¹ lan yogunu, ban cogi biniba kuli siiga nni, Musa n den diani ya tili, li sua ke laa dagidi Lamoniti yua yeni Moabiti yua buolu n kua UTienu buolu taanli nni, ² kelima den baa cuani Isalele bidi po, yeni jiema ki buali ba ñima, ba yeni lan kuli bi go soani ki yini Balama ki teni o iligi ke o wan soli bani Isalele buolu yaaba; ama ti Tienu den lebidi cedi ti solindi yeni ke ti tua ti po yedi ŋanma. ³ ban gbadi liBalimaama, Isalelelyaaba kuli n paadi yeni binilanba. ⁴ hali ke laabonla kuli daa tieni, bi den gandi osalayidikaciamo Eliasibi ke wan die UTienu diegu diena maama, nani wan den tie Tobija kpiilo yeni, ⁵ wani Eliasibi den ŋanbi o yuli po diecianli ban den kpa kuandi naan kani opaabu afidijuukaana, ti tiadi, piiiga boagidi ŋalikama , yeni duven, mi kpama ke li tie Lefi buolu yaaba ya yaala, ayanyinla yeni yaaba n guu abuliñoana, yeni den ban baa ñandi yaala ki tieni bi salayidikacianba. ⁶ li den sua ke n ye Jelusalema lanbonla kuli n den tieni yaa yogunu, n den guani obado alitakiselise o piita n binlieli po Babilona. ⁷ libinli n pendi obado den puni nni usanu ke n gua kpeni Jelusalema, nden la ke Liasibi tieni yaa bonla ke li bia, ki teni Tobija li dieli UTienu diegu luoli nni. ⁸ n palli den biidi hali boncianla ke ñani Tobija n die yaa tiadi kuli ki luni ti niinpo ` ⁹ n den guani ki cedi ke bi ŋanbi adiena ke goa bili UTienu diegu tiadi opaabu yeni afidijuukaana. ¹⁰ n go gbadi ke baa tieni Lefi yaaba lan bili ban ya tieni ba yaala, ke bani yeni bi yanyinba yaaba n den kubi UTienu diegu tuonli mo, den sani ke yua kuli guani o diema po, ¹¹ n den funi yeni libalidanba ki yediba: ¨ be yaa po yo ke yi ŋa UTienu diegu?¨ n den yini ki taani Lefi buolu yaaba yeni bi yanyinba ki gua kuaniba bi tuonli nni. ¹² lanwani juda buolu yaaba den kuani ti tiadi n biligi yaa diena nni, bi ŋalikaama, duven yeni mikpama yaa piiga boagidima , ¹³ n den guuni osalayidikaciamo Selemia yeni libalimaama bangika, Tisadogi, yeni Lefi buolu yua Pedaya, ti tiadi n bili ya diena nni. Matania yaabili Anaia, Sakuli den pugidi bi po, kelima bi kuli den tie ban dugi yaaba yaa po. bi tuonli den tie ban yaa boagidi o paabu bi lieba, ¹⁴ n Tienu ŋan yaa tiani n po , kelma laa bonla po , ŋan da sundi min soani a tegima tuona maama yeni a yaa jejiegu a diegu nni, yeni ŋan bili tin yaa ŋoa yaala kuli yaa niini. ¹⁵ lan yogunu, n den laa ke juda diema nni yaaba ye ban ŋanbidi duven naan kani ki ŋmaadi duven tiidi bonluonkaala UTienu fuodima daali, bi tianba den kuandi ŋalikaama bonbaba, ki tugi yeni ŋunbi duven, duven tiidi bonluonkaala akankana yeni bonbuoli kuli ki caani Jelusalema UTienu fuodima daali; n den funi ba yeni ban kuadi bi kuadima yaa daali yeni po. ¹⁶ Tili ya yaaba, yaaba n den ye Jelusama moko den cuoni yeni Ijami yeni bi bon kuadika buolu kuli ki kuadi juda buolu yaaba po UTienu fuodima daali Jelusalema nni, ¹⁷ n den funi yeni Juda nigbenga ki yediba: be n cedi ke yi tiendi yaa tuona n ki ŋani ki cagini UTienu fuodima daali? ¹⁸ yi yaa janba mo den ki tieni yueni kaa, lani yaa po ka cedi ke UTienu cuani tinba yeni ti dogu po yaa fala n tie naa yinba moko cagini UTienu fuodima daali ki go baa cedi o pali n biidi Isalele po! ¹⁹ lanwani n den bili ke ban yi luoni Jelusalema buliñoana uyienu n koa yaa yogunu, hali ke UTienu fuodima daali daa cili ki da go luodi ŋa ke UTienu fuodima daa pendi. n den siensieni n naacenba a bulñoana kani ke ban da tuo tugili ba kuli n kua udoguni UTienu fuodima daali ²⁰ lanwani akpenkpenda yeni yaaba n kuadi bonkuadi buolu kuli den dua niinpo dayenli bi daalie. ²¹ n den funi yeni ba, ki yedi: ¨be yaapo yo ke dua li guonli puoli po? yi yaa go fa tieni yeni n baa cuo yi.¨ hali laa yogunu po baa go faa cua UTienu fuodima daali. ²² n go den bili ke Lefi buolu yaaba n ŋanbi biba ki cua ki yaa guu abuliñoana ki go gagidi ki ŋanbi UTienu fuodima daali. n Tienu ya tiani n po, kelima laabonli kuli po ki yaa guu nni kelima aninñingbadicianma po. ²³ laa yogunu po, n den laa yaa Jufinba n den taa yaa puoba n tie Asidoni yaaba yeni yaa puoba n tie Amoni buolu yaaba yeni Moabi buolu yaaba. ²⁴ bi bila siiga nni boagima ji den maadi Asidoni buolu yaaba yaa buolu maama, ke bi tianba mo maadi ma buolu tianu, oba kuli ji ki bani Jufinba yaa mabuolu. ²⁵ n den funi yeni ba, ki soliba; bi siiga nni n den pua bi tianba ki ŋabi bi yudi, ki cedi ke bi poli hali Tienu po, ki yedi: ki bi kan go puni bisiaba binilanba bijaba, ki kan go ta binilanba bisiaba bi bijaba po bi biyula po mo, ²⁶ n den yediba; lan ka den cedi ke Isalele yaaba bado Salimono kua ti tuonbiadi nni ? yaa ba tieba n den ye inilanbuoli nni kuli ki den pia yaa bado n naani yeni wani, UTienu den bua o ki cedi ke o tua Isalele yaaba kuli bado, ama ba yeni lan kuli binilanpuoba taama den kuano ti tuonbiadi nni, ²⁷ tii go bua ke tin gbadi ke yi tiendi laa tudicianma ti Tienu po, ki go yaa taadi yaa puoba n tie nilanbuoba de ? ²⁸ Joyada bijua yendo yua n den tie osalayidikaciama Eliasibi yaa yaabili den cuadi yeni sanbala yua n tie Roni yaa yua, n den den deli ki foagido yeni n kani. ²⁹ n Tienu ŋantiadi bipo, kelima bi den cagini salatuonli kaanu, yeni ŋan den kuani yaa danligu fini yeni bisalayidikacianba yeni Lefi buolu yaaba siiga nni. ³⁰ n den ñani nilanmo kuli Isalele yaaba siiga nni ki ŋanbiba, n den ñii bonŋanla yaa Balimaama n bili ke o salayidikacianma yeni Lefi buolu yaaba yua kuli n baa yaa tiendi yaala o tuonli nni, ³¹ yeni Isalele yaaba n tieni ti daadi yeni li bonluonkakpiala yaa yogunu. n Tienu ŋan yaa tiadi n po ki mangidi n po Anunga. !