¹ Emi, Simɔn Okuta, asisɛ fu Jesu wu ajisɛ Jesu-Krisisti fu ɛnin ye ya gba igbagbɔ bɛni awa gboɛ gba nta ɔtitɔ Ɔlɔhun wu Jesu-Krisiti Olugbalawa. ² Ore ɔfɛ wu alafia (fɛɛ) kɔpɔ fu kɔn fu yɛ lɛpa kima Ɔlɔhun wu ti Jesu Oluwa wa ³ Yeyan fu ilei lakun lakun ye wulope ya ɛ dawa l’oju ndini, gba nta ya ɛyɛ gbo k’ɛwa bɛni Ɔlɔhun wa ɛ, nki ma se ojukunkun si n’nɔn aye kibajɛ yé. ⁴ N’dibɛ paapaa e se akiti igna yɛ gudugudu ni ke fu ignaju baama igbagbɔ, ni imoye kɔ baama ignaju, ⁵ Ndi ni bi iwa yɛya wa n’nɔn yɛ ni aya pɔ, e ke wa katagbada laiso fu ima Oluwa wa Jesu Kristi. ⁶ Amagede enin ye kɔnɛ iwa yɛya afɔju ni. Kààyi kijin. Oti gbagbe ni aya ti wɛ ɛsɛ jɔjɔ ɛ ya ⁷ Ndi bɛ ɛnin mi ya ɛgbani aara yɛ kunkun ni ke fu idi kipe ye aya pe yɛ wu kigna ye aya gna yɛ mulɛ kunkun ndi bi ese bɛ eke sina yii. ⁸ Ndi ni mo sa ma ni mawa fu aiyé ye jɔ gɛgɛ bɛni Oluwa ti fɔ fu mi ɛ. ⁹ Ama gede ma se bɛni ma se gbo ɛ kɛɛ tɔsi nkan yɛya l’aŋimiɛ. ¹⁰ Ndi bɛ ɛnin mi ya ɛgbani aara yɛ kunkun ni ke fu idi kipe ye aya pe yɛ wu kigna ye aya gna yɛ mulɛ kunkun ndi bi ese bɛ eke sina yii. ¹¹ Ngba yɛ ni ɔna kifuwɔ ijɔba ɔun aiyéaiyé ti Oluwa ati Olugbala wa Jesu Kristi nko si fu yɛ gbayaa. ¹² Nkan ye se gbo mawa tɔsi n’nɔn nkan wu bɛni ɛma yan ni ɛ sin fu ɛsɛ mulɛ n’nɔn ɔtitɔ yé. ¹³ Ni ma yi bɛni isɛmi ni n’gba ki gba ye mowa laiyɛ nma jɔyɛ kesu gba nta ikilɔ yeyan, ¹⁴ Ndi ni mo sa ma ni mawa fu aiyé ye jɔ gɛgɛ bɛni Oluwa ti fɔ fu mi ɛ. ¹⁵ Ama gede ma se bɛni ma se gbo ɛ kɛɛ tɔsi nkan yɛya l’aŋimiɛ. ¹⁶ Kose wu afɔ arɔ kidɔn nanu ya ni afu kɔn yɛ bɛni Oluwa n’agbaato wu bɛni kisinpadawaɛ ko wusi toɛ amagede bɛni awa ayi wu oju wa paapaa ɛ ni. ¹⁷ Ndi ni ogba ola wu ogo ti wa ndi Ɔlɔun bɔba, ngba ogo yɛwuu se ni agbɔ oún kan fɔ ni : ɛnin ye ni ɔma mi ye mo fian ire, wu ni ayiloju mi (wuni mo mu ifɛmi gudugudu fuu) ¹⁸ A sin gbo oún ti lɔun wa ngba a jɛɛ wa awa ɛ lewo oke mimaɛ. ¹⁹ Ni a jɛi l’otitɔ ni afɔ afɔsilɛ ye ni bɛ ni osin sian bɛni emoju to ire ɛ owa bɛni ina ye a tan ndikan ye pokuku ɛ, fu di igba ye ɔjɔ nko de pe kima gbo aranwee aarɔ kutukutu nko de bes tan l’ɔkan yɛyan ²⁰ Ni ɛyɛ paapaa kɛma fu saaju ni afɔsilɛ gbo aya ti kɔn silɛ kan kose kitu ituma nɔna ɔtɔkan, ²¹ Ndi ni kose wu ifɛ onian niafɔsilɛ kan tu ama ɛmi mima ni gbe ya (gu ya) ni afu fafɔ ye ti ndi Ɔlɔun waɛ.