹ Atɔn gɔ ɔ dyeun do mi ɖé wa o mi na nɔ gbo ahwɛ ɖiɖɔ xé tin do mi mɛ lɛ sɔ gbɔn kunnu diɖé amɛ awé atɔn xé yé ɖin do na ɖé de tɔn. ² Un ko ɖɔ na amɛ xé hu ahwɛ lɛ ɖé kpo xé kpo lɛ ɖe kpo hwé xé nu nu wa mi ɖé agba awé gɔ ɔ lɔ bɔ un lɛ do ɖɔ ké nɛ un lɛ lɛkɔ wa ɔ un ka na lɛ jo yée do à . ³ Un do xo nɛ ɖɔ na mi do mi do glɔ ɖin na ɖɔ klisi lɔ nɔ ɖɔ xo gbɔ nyɛn sɔ yi mi ɖé à vɔ lɔ hlɔn hlɔn ɖé wu do mi mɛ . ⁴ Do ye kɛ ɛ do gan dɛ n amɛ untɔn wutu amɔ é do agbɛ gbɔn hlɔn hlɔn Mawu tɔn mɛ do gan dɛn mi lɔsu bo wu mɛ amɔ mi na nɔ agbɛ kpo é kpo gbɔn hlɔn hlɔn Mawu tɔn mɛ do mi mɛ . ⁵ Mi jro mii ɖé ké lɛ kpɔn bɔ na kpɔn ɖɔ mi do nuɖiɖi lɔ mɛ ja. mi do mi ɖo ké lɛ kpɔn mi ka mɔ ɖɔ Jezu klisi do mi mɛ à yé? é do mi mɛ vlavo o nɛ mi ma jɛ na à wɛ é na nanyi . ⁶ Bɔ un ɖi ɖɔ mi na mɔ nujɛ é mɛ ɖɔ yé ka gbɛ mii à ⁷ Din ɔ mi ɖo ɖɛ xo ɖo hlan Mawu ɖɔ nɔ kpɔn mi a blo nu nyla nyla ɖé bo un ka do ɖɛ xo bɔ é na ci ɖi mii lɛ mi ko ɖin zɛ tintɛn kpɔn lɔ wu ,gɛ vɔ lɔ un do ɖɛ xo nɛ mi na blo nɔ xé sɔgbé ɖé co c é ka ɖi ɖɔ mii janyi do tintɛn kpɔn lɔ mɛ ɖɔhun. ⁸ Do mi ka kpéwu na blo nuɖé kpan nukɔn xojɔxo lɔ à amɔ na xojɔxo lɔ wɛ. ⁹ Do mii nɔ mɔ awajijɛ hwéxénu gan dɛn mii ɖé co bɔ hlɔn hlɔn do mi lɛ wu mii nɔ xo a ɖɛna mi mɛ xéɖé xéɖé mitɔn . ¹⁰ Un ɖo nu xé lɛ wlan ɖo hlan mi xé ɖin do mi ɖé bo nɛ un wa do mi mɛ ɔ un ka ma wa zan walɔ syɛnsyɛn sɔ yi mi ɖé gbɔn acɛ xé Mawu na un bɔ un na sɔ twun mi nyi acɛ xé ma nyi nu hɛn ;gblé tɔn a ɖé ¹¹ Vivɔ nɔ ɔ nɔvi lɛ mi jɛ awa mi wa azɔn na nu lɛ jijla do mi do gan mi nɔ gbé dokpo ɔ mɛ xɛ mi déké lɛ mi zan agbɛ do fifa mɛ. bɔ Mawu wan nyiman kpodo fifa na amɛ tɔ lɔ na nɔ xé mio. ¹² Mi do gbé na mi ɖéké lɛ kpo si kiki mi mɛ kpo ¹³ Amɛ mi mɛ lɛ bi do gbé na mi. ¹⁴ Nɛ jɔminyɔn axwetɔ Jezu klisi tɔn wan nyinyi Mawu tɔn kpo kɔndokpɔ gbigbɔ mi mɛ tɔn nɛ nɔ kpɔ xɛ mi mɛ bi sésé.