1 Amegaɖewo cɔn ɖɔkuiwo ɖe nuxlɔxlɔ domé lé nɔnɔmé kéwoji kiki nujɔjɔwo kéwo vamé le miamé. 2 Sibé amékéwo gbɔ étéfé kiki ŋuku co kɔméjéjé me yi wonyi nyala kiédɔ docɔviwo. 3 Yita nyèc mékpɔ bé ènyɔnbe mabiasé kito kito cɔyikijɔjɔmé bé maxlɔn ɖɔɖawoɖéka amégaTéofile. 4 Mèlèdibé nanya ényaké nèxɔ la ki anyikɔri. 5 Gakéme Herode nyi fi lè judéa mawulinɔ laɖè kewo léyɔ be Zaxaria, élé daha ki nunɔlawo domé, srɔwa co Haron ki jijimé yiki ŋuku nyi Elisabet. 6 Wamévé wa wonyi ame jɔjɔwè nè Mawu ki ŋukume, wolé zɔɖe ésèwojinyɔɖe kiki Mawu ɖɔɖɔ wo. 7 Yi évi mélé wosiwo; yigɔme nyibé Elizabet nyi konɔ yi wocilépémé lègapopomé. 8 Gbéɖeka Zakaria lèwɔ nunɔladɔ nè Mawu ki ŋukumé woki gaméyido 9 ne nunɔla ki kɔnumela wocana mawununɔla ke lasubɔwe, yi wowɔn caca ni améké gbédohome ni vɔsasa ni wafia lifie. 10 Exakpatawa nexixié nedogbeɖa lè lifi ki vɔsasame. 11 Yi Apetɔn ki dɔla ɖe éɖokui fié latré lé vɔsakpeji ki ɖusimé. 12 Eke Zaharia kplɔla éjigligli yi vɔvɔlé, 13 yi ɖɔla gblɔnè bena! mègavɔwo Zahari èlabe wosé kukuɖeɖe yi srɔwo Elizabet aji ŋucuvi nawo yi layɔ yiki ŋukɔ be Jean. 14 Yi anyi jijɔn kiki aséyecoco nawo yi amèkéɖewo wakpɔ jijɔn yiki jijixu. 15 Yi anyi amégan lè apétɔla ki ŋukume yi manu aha sesewo yi gbɔgbɔkɔkɔe ayɔme co énuwa ki édome ke. 16 Yi watrɔ Israel viwo sugbɔ ava Apétɔ woki Mawu la gbɔ. 17 Wazɔlè Mawu ki ŋukume kiki Eliya ki ŋusé ki gbɔgbɔ be watrɔn fofo ki éjiwo va ɖeviwo gbɔ ki étosèsewotɔn va améjɔjɔwo ki nunyamé yi wajra Apétɔ ki ɖukɔwo ke yintɔn jradola. 18 Yi Zaharia gblɔ na dola béna mènamè manya wole,elabe mecinyaga yi srɔnye la wɔèpé sugbɔ. 19 Ɖɔla ɖoxu lè bé ye nyi Gabriel, améke lèlatré lè Mawu ki ŋukume, wodɔhiva be maponunɔ yi magblɔ nya nyui ke nɔwo. 20 Enyɔ atrɔnzu aɖétututɔ womatehu ponuwo kaka ŋukéke keme enuwawo avamé yigome nyibe émèxɔɖé ŋufé nyawo jiwo kelava mé jiwo. 21 Yi dukɔwo lèzɔ Zaharia ji wociya be ècididi lé vɔsawolame. 22 Ke èdɔla méteci lè polulawo, womeseme be ekpɔ ŋutéga lé vɔsawome yi èléxɔn jesilawo èji eji, yi éci numapomapo. 23 Gakeme yiki subɔsubɔ ki gamé vayila ètrɔ yi afémé. 24 Lè ŋukekewo megbela srɔa Elisabet fɔfu yi éxlɔ dokuwa ŋlèti wamatɔn yi egblɔbe: 25 yi Apetɔla kpɔxube yaɖe ŋukpé nyèdagbé, lè amewo dome. 26 Efuwa ki yleti ademela, ɖɔla Gabriel, Mawu ɖɔwè va Galilea lè Nazareth ki dumé 27 ɖe nyɔnuvi manya ŋucu ké nyi Josef ki ŋugbedo nyɔnu lè David ki pomewa mé wolèyɔ nyɔnuvi be Maria. 28 Mawudɔla va yigbɔ yi gblɔ be: Mawu wɔ aménuveve gaɖèlawo apetɔ la lé kikiwo. 29 Le enyawo mé la écaka yi lè bia sébé gbedodo kala kè. 30 Ɖɔla gblɔnè be: " Maria mègavɔ, élabe ékpɔ amenuveve lé Mawu gbɔ". 31 Kpɔ elafɔfu yi najivi yi élané ŋukɔ be Yesu. 32 Elaci yi wayɔbé jipo kivi Apétɔ Mawu acɔ David fofowa ki fiazikpenè. 33 Yi aɖufia tègbé ɖe Yakobo ki afé ji, yiki fiaɖuɖu mavɔ kpɔ. 34 Maria gblɔni dola be nèke atè va medo, nye mènya ŋucu? 35 ɖola ɖohu nè be yi gblɔnè be: gbɔgbɔkɔkowe ava jiwo kiki ipoki ŋusé ki vɔvɔli abucɔjiwo, yita evi kelaji la ale kɔkowé, yi wayɔ be Mawu ki vi. 36 Kpɔ efé pometɔ Elizabet ca fɔfu yi ajiri nè yiki nyanyan cicime: Ele yiki fu xluti adeliame, ya ameke woyobe okɔnɔ. 37 "Elabe naɖekpekpe mèséhu na Mawu". 38 Maria gblɔ be: menyi Apétɔ la ki subɔla nuwo kpata nava lè éfe nyalanu yi ɖɔla co lègbɔ. 39 Le ŋukeke mela cɔ zideka yi eyi du kelé yuda ki ètowaji. 40 Eyido Zaharia ki afeme, yi èdoni Elizabet. 41 Ke Elizabet sé Maria ki gbedodo la éfu ke lé domenè la xuxu. Elizabet yɔ kiki gbɔgbɔ kokowé. 42 Edafa yi gblɔ gbeyiji: be woyra le nyɔnuwo dome yi woyra wodɔmevi. 43 Méjɔnta nye Apétɔ kinɔ va gbɔnye? 44 Elabe èfe gbedodo èɖɔ nye tomé, yi devia xuxu kiki jijɔ lè fodomé. 45 Woyra ameke xose elabe Apetɔ ki nyake ègblola évame. 46 Yi Maria gblɔbe: nye nuvɔ akafu Apétɔla. 47 Yi nye gbogbo kpɔ jijɔ ɖe nye ɖela nu. 48 Yi écɔ huku ɖe yiki subɔla bɔbuwaxu yi mavo mela dukɔwo kata wayɔbe yrayramé. 49 Elabe ŋusétɔn éxɔ nugawo nu, kɔkowe na yiki ŋukɔ. 50 Yiki nublanikpɔkpɔ keke cɔ jijime yi jijime, ni amekewo nèvɔwè. 51 Eza yiki abɔ ki xusé kaka amekewo do wodokui ɖeji le woki jime susume. 52 Etrɔ fiawo lewoki Fiazikpeji yi écɔ amé kèwo lè anyigba ɖe eji. 53 Ecɔ nunyuwo na amékéwo édo léxu yi ènya égatɔwo yi asi plu plu. 54 Eva kpèɖe Israèl ŋu yiki subɔla bé Yafiawo yiki nublanikpɔkpɔ 55 sibe léké égbloni miatɔ Abraham kiki yiki pome yiɖè mavɔme. 56 Maria nanyi Elizabet, sibe xluti étɔ emegbe étrɔyi yidokui gbɔ. 57 Elizabet ki ègamlèɖo be ya jivi, ji éji ŋucuvi 58 yiki kɔmetɔ pometɔwo xɔsèbe Apétɔ nublaniga nɛ la wokpɔ jijɔ kiki. 59 Yi kékkényilia va ɖo be waco ava nɛ devia wolédibe wayɔ ɖevia be Zaharia étɔa ki ŋukɔ. 60 Yi énɔwa gblɔ be o wayɔ bé Jean. 61 Wogblobe ameɖé mélépoméwa tɔ nyikɔwa. 62 Woléwɔ Jesiwo ni étowa ni wanyale lèmɔn wayɔɖevia. 63 Yi ébiabe walèyi nuxlɔnkpé be yaxlɔnu: " yi xɔkɔ nyi Jean wokpata wociya. 64 Tete yiki nuhu yiki aɖe trɔ yi éleponu kafu Mawu. 65 Yi amékewo lèxula wovɔ yuɖea toji towo wopona lè nyajɔjɔ hu. 66 Yi amekewo katawa séla woléɖejime yiwogblo be lèke ɖevia avaledɔ? elab Apetɔ ki alɔn neyiji. 67 Zaharia ètɔwa yɔ kiki gbɔgbɔkokowoe yi egblonyari gblɔ be: 68 wakafu apétɔ Israel ki Mawu yigɔme be éva kpɔ yiki dukɔ yi édéwo. 69 Yi wona xoxo ki ŋusé dobé David yi ki subɔla ki pome mé. 70 Enyaké yiki subɔla kɔkowe yiki lumé vayi. 71 Enyi xoxoɖe kelaɖemi lèmiaki xlɔtɔwo ki alɔme,kiki amékewo lè frumi sime. 72 Efiami yiki lɔlɔ lè miatowo xu yi èɖɔku yi ékacaca kɔkowè. 73 Leke ékatan yi tanu ni miatɔ Abraham, yi axɔ nimi. 74 Eké eɖemi lè miaki xlɔtɔwo ki alɔme ki xusé be miasubɔwe. 75 Lékɔkɔ nyényé kiki jɔjɔnyènye lè yiki hukumé lè miaki agbé kekewome. 76 Ewo évinye wyobé jipovitɔ ki enyagblɔrila elabe èlazɔ lè Mawu ki ŋukumé yi najra yiki vavaɖɔ. 77 Ena yiki dukɔwo nunya ki xoxo na nuvɔwo ki kéké. 78 Miaki Mawu ki dometrɔtrɔ nublanigbɔgbɔ nè doményue ki vava alé abe ɖɔkuzu cɔn ɖe miaji lèbi léji. 79 Elakreni amekewo lè vivitime kiki éku ki vɔvɔlimé ki megbe akplɔ miaki afɔwo yi ŋutifafa ki mɔnji. 80 Gakeme ɖevia aci yi asehu co gbɔgbɔ me ananyi gbeji ŋukekeme ajé aɖe édɔku fia Israel dukɔwo.