¹ Mi vlɛ un ɖi na nyɛn can un nɔ vlɛ klisi gbɔn ɖe. ² Din lɔ un ɖo mi kpa, ɖo mi nɔ flin un ɖo nu ɖe kpékpé mɛ bɔ mi ɖo wa ɖo tito xé un sɔ ɖɛ na mi lɛ ɖe ji. ³ Vɔ un din ɖɔ mi nyɔɛnyi ɖɔ klisi wɛ nyi gan na sunnu ɖe kpe kpe sunnu nyi gan na nyɔnnu bɔ Mawu nyi gan na sunnu. ⁴ Sunnu ɖe kpe kpe xe ɖo aɖɛ xo alo e ɖo Mawu sin awɛndo bo cɔn nu ɖo ta ɖe e do winyan amɛxe kpa cɛ nɛ ɖe ⁵ Vɔɔ nyɔnnu ɖe kpé kpé xe ma cɔ nu ɖo ta hwɛ co bo xo aɖɛ alo bo do awɛn Mawu tɔn a ɖe e do winyan amɛxe kpa cɛ nɛ ɖe . mɔ ke é lɛ nyi nɛ na exwlɛ ɖa untɔn lɛ. ⁶ Do nɛ nyɔnnu ɖema kpewu cɔ nu do ta untɔn ,a lɔ be nɛ kpa ɖa untɔn. nɛ e nyi winyan na nyɔnnu ɖɔ nɛ kpa ɖa untɔn alo nɛ exwlɛ ta lɔ be nɛ nɔ bla ta ⁷ Sunnu ka ɖo na cɔ nu ɖo ta a ɖo eɖo ninɔmɛ Mawu tɔn bo nyi gigo na Mawu. vɔɔ nyɔnnu nyi gigo na sunnu. ⁸ Do yé ka ɖe sunnu tɔn sin nyɔnnu mɛ a vɔɔ nyɔnnu wɛ yé ɖe tɔn si sunnu mɛ. ⁹ Mɔ ke lɔ ye ka blo sunnu na nyɔnnu a vɔɔ ye blo nyɔnnu na sunnu. ¹⁰ Do awɛnsagun Mawu tɔn lɛ wutun lɔ nyɔnnu ɖo na nɔ acɛ sunnu tɔn glɔ bɔ e na nyi gesido ɖo ta nɛ. ¹¹ Vɔɔ ka nyɔn ɖɔ yé nɛ klan nyɔnnu sin sunnu wu a mɔ ke lɔ ka nyɔ bɔ yé na klan sunnu sin nyɔnnu wu ɖo axwetɔ unkɔn a. ¹² Do nɛ yé ɖe nyɔnnu tɔn sin sunnu mɛ can lɔ nyɔnnu wɛ ji sunnu bɔ xe lɛ bi sin Mawu de. ¹³ Mi lɔ su lɛ mi bui kpɔn ɖo Mawu sin unmɛ ɖe enyɔn ɖɔ nyɔnnu nɛ xo aɖɛ na Mawu xe ma bla ta a ɖe a? ¹⁴ Agbɛ lɔ ka kplɔn mi ɖɔ winyan wɛ enyi na snnu nɛ ɖa ɖiga ɖo ta nɛ ae? ¹⁵ Agbɛ lɔ ka kplɔ mi ɖɔ gigo wɛ enyi na nyɔnnu ɖa ɖiga ɖo ta nɛ a e ? Do ɖa untɔn le nɛ ɖi duku ɖɔwun ¹⁶ Nɛ amɛɖe linɖɔ we na dɔnnu ɖo xo xe ji lɔ nɛ ɔ ka nyi walɔ mitɔn a mɔ ke ka nyi cɔ ci ɖe tɔn a. ¹⁷ Do nukplɔn amɛ xé lɛ mɛ lɔ un ka kanfu mia. Do nɛ kple lɔ kɛ nyi ɖɔ mi nɔ nyɔ hu na xe mi san ɖe kɛ a vɔɔ mi nɔ ylan kpe de ji. ¹⁸ Hwɛtɛ tɛ un seɖɔ nɛ mi yi kple ɖo cɔ ci lɔ kinklan wɛ nɔ hɔ mi mɛ bɔ unɖi ɖɔ e ɖo alinu. ¹⁹ Do e jɛ xɛ ɖɔ kinklan ɖe lɛ nɛ va mi mɛ na yé a ɖigesi amɛxe lɛ ɖu ɖo tintɛnkpɔn ji ɖé. ²⁰ Do nɛ mi kple lɔ kɛ nyi axwetɔ nuɖuɖu kɛ mi nɔ ɖu a . ²¹ Nɛ mi ɖo nuɖu lɔ amɛ ɖokpo ɖokpo nɔ wlɛndo nuɖuɖu ulɔsu tɔn ganxe mɛ amɛɖe ɖo xuvɛ ɖe amɛɖe nɔ nu ahan nu. ²² Mi ka ɖo xwé bo na ɖu bo na nu demɛ a? alo ɖo gble agun Mawu tɔn bo ɖo winyan do amɛ xe ma ɖo unɖe a lɛ ɖe a? untɛ un na ɖɔ na mi ? ma kanfu mi a éwó un ka kanfu mi a nɛ wɔa. ²³ Do nuxe axwetɔ kplɔn unɖe uwɛ unɖo kplɔn mi ɖɔ axwetɔ Jezu ɖo zan xe mɛ ye wlé ɖé e sɔ kpɔnɔ. ²⁴ Xe e do akpɛ de ji vɔ ekɛ mɛ bo ɖɔ xe wɛ nyi agbaza lan ce xe ye sɔ na ɖo ta na mi ɖe, mi wa xe boa nɔ sɔ flin un. ²⁵ Mɔ ke xe yé ɖunu lɔ vɔ ɖe e sɔ kɔkpo bo ɖɔ kɔkpo xe uwɛ kancica yɔyɔ ɖo ahun ce mɛ. mi nɔ wa xe ga nɖe kpe kpe mɛ xe mi ɖo nui ɖe bo a nɔ flin un. ²⁶ Ganɖe kpé kpé mɛ xe mi ɖo ɖu kpɔnɔ xe alo mi ɖo nu kɔkpo xe ɖeɔ mi ɖo do eku wɛn axwetɔ lɔ tɔn kaka na kɔlilɛ untɔn gan mɛ na wa. ²⁷ Wutu lɔ amɛxe ɖo ɖu ala e ɖo nu ɖo axwetɔ sin kɔkpo mɛ ɖo ninɔmɛ xe ma jɛ a ɖe mɛ ɖeɔ e jɛ agɔ do axwetɔ lɔ sin agbaza lan kpo ahun untɔn kpo. ²⁸ Amɛ ɖokpo ɖokpo nɛ biɔ unɖeke mɛ kpɔn gan ji co boa ɖu kpɔn alo bo a nu ɖo kɔkpo lɔ mɛ. ²⁹ Do amɛxe bi i kpɔn gan ji whɛ co bo ɖu kpɔn alo bo nu a ɖe eɖu bo nu un su sin kojoɖoɖo. ³⁰ Do nɛ wutu wɛ amɛ susu ɖo mi mɛ bo gbɔjɔ amɛ ɖé j'azɔn bɔ amɛɖe ku. ³¹ Nɛ mi gba mi ɖeke lɛ mɛ kpɔn gan ji lɔ yé ka ɖo kojo na mia. ³² Nɛ ɖɔ mɔ lɔ nɔvilɛ nɛ axwetɔ ɖo kojo na mi kpo anyihɔn kpo. ³³ Wuntu nɔvilɛ nɛ mi kple na nuɖuɖu wiwe axwetɔ tɔn ɔ mi nɔ nɔte kpɔn mi ɖeke lɛ.