1 Mi sé ɖɔ mi tɛn tɛn ɔ wa lɔ nyɔnu dindin tɔn axixa gbigblé kéɖɛ ɖo tin ɖo mi mɛ. walɔ mɔha unkɔ xé yé matrɛ na yi mɔ ɖo mayisé nɔ lɛ mɛ ca a ɖé. mi sé ɖɔ amɛ ɖo kpo ɖo mi tɛn tɛn bo nɔ ɖɔɔ tɔɔ lɔ sin asiidé. 2 Mi kpɔ na xé minyi vi gla gla gbɔ déé! bɔ nuɖo ganj ɔ mi na ɖo kwéfifan mɛ ki aéé? amɛxé wɛ blo mɔ sinnu ɖéɔ yé ɖo na nyɛn sin mi mɛ wɛ. 3 Doɔ xé ényi ɖɔ un ma ɖo flɛn à ɔ un ɖo flɛn ɖo gbigbɔ mɛ ɖé ɔ un ko ɖo kojo na amɛ xé blo mɔ sinnu ɖé ɖi nu ɖo flɛn ɖin ɖɔwun. 4 Nɛ ényi ɖɔ mi wa sɛ kplé ɖo nyikɔ axwétɔ jezu tɔn mɛ ɔ bɔ gbigbɔ cé kpo hlɔnhlɔn axwétɔ jezu mitɔn tɔn kpo ɖo kpɔ xɛ mi ɔ. nyɛn ɔ un ko o ɖo kojo na amɛ nɛn ɔ. 5 Un blo mɔ sɔ amɛ lɔ ɖo lɛ gba lɔ mɛn na agbaza mɛ sin anyi jijɛ nɛ ɔ alidɔn untɔn tɛn un wa mɔ hwlɛn gan ɖo axwétɔ lɔ sin aza gbé vlavo. 6 Agbɛninɔmɛ mi tɔn nɛ ɔ ka sɔ gbé à ni ka nyen nyi ɖɔ lévɛn kpɛvi dé ko kpé bo na sɔ o wɔ lɔ bi sité éé? 7 Mi klɔ mi ɖé ké sin lévɛn xoxolɔ wu nɛ mi na huzu nyi o wɔ yɔyɔ xé loɔ mi sɔ miwu ɖé ké lɛ bosɔ huzu nyi kpɔnnɔ yɔyɔ xé mɛ lévɛn ma té à ɖe ɖo klisi ɔ amɛ xé wɛ nyi alɛnvi paki tɔn na miiɖé xé yéka wawi ɖé . 8 Mi a bo ɖu xwé xé mɛ lévɛn xoxolɔ ma té a ɖé lévɛn nyi nyla aɖɛn mɛ baɖa tɔn kpo adaka bi blo tɔn amɔ kpodo kpɔnnɔ xé ma ɖo lévɛn ɖé à xé nyi nujɔ nu tɔn kpo xonugbo tɔn kpo ɖé. 9 Un wlan na mi ɖo wéma wli wlan ce mɛ ɖɔ nɔ kpɔ na mia do gbɛ xɛ agalɛtɔ lɛ bo. 10 Un ka ɖo gbɛ na mi ɖɔ nɔkpɔ na mi a gogo ayi mado té na alo kpɔn matin na agbɛ xé mɛ tɔn lɛ alo amɛ vun vun tɔ lɛ alo amɛ hizidotɔ ahun sinsɛntɔ lɛ é ma nyi mɔ à bé ényiɖɔ mi tɔn sin agbɛ lɔ mɛ bi nɛ é. 11 Din ɔ un wlan nu ɖo hlan mi bo dogbɛ na mi ɖɔ nɔ kpɔ nɛ mi à ɖo kandido ɖé xɛ amɛɖé kpé kpé xé yé ylɔ ɖɔ nɔvi ɖé lo bo ka ɖo agbɛ nɔɖo agalilɛmɛ amɛ xoɖumɛ hun sin sɛn mɛ adanu ɖɔ na amɛ tɔ ahannu mu nɔ alo amɛ xé nɔ ɖɔn amɛ sin akpa ɖagboé xwé ɖé alo kplɔn na amɛtɔ nya ny lan nɔ kpɔ na é na jro mi bɔ mi na ɖu nu xɛ amɛ nɛ ha gbé ɖé gbéɖé bo. 12 Xé é nyi mɔ ɖéé na kɛ un na kpéwu bo na ɖo kojo na amɛ xé lɛ ɖo agogbé bo ma ɖo mɔ à ɖé kojo ɖo tɔ lɛ ké mi nyi na ogun vi vɛ à é? 13 Amɔ Mawu wɛ nɔ ɖo kojo na amɛ xé lɛ ɖo agun lɔ gido ɖé miɖé o yɛ do amɛ lɔ sin mitɛn tɛn.