¹ Imɔlɛ akusin gbo nin ilanan lɛpa isin ati ɔgba mimɔn oluwa n'ta ilɛ . ² An man ɔgba meji l'apola akusin gbo an pe ni idi miman a kayi ɔpa fitila tɛbu ati pɔnɔn ye an fu soe fu ɔlɔnɛ. ³ L'anyi ikele a kayi ɔgba ekeji gbo an pe ni idi ye man peeɛ. ⁴ Ati pɛpɛ golu n'diye aan sɔn lifi ati apoti imɔlɛ kan ye araɛ gudugudu ni golu lɔsɔ apoti yɛ a kayi cɔɔpuu golu ye ijɛ atɔun isiɛ . ⁵ L'oke apoti akayi angli kerubu ogo ya an nan ika ya ya fu bo idiye aan ta ɛjɛ fu idariji ɛsɛɛ kose asoko ye

aaka fu salayeɛ kiman kiman ye.

⁶ Bi gudugudu ɛ dogba n'gba ni afaa ya n'ka lulɔ tɛgbɛ tɛgbɛ l'apala akusin fu oro kise. ⁷ Ɔgan afaa ya gee si alulɔ l'apala ekeyi igbo kan l'ɔdɔn ni alulɔbe bi n'ko lulɔ n'kɔ gbani ɛjɛ ian ye ofu soe fu ɔlɔun fu idariji ɛsɛ tɛ papa ati ti ye ɔman ilu se layi man . ⁸ Emi miman a nyan fu dee ni ɔnan idi ye

non peeɛ kɔ wa n'kisi titi de n'gba ye n'gba ye ɔgba akusin n'kɔɔ san wa ɛ.

⁹ Ye ni awoan ye amu wa l'ɔjɔ ti oni otumansi ni ɛbu ati ian hise fu ɔlɔun katiko sɔ ɔkan ɛnin ye aaseɛ fu di ki pe. ¹⁰ Afɔɔ ijɛ ɔti ati oro iyasi miman gee ni ɔjɛ afɔɔ katɔ ofi ye kɔnin iyi

kan titi fu de igba ye ɔlɔun tete se n'kan gudugudu.

¹¹ Aman chriti wa gɛgɛ bɛ ni ɔgan afaa ya fu n'kan ye tiwa ya oti wɔlɔ l'ɔgba ye man pee gbo kose ɔwɔ onian ni ɔmanɛ otumansi ni kose ti aye ye . ¹² N'gba ye jesu wɔlɔ igbo kanso fu aye matan matan l'ɔgba ye man peeɛ kɔwɔlɔ wu ɛjɛ agbo alo ti lala ɛjɛ aa tɛɛ ni omulɔ ni ofu tuwa isi n'lɛ lɔwɔ ɛsɛ aye matan matan. ¹³ Ɛjɛ agbo ati lolo ati itu lolo akɔ kisɔn gbo an fan isi l'ewo ɛnin ye kɔ mon yaɛ awɛ ya l'ode ni. ¹⁴ Bi bɛ ni ɔjɛ melomelo ɛjɛ chriti nipa ɛni aye raye fu as ɛ s'ɛbɔ fu ɔlɔun gɛgɛ bi ɛbɔ ye peɛ ɛjɛ n'kɔ wɛ wa n'kɔ nyan ɛmi wa didé n'nɔn n'kon iseku ya ni aka tiko sin ɔlɔhun alaye. ¹⁵ N'kon ye se gbo christi jɛ alagba fɔ n'nɔn imɔlɛ titɔn nin n'di nin ɛnin ye an pe yo anfa tiko gba éré matan matan ye ose ileri fu tɛɛ yaɛ an ka tikoo n'di iku ye waye gbo otu onion yan isi n'lɛ l'ɔwɔ isinon ye anse l'abɛɛ imɔlɛ akusinɛ. ¹⁶ N'di ye an kɔn n'kon kijoga isi n'lɛɛ ose pataki ni kanyan dee ni ɛnin ye kɔnɛ ti ku. ¹⁷ N'toyi bi ɛnin ye kɔn n'kun kijoguɛ koku n'ikan ye ɔkɔn isiɛ kɔnin yoyi. ¹⁸ N'di bɛ ni imolɛ ahusin kɔnin amusɛ tita ni aan ka ta ɛjɛ n'lɛ . ¹⁹ Mose kan ilanon ya l'iwaju ɔnan ilu bɛni ofi fɔɔɛ titaan ni ɔgbin ɛjɛ agbo ati lala ati oni ni ɔfaan n'ta iwe ofi ati n'ta gudugudu ɔmon ilu wu manman ati kakison pupon . ²⁰ Oni ye ni ɛjɛ ye fu idi imɔlɛ ye ɔlɔun se wu waɛ mu lɛ . ²¹ Mose fan ɛjɛ isi n'ta ɔgba ati n'kan ye a, lo sez isin yaɛ gudugudu. ²² Lɛ pa ofi an ya ya n'kan gudugudu si mimon wu ɛjɛ ni an dariji ɛsɛ layi ta ɛjɛ n'lɛ ²³ Bɛ ni ɔwa ni kaya n'kɔn ɔhɔun ye ayi awo ron n'lɛɛ isi n'mimon aman n'kan ɔhɔun yɛ ya pap nidi iyasi mimon ye nin agbaa pe bɛɛ. ²⁴ Christi kobu l'ɔgba mima oluwa ye ɔwɔ onion se l'aworan ti ɔhɔun ɔwɔ lɔ l'ɔlɔhun papa ni idiye olo di l'oju ɔlɔun fu waɛ. ²⁵ Afaa laku ti ilu awɔ lɔ gba miman wu ɛjɛ ɔdɔn ɔdɔn

ni amon christi kawɔ lɔ ɔdɔn ɔdɔn kolo fu aaɛ sɛ bɔ .

²⁶ Bi kose bɛ ɔdɔn ni amon jiya l'éwo aye ati igba ye anti daaɛ l'otitɔ ofu aaɛ sɛbɔ igba konso ni fu idariji ɛsɛ onian gudugudu . ²⁷ Onian wa fu iku igba konso ni nanyiɛ ni ɔlɔun kɔ dɛ li fu. ²⁸ Bɛ gbo ni christi fu aaɛ se ɛbɔ igbo kanso ofu nyan ɛsɛ kipɔ kipɔ onian n'kɔ wa wa igba kan sin aman kose kɔwa sɛbɔ sosin awa kɔwa fu ɛnin ye an reti dee ya ɛ l'igbagba ni.