¹ Isalele yu danba den kali Jelusalema ke yaa niba n sieni bi den tieni lugidima ke niba piiga siiga niyendo cua ki ye Jelusalema dogu yu ngagidi nni, ke yaaba n sieni ye bi dogi nni. ² biniba den gaali yaa niba n cuo bi yama po ke bi baa ye Jelusalema . ³ diidi i dogi yudanba yaaba n den cua gi kali Jelusalema , yua kuli den kali wanden diedi yaa kaanu odogu nni , bani Isalele yaaba , salayidikaaba, yeni lefi buolu yaaba , yeni UTienu diegu naacenba yeni Salimono bila naacenba . ⁴ Atoya yua den tie Peresi yaabili wan Peeresi den mali Malaleeli wan mo n ma Sisefatia omo den mali Amariya o mon n ma Sakali, o mon n ma siasi, wani n den mali wani AToya. ⁵ uda buolu yaaba siiga go yaaba n den kali nne, Maaseya yua n den tie Solomi yaabili wani Solomi den mali Sakali omon n ma Joyalibi, wan mo n ma Daya o mo n ma Hasaja, wan mon n ma Holi hose, o mo n maa Baruki, omo den mali Maaseya. ⁶ Peere bila kuli taanma den tie kobinaa n piiluoba n jakoanda nii, yaaba n den kali Jelusalema . ⁷ diidi Benjamina buolu yaaba n den kali Esayi biga den tie Itiali , o mo n maa Maaseya, wan mo n maa Kolaya, o mo n maa Pedaya , o mo den mali Joyedi o mo nmaa Mesulami o mo den mali Salu. ⁸ o yaa puoli li den pia Gabayi yeni Salayi ke bi taani gi tie kobiyia n piilie n niba nii. ⁹ Sikidi Bijua Jowoli den tie bi yudaano yeni Semua biga Juda yua den tie udogu yudaano. ¹⁰ Salayidi kaaba den tie Joyalibi Bijua Yedaya , yeni Jakini. ¹¹ UTienu diegu Badijaba yaaba den tie Salayidikacianba tuonli po den tie Ayitubi, wan den mali Malajoti, o mo n maa Sadoki, wan mo n maa Mesulami o mo den mali Hilikiya o mo n maa Sedaya. ¹² li den tie bani yeni bi ninjaba niba kobinii n piilie n niba lie, yaaba n den tuuni UTienu diegu nni Malikiya Bijua Pasuuru o mo den mali sakali wan mo n maa Amitisi o mo n maa Pelalia wan mo n maa Jelolami o mo n maa wani Adaya. ¹³ yeni o ninjaba ke bi tie diedanba kobilie n piinaa n niba lie ki kpi yeni yaba, Imimeri den mali Mesilamoti , o mo n maa Akisayi , o mo den mali Asareli wan mo maa Amasisayi. ¹⁴ yeni bi ninjaba yaaba n den tie jakoanda kobiga n piilie n niba nii, Jelemi biga sabidieli den tie bi yudaano. ¹⁵ lefi buolu yaaba bijaba den tie Buni bija Hasabia, o mo n maa Asirikami, wan mo den mali Hasubi, o mo n maa Sedaya. ¹⁶ Sebayi yeni Jesabadi, den die UTienu diegu, tuona bi den tie Lefi buolu yaaba yudanba siiga nni yaaba. ¹⁷ Asafi yaabili Matania wani Asafi den mali Sabidi, o mo n maa Mise, wani mo n maa Matania, yua n den ŋmagidi ti pagidi yani i jaandi yoginu yeni Bakibukia o yeni oninjaba yaaba n den yeni bi siiga yaaba n den ŋmagidi gi todiba Jutuni den mali Galali o mo den mali Samua wan mo n maa Abida. ¹⁸ Lefi buolu den ye yaa dogu n gagidi nni bi kuli den taani gi tie kobilie n piinii n niba na. ¹⁹ Abuñoaguudaden tie Akubi yeni Talimani, yeni bininjaba bi buliñoaguudilieba den taani gi tie kobiga n piilele n niba lie. ²⁰ Isalele yaaba yeni Salayidi kaaba yeni Lefi yaaba n sieni den ka kali Juda dogi nni yua kuli o doceli nni. ²¹ UTienu diegu naacenba den kali gi juaga po, bi den pia bi yudanba Tisika yeni Jisipa. ²² Lefi buolu yaaba yudanba den tie Usi Mice yaabili wani Mise den mali Atania o mo n maa Hasabia o mo den mali Bani , wan mo n ma wani Usi bani Asafi bila bani bi yan yinba yaaba nkubi UTienu diegu nni tuonli kaanu. ²³ kelima obado den teni li lanbonli bani bi yanyinba po. yaa panpani n den bili bi po, ban kubi ki yaa tendiba daali kuli. ²⁴ Petakija o den tie Salaki yaa bili, Mesalabeli bija ki tie Juda buolu yua gi tie comiseri gi tuuni obado diegu nni yeni isalele yaaba n den pia yaa ŋantaadi kuli po. ²⁵ Juda buolu yaaba den ka kali idogini yeni li longbanbila nni kuli, bi den kali Kilijaiti Ariba yeni li koajaana nni kuli, yeni Bidon yeni li longbanbila nni yeni Jakatitiseli dogu yeni li longbanbila kuli. ²⁶ ki kali Jesisua, Molada, Betipeleti, ²⁷ Asari suali, beriseba yeni li longbanbila nni. ²⁸ gi kali Tikidagi, Mikona yeni li longbanbilanni . ²⁹ E ni- Remoni, Tisoreya , Yarimuti. ³⁰ Sanoaki , Adulami, dobila yeni li longbanbila nni, yeni Laki yeni li longbanbila , yeni Aseka yeni li longbanbila bi den kakali gi cili Belieba ki ban pundi Himoni Joaloandigu, ³¹ Benjamina buolu bila den kakali ki cindi Gibeya , Migimaki yeni Aja , yeni Betelema dogu yeni Ulongbanbila, ³² ki kali ANatodi yeni Nobi yeni Hanania, ³³ Hatisori yeni Rama yeni Gutitayimi, ³⁴ ki kali Haditi yeni Tiseboyimi yeni Nabaliti, ³⁵ yeni Halodi, yeni ONO bi tuonsoaba joalondigu. ³⁶ li den pia Lefi buolu yaaba yaaba n den ŋoadi Bejamina, ba ke bi den ye Juda yaaba siiga boagidima gi taani bani Juda yaaba timu po.