¹ Paulo, Yesu Kristo ki dɔla kiki apostolo ke woyɔ, yi woca ni Mawu ki enyanyuiɛ ² Ke wodo ŋugbe ɖe to yi ki enyagbɔɖetɔwo ji le ŋɔŋlɔ kɔkɔewo me ³ Le evia ke woji le David ki epomewo me le eŋutila nu la ta. ⁴ Ke woɖo Mawuvi kiki eŋuse le kɔ kɔnyinyi ki gbɔ gbɔ a nu to ƒɔƒɔ co ame kukuwo dome la me, meke nyi Yesu Kristo mia ki aƒetɔ. ⁵ Ameke me mikpɔ amenuveve kiki apostolonyinyi ni xɔse ki etoɖoɖo be edukɔwo kpata dome le yi ki enyikɔ ta. ⁶ Le edukɔ kewo dome, woyɔ mi be mianyi Yesu Kristo tɔ. ⁷ Amekewo kpata le Roma, kewo nyi Mawu ki lɔlɔtɔwo, kewo woyɔ be woale kɔkoe la, amenuveve kiki eŋutifafa ke co Mawu gbɔ la, yi woana mi! ⁸ Kele kele la mele dakpe ni Mawu to Yesu Kristo ji, le mia kpata ta, be wole gblɔ mia ki xɔsenya le fia le ehihié kpata me. ⁹ Ɖo be ŋfé ɖasifétɔ yi nyi Mawu ke mele subɔ le gbɔgbɔ me le evia ki enyanyuiɛ me, sigbe leke nye mele jijɔ ŋuku ɖoɖo mia ji o. ¹⁰ Mele bia le ŋfé egbedodoɖawo me be najé yi ji nuŋ be mava mia gbɔ le Mawu ki lɔlɔnume. ¹¹ Ɖo be ele jroŋ be ma kpɔ mi. Yi macɔ gbɔgbɔme ŋuse ni mi. ¹² Yi nado eŋuse mi. Ya yi nyi be woafa akɔ nuŋ le mia dome le xɔse ke nyimia kiki mia tɔ la me. ¹³ Fifi la, enye mele di be mia ŋlɔbe o be: medi be ma va kpɔ mi yijiyiji gakie wohé emɔ nuŋ vaseɖe fifi. Mele di be makpɔ ekucécé le mia dome, sigbe leke mekpɔ le etrɔsubɔla susuɛwogbɔ nene. ¹⁴ Medufe le Helatɔwo kiki amejrowo enunyalawo kikiame manyanuwo si. ¹⁵ Le egbɔnye la melɔ be magblɔ enyanyuiɛ ni mia amekewo le Roma la ca. ¹⁶ Ɖobe enyanyuiɛ mele wɔ ŋukpie nuŋ o. Ɖo be enyi Mawu ki eŋuse ke le na agbexɔxɔ amesiame ke le xɔse la, kelekele la Yudatɔwo, kiki Helatɔwo ca. ¹⁷ Ɖo be woɖe Mawu ki jɔjɔɛnyinyi ɖe go fia le yime co xɔse me yina xɔse me. Sigbe leke woŋlɔ ɖe be: ame jɔjɔɛ la niɛ agbe co xɔse me. ¹⁸ Ɖo be woɖe Mawu ki ejikui ɖe go coŋ ejipo ɖe amegbetɔwo ki mawumavɔvɔ kiki majɔmajɔɛnyinyita amekewo le xemɔ ni enyatefé. ¹⁹ Ɖo be enuke wonya co Mawu ŋuti la, wokpoɔɛ; ɖo be Mawu ɖe fia wo. ²⁰ Ɖo be co ehihiémewɔwɔ ji la, Mawu ki enu makpɔmakpɔwo ɖe fia coŋ enukewo wowɔ la ji yi gɔme yi nyi yi ki eŋuse mavɔmavɔ ki Mawunyinyi. Yi ta yi wo mado gaflacé nowoo. ²¹ Yita wonya Mawu gakie wo mele cɔ kafukafu nɛ sigbe Mawu o, yi wo mele bui o, woki etamesusuwo do viviti yi wo ki eji masenugomewo ca do viviti. ²² Eke wole gblɔ be enunyalawo yiwo nyi la wozi ebamecilawo. ²³ Wo ɖɔli Mawu magblemagble ki eŋuti kɔkoe, yi wodi enuke ɖi ame gbegblé, kiki exeviwo, kiki ela afɔnewo kiki enutatawo ki nɔnɔme. ²⁴ Yi ta Mawu gble wo ɖe enujojro ke le wo ki ejiwo me ni makɔmakɔnyinyi. Be woado ŋukpié wo ki eŋutilawo le wonɔnɔwo dome. ²⁵ Waawo yi le cɔ Mawu ki enyatefe le ɖɔli ajirara tefe yi woawoyi le subɔ enuwɔwɔwo cɔ wu wɔla ke wole kafu yi ɖe mavɔmavɔ me Amen! ²⁶ Yi ta Mawu cɔ wo dasi ni efukpekpe ke mede wo ji o. Ɖo be woki nyɔnuwo trɔ jɔjɔme hadodowo wɔ enuke mele jɔjɔmrnu o. ²⁷ Nene kié yi yi ŋucuwo gble nyɔnuwo ki jɔjɔmehadodo kiki nyɔnuwo ɖe yi wole fia wo nɔnɔwo efakpekpe; yi ŋucu kiki ŋucu wo wɔ ŋukpié nuwo, yi wo kpɔ wo ki agɔjéjé ki efetu, ke je niwo ki enuwɔnawo. ²⁸ Yi sigbe leke womebui be, woalé Mawu ki nyanya ɖe asi o la, nene kié yi Mawu cɔwo de asi ni etamebubu, ke meje o; be woawɔ enuke meje o. ²⁹ Wo yɔ taŋ kiki majɔmajɔnyinyi kpata, vɔɛwɔwɔ, enujojro, eyemenuwɔwɔ, woyɔ kiki susu vɔɛwo. ³⁰ Wonyi sakplisalawo, ameŋuzɔlawo, evlodolawo, dadalawo, adegbe fuflu polawo, wole he enu vɔɛ va; wo nyi amekewo mele ɖoto wo jilawo o. ³¹ Wo me nyanu o, wo ma ka ɖe wo ji, wo gbe avulélé, yi wo mele kpɔ aŋblɛ ni ame o. ³² Wonya Mawu ki enu jojɔɛ kewo eɖo la, be amekewo le wɔ nene ki nu la je ni eku. Yi wo mele wɔ enukewo ɖeɖe o, vɔ la wole kpɔ ejijɔ le amekewo le wɔa le wɔa ŋu.