¹ U Tienu guani maadi yeni Jonasi taamlie po : ² Fii gedi ninivi ki ki maadi'ba min cabi yaali . ³ Ke Jonasi fii gedi ninivi nani u Tienu n bo yedi maam .Ninivi bo tie longbangbengili ke a baa cuoni dana taa ki fidi pundi . ⁴ Jonas daa cuoni u dogu nni daayenli yo .O bo yigini ki maadi .L i sieni dana piina Ninivi baa mudi . ⁵ Ke Ninivi yaab gaa li saawalo ,ki kpaandi m ñɔlolma ,ki lani t kpalpiadi ki cili a jakpela ki pan juodi t bidi . ⁶ Ke li bonli pundi Ninivi bado kani ;ke o fii o badkpagili po ,ki landi o badiliadili ki pini u kpalpiagu ki kali m fantama po . ⁷ ke o bado yeni o nigbenga teni u nuuce ke bi kpaandi u dogu nni.Ke b niba yeni t yandi ,i noe yeni i pei n daa leni bonli ,ki daa ŋmani bonli ki daa ñu ñinma . ⁸ K e bi niba yeni t yandi n pini t kpalpiadi ki yigini yeni paama u Tienu ki guani lebini b ñɔbiidi yeni bi tuonbiidi yaali ke b nugi tieni . ⁹ ŋmaa bani ke u Tienu t kan guani ? ki kan gbiandi ki guani ki sɔngi o pabienli ii? ki fidi t daa kpe i . ¹⁰ U tienu la ke wan tieni maam ke li ji gɔ ña b ñɔbiidi po . Ke u Tienu guani gbiandi li numɔnli yua ke n bo bua kuan'ba .ki cedi