¹ ŋma lele n den la Isalele niba yaaba n den ye bi dogu nni kuli den cua, bi kuli den taani yanyenma yaa maalima n tie udogu guonciangu buliñoabu yugu n tiegi mi ñima kani. bi yedi li balimaama bangi ka, Esidilasa ke wan ta Musa balimaama tili , UTienu n den teni Isadayeli yaaba yaaa balimaama yeni ki cuani . ² wani wani osalayidikaciamo Esidilasa den ta libalimaama tili ki cuani li nitaanli kani, bani bijaba yeni puoba yeni yaaba n ba fidi ki ga limaama kuli. li tie ŋma lele da kpiali daali. ³ Esidilasa den sedi yaa buliñoabu n tiegi udogu guonciangu yua tuoli miñima kani ki cogi li tili yeni ki cili osiŋaagu ki yaa caa hali uyensiinu, ke bijaba yeni bipuoba yeni yaaba n ba fidi ki gbadi laa maama kuli niima nni. Biniba den cengi bonŋanla wan cogi yaala. ⁴ ogbanbando Esidilasa den doni ki sedi ban taa ti daadi ki ŋanbi yaa sedi kaanu, li taanli yeni po. Matitia yeni SENa , yeni ANaja, yeni Uli yeni Hilikiya yeni Masaja bani n den se ujienu po, ke Padaja yeni Mikayeli yeni Malikiya, yeni Hasumi, hasibadani , yeni Sakali , yeni Mesulami bani n den se uganu po. ⁵ Esidilasa den poaidi li tili yeni biniba nunga nni, kelima wan den se naankani yeni li den kpedi ki cie biniba kuli n den fii ki sedi naani. ⁶ Esidilasa den jaandi ki kpiagi utienu yua n yabi. biniba kuli den yugidi binugi ki yedi: ke bi kuli labini tingi po ki kpiagi yonbidaani yua die limiali. ⁷ li puoli po yii, i Jesue yeni Bani Sedabia , Jamini, Akubi, Sebetayi, hodija, Maseja, Kelita, Asalia, Josabadi, Hanani, Pelaya, yeni Lefi buolu yaaba den bundi biniba po libalimaama, ki nilo kuli se o kaanau kani ⁸ bi den cogi UTienu balimaama tili bonŋanla, ki go bundi ke biniba kuli n fidi ki gaa ban cogi yaaa . ⁹ Nehemi, yua n den tie udogu daano yeni liBalimaama bangika Esidilasa yua n go tie osalayidikaciamo, yeni Lefibuolu yaba, yaaba n den bangi biniba yene bi den yedi biniba kuli: ¨dine yaa daali ye li ba, ti Tienu tiyonbidaano yua die li miali po, yin da boandi yi pala gi da buudi yene¨ kelima n den cengi liBalimaama n yedi yaala, bi den buudi. ¹⁰ bi go den yediba , ¨yaa kuni mani ki ban di yaa jiema ŋaniki guo, ki ñu yaa bonñokaala n mani, ki boagidi yi jiedi ki puni yaaba n ki pia, kelima dina tie yaa daali n gagidi Ti yonbidaano po ki puni tinba laa pamanli ke li tie ti paalu.¨ ¹¹ Lefi buolu yaaba mo den duani biniba kuli yama ki yediba : << suoni mani kelima dine yaa daali tie yaa daali gagidi li ba. da boandi manai yi pala>> ¹² yaa niba n den taani kuli den kuni ki ban dini ki go ñu , ki soani bijiema yaaba n ki pia po, ki mangi bi pala hali paa, kelima bi den gbadi ban bundi bi po yaa maama yeni niima nni. ¹³ li danlieli daali Isidayeli yaaba kuli die danba yeni bi salayidikacianba yeni Lefi buolu yaaba den taani liBalimaama bangika Esidilasa kani ki baa cengi UTienu balimaama bundima. ¹⁴ bi den la ke li diani UTienu n den teni Musa yaa Balimaama nni li den tie ke Isidayeli buolu yabi baa yaa ye Akuanjona nni, ŋmalele jaanma yoginu. ¹⁵ bi go den yi cedi o nilo n kpaandi bi dogu nni kuli yeni Jelusalema nni, ki yedi ¨ gedi mani ajuana po ki ban ta Olife tiidi bena ban ko yaa Olife yeni li fuali nni yua yaa bena yeni Militi tiidi yaa bena, yeni kpakpa tiidi yaa bena, yeni yaa tiidi n pia ti faadi boncianla kuli yaa bena ki pua Akuanjona nani lan diani maama.¨ ¹⁶ lanwani nilo kuli den gedi ki ban taa Abena ki pua Akuanjona bi diena yula po, yeni bi luoli nni, yeni bi cancanni yeni UTienu diegu luolu nni, yeni oguonciangu buliñoabu yaa fanfanma ñima buliñoabu kani, yeni yaaba n yi Eflayima yaaaba buliñoabu yaa fanfanma kuli. ¹⁷ yaa niba n den taani kuli tie tie yaaba n den ñani ti yonbidi nni bi den pua bi kuanjona ki ye lieni . li den Nuni Bijua Josue yoginu ki ban pundi hali laa daali Isidayeli buolu yaaba daa ba ki jaani laa jaanma buolu. bi den mangi bi pala hali boncianla ¹⁸ Bi den cogini bi po, UTienu Balimaama tili daali kuli, ki cili li jaanma cilima daali ki ban pundi hali juodi daali. ki tieni li tantaanciangu li dan nii daali nani lan den bili maama.